الأربعاء، يناير 25، 2012

اثبت مكانك .. ألم وشجن لا يوصف




اثبت مكانك .. هنا عنوانك
ده الخوف بيخاف منك
وضميرك عمره ماخانك
اثبت مكانك ..
ده نور الشمس راجع
يا تموت وأنت واقف
يا تعيش وأنت راكع
اثبت مكانك ..
ده عنيك شايفة الدليل
ابعد عنهم وسيب
الحيطة عليهم تميل
اثبت مكانك ..
قلب الوطن اتجرح
وصوت الحرية
خلاص اتنبح

كلامك ما بيتفهمش
إحساسك مابيتوصفش
أنت بتقول كرامة
وهما يردوا بمهانة
أنت بتقول العدل
بيقولوا عنك ندل

اثبت مكانك .. هنا عنوانك
ده الخوف بيخاف منك
وضميرك عمره ماخانك
اثبت مكانك ..
أنت نور الفجر
وهتافك صوته أعلى
من صوت الرصاص والغدر
اثبت مكانك ..
وادعي ويا الأدان
ليك رب اسمه الحق
والعدل والسلام
اثبت مكانك ..
وكتفك في كتف أخوك
لو مهما راحت روح
الفكرة مش هاتموت

كلامك ما بيتفهمش
إحساسك مابيتوصفش
أنت بتقول كرامة
وهما يردوا بمهانة
أنت بتقول العدل
بيقولوا عنك ندل

مطلوب منك السكوت
تكون إنسان بديل
مطلوب تسكت .. تموت
أو تعيش أسير
عايش في أكبر سجن
بس من جوايا حُر
حاضر هاتعجب
تكفي عني كل شر
الولاء للماضي أفكار لينا صديقة
كذب كاذب جوايا يأكد الحقيقة
انعكاس تاريخ الزيف في المراية واضح
طوبة تكسر المراية للحقيقة فاضح
مستورين من جوانا لو جسمنا اتكشف
فاللي ينطق بالحقيقة بالخيانة اتوصف
انهزامي وانهزم لكن انتصاري واتسرق
الحقيقة فبروكها والحزن على كتاب اتحرق
أنا إللي ماتوا من سنة
وإللي قاتل ما اتشنق
أنا السطور على الورق
أنا إللي من جوا اتحرق
أنا إللي شعري شاب بموته وهو طالب مدرسة
أنا إللي ثابت مهما قالوا ومهما زودوا الأسى

كلامك ما بيتفهمش
إحساسك مابيتوصفش
أنت بتقول كرامة
وهما يردوا بمهانة
أنت بتقول العدل
بيقولوا عنك ندل

ليست هناك تعليقات: