السبت، أغسطس 03، 2013

أنا آسفة يا برادعي

ده اعتذار واجب مني للدكتور البرادعي نتيجة لإساءة فهمي لحواره مع جريدة الواشنطن بوست خاصة بعد تصريحه بإنه تم تحوير كلامه
لكن ده مايمنعش إني رافضة تماما فكرة إن تيارات اليمين المتطرف تشارك في كتابة الدستور وفي العملية السياسية
هما أصروا على استكمال دستورهم بالرغم من انسحاب جميع التيارات الأخرى من اللجنة التأسيسية
وقرروا يزوروا العملية الانتخابية كلها علشان يتم "إقصاء" بقية التيارات
ويبقى معاهم رئاسة وبرلمان ودستور .. وبقية الشعب ضيوف عليهم !!!!
ده غير إهدارهم لدمنا واستباحتهم لأعراضنا !!!

يا دكتور برادعي أنا عارفة إن حضرتك شخصية متزنة وبتتمنى تشوف مصر أعظم بلاد الدنيا
بس فيه مواقف لازم يتم مواجهتها بحزم بعيدا عن المثالية
يا إما الألمان يبقوا مخطئين إنهم رافضين مشاركة النازيين في الحياة السياسية !

ليست هناك تعليقات: