الثلاثاء، أبريل 26، 2011

كان لازم - محمد عباس








كل ليل آخره نهار
مهما طال الانتظار
الأمل إللي في عيونا
مش بيعرف الانكسار
في القلوب صوت بينادينا
والحنين إللي مالينا
أيوة مارد صاحي فينا
راح يعيش لو وسط نار
كان لازم ننتفض لازم نثور
كان لازم ينتصر جوانا نور
كان لازم ينكسر لو ألف سور

طب مين يرضى السكوت
طول ما فيه جوانا صوت
جرحنا لازم هايصرخ
حتى لو كان فيها موت
راح تهون كل الآلام
إحنا أهو مش بالكلام
شمسنا هاتطلع عشان
حلمنا رافض يموت
كان لازم ننتفض لازم نثور
كان لازم ينتصر جوانا نور
كان لازم ينكسر لو ألف سور

هناك تعليقان (2):

يا مراكبي يقول...

كل ليل آخرُه نهار

لكل شيء نهاية

والدوام لله وحده عز وجل

كُلنا كُنا عارفين ان مُبارك هيموت .. وان ظُلمُه ده له نهاية .. بس ما كُنا عارفين امتى .. لكن كُنا مُتأكدين من ان النهاية حتماً قادمة

إيمان الحسيني يقول...

القانون الرباني هو إللي حسم الأمر يا مراكبي

إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ

لما قومنا علشان نغير الواقع إللي احنا عايشينه ربنا وَفّى بوعده ونصرنا
إن الله لا يُخلف الميعاد