الأربعاء، أكتوبر 26، 2005

تخاريف حالة زهق

شريط الإهداءات وتعليقات :
* أنا كردي من كركوك ... ممكن بنيه عربية ؟
- الشعب العراقي بعد التحرير الأمريكي !!!

* مركز مرموق قاهري يبحث عن صداقة ليدي محترمة جميلة أرملة أو منفصلة .
- وهي لو محترمة إيه إللي هيجيبها هنا ؟!!!

* يا مكتشف ... أنت ليه بتسأل نفسك وترد على نفسك دايما ؟!!!
- أكبر دليل على إن أغلبية مرتادي التشات التليفزيوني غير أسوياء من الناحية العقلية .

أنا وماما والغسيل :
أصدرت الست الوالدة فرامان بمنعي من نشر الغسيل .... ليه بقى ؟!!!!
لإني بانشره بطريقة غير طريقتها !!!!
هو مش كله نشر والسلام يا ماما ؟
مش كده هيتهوى وينشف وكده هيتهوى وينشف ؟!!!!

هناك 8 تعليقات:

Ahmed Shokeir يقول...

لا طبعا ياطعمة .. نشر الغسيل ده فن .وركزى معايا .وأهم حاجة الترتيب والأولوليات . وفيه كمان حاجات ماتنفعش تتنشر .. شوفتى بأه الموضوع مش سهل إزاى
علقت مرة على حكاية الرسائل دى فى البوست ده http://shokeir.blogspot.com/2005/09/blog-post_12.html

أخر حاجة بأه .. ممكن الرابط بتاع موسيقى على خطى الحبيب

te3mah يقول...

يا سيدي إحنا متفقين على الأولويات
لكن مُختلفين على الكيفية
يعني التنية بتاعة الغسيل تبقى لبرة ولا لجوا ؟
طبعا ماحدش فاهم أنا بأقول إيه أصلا

المهم بقى ساعات بابقى زهقانة وحاسة بحالة ملل فظيعة
فبروح قالبة على محطة من Yياهم واقعد أقرا الإهداءات دي
يقوم ضغطي يعلى وأحس إني إنسانة تافهة
فأقوم أعمل حاجة مفيدة على طول :)

رابط أغنية (على خطى الحبيب) موجود هنا على موقع عمرو خالد :
http://www.amrkhaled.net/multimedia/multimedia668.html

shady يقول...

مش كده يا عم احمد انا برضو داخل اعلق على حكاية الغسيل ههههههههههه
على العموم يبدو ان خيارك الاستراتيجى فى الغسيل هو الكلفته علشان نخلص فماما آثرت تنشره هي حفاظاً على راحة الانسجة

te3mah يقول...

لا والله يا شادي مش مسألة كلفتة
بس فعلا لو عرفتوا الاختلاف على إيه هتقولوا علينا ناس فاضية :)

ارحم دماغك! يقول...

مصلحة يا ستي..

بس مقولتيش كلفتك بإيه بداله؟!

te3mah يقول...

لسه مافيش تكلفيات جديدة يا يحيى
ربنا يستر :)

arabprof يقول...

اللهم من أراد بالاسلام والمسلمين كيداً فردّ كيده في نحره


وهذه الفضائيات والله أعلم بتمويل صهيوني أمريكي

وللأسف حققت جزء كبير من أهدافها



أما حكاية الغسيل

بما انه الفرمات حيريحك من نشر الغسيل أنتي زعلانة ليه ؟؟

te3mah يقول...

عندك حق يا أبو محمد
طالما عدم نشر الغسيل هيريحني يبقى زعلانة ليه ؟!!!

منور يا فندم