هاتكلم يا سيدي وأقول
ده أنا قلبي مليان شجون
نفسي أصْرُخ بعزم ما فيه
بس الخوف يقولوا مجنون
ده زمن قاسي وغدار
فيه النفوس هي السجون
أما الحديد والقضبان
بالنسبالي سكن مضمون
الحديد عمره ماكان قاسي
بشوية نار يبقى حَنون
وفيه قلوب طبعها ناسي
ولا حتى بالدم هتكون
قلوب أنشف مالحجر
حتى الجبل هزّه السكون
لكن قلوبنا الميتة
مكروهة من كل الكون
امتى نحس من تاني
بنور القمر واللون
امتى نشوف الأماني
بالشمس ماليه العيون
امتى نقدر من تاني
نتكلم بصوت حَنون
ليست هناك تعليقات:
إرسال تعليق