السبت، أكتوبر 22، 2005

لمصلحة مَن ؟!!!

كلنا أصبحنا على علم بأزمة المسلمين والنصارى في الإسكندرية والتي كان سببها ظهور اسطوانة مدمجة مسجل عليها مسرحية مسيحية تُسيء للإسلام ولرسول الله (صلى الله عليه وسلم) ، وما إن انتشر الخبر حتى تظاهر الآلاف أمام الكنيسة التي يُقال أنه قد تم تصوير المسرحية بها ، وسقط أكثر من قتيل وثمانون مُصاب ، بجانب إصابة راهبة كانت في زيارة للكنيسة ....
لمعرفة التفاصيل اضغط هنـــا

الأمر الذي تبادر إلى ذهني منذ سمعت بنبأ المظاهرات والصدامات العنيفة بين المسلمين والنصارى وقوات الأمن هو :
كان رسول الله (صلى الله عليه وسلم) يعيش في مكة في بداية البعثة وتعرض لكل أنواع السب والإهانة والشتم والقذف بالحجارة ...كل هذا وهو على قيد الحياة
وبالرغم من ذلك لم نقرأ في أي من كتب السيرة أنه أمر المسلمين بالتظاهر أو أعمال العنف ، بل أنه هو شخصيا لم يلتفت لهذه الإهانات فكان كل تركيزه على الدعوة إلى الله ....

حتى في غزوة أُحد وبعد انكسار جيش المسلمين وسماعهم لأبي سفيان وهو يصيح بعبارات الشماتة ... أمر رسولنا الكريم صحابته بالصمت وعدم الرد ، حتى بدأ أبو سفيان في تمجيد آلهته ... حينها فقط أمر رسول الله (صلى الله عليه وسلم) صحابته بالرد ، وكان الرد بالكلام فقط !!!!

وسؤالي هو :
أي منهج يتبع المتظاهرون في أفعالهم هذه ؟!!!!
ولماذا ظهور هذا الشريط في هذا الوقت بالذات ؟!!!!
وسؤالي الأخير ... كل هذا لمصلحة مَن ؟!!!

هناك 14 تعليقًا:

Bent Masreya يقول...

لمصلحة من؟ مش عارفة

لكن الأكيد إن فى حاجات غلط فى دماغ ناس كتير

بداية من اللى عملوا المسرحية لحد اللى اتظاهروا بعنف

أنا بريئة بإسلامى من كل ده

SPRING يقول...

لمصلحة من؟؟ اذهبي هناك لتعرفين

ibn_abdel_aziz يقول...

عليكي نور يا طعمة

جبتي التايهة والله

te3mah يقول...

الخطأ فعلا مُتبادل من الطرفين يا بنت مصرية
لكن أنا أملك إني أتكلم عن المسلمين بس لإني مسلمة
والمفروض إن إذا إللي قدامي أخطأ
أفضل أنا محتفظة بهدوئي

te3mah يقول...

خيوط كتيرة مُتشابكة يا ربيع
لكن ماحدش مننا يقدر ينكر إن المستفيد الأول والأخير من الفتنة هو أمريكا وإسرائيل

te3mah يقول...

جزاك الله خير الجزاء يا ابن عبد العزيز

ارحم دماغك! يقول...

طيب عدي علينا يا أخت طعمة..

Mr-Biboooo يقول...

لا حول و لا قوة للا بالله

te3mah يقول...

منور يا يحيى
وعلى هناك على طول :)

te3mah يقول...

فعلا يا بيبو
لا حول ولا قوة إلا بالله
شكرا لمرورك

Ahmed Shokeir يقول...

طعمة .. كنت متوقع رد مختلف منك .. بس الحمد لله رأيك وتحليلك موافقك عليه

te3mah يقول...

متوقع رد مختلف إزاي ؟!!!
فهمني الله يكرمك :)

Ahmed Shokeir يقول...

هاها
كنت عارف إنك هاتسألى السؤال ده
شوفى : أنا كنت فاكرك هلاقيكى ثائرة من المسيحيين وتقولي شوفوا عمالين يعملوا فينا إيه ؟ ولازم نقف لهم وحاجات تعصبيه كده

te3mah يقول...

طب الحمد لله إننا طلعنا من الناس التانيين :)
بس إيه إللي خلاك تاخد الانطباع ده عني أو تكون الفكرة دي من الأساس ؟!!!