السبت، نوفمبر 12، 2005

المُعلقــات السبــع

يحيى عياش الله يسامحه دبسني في لعبة المعلقات السبع :(


سبع حاجات عاوزة أعملهم :
1- أحفظ القرآن الكريم .
2- أصلح الطابعة بتاعتي .
3- أروح لدكتور الأسنان .
4- أخلص الكتاب إللي تحت إيدي .
5- أتعلم الفوتوشوب .
6- أحمض فيلم العيد .
7- أعمل عُمرة .

سبع حاجات أقدر أعملهم :
1- آكل ساندويتشات زبدة بالزيتون الأسود .
2- آتخذ قرار مصيري بشكل سريع .
3- أضرب صحوبية مع ناس أول مرة أشوفهم .
4- ألقح بالكلام على شخص مش عاجبني وهو قاعد جنبي وسامعني .
5- الاعتراف بخطئي .
6- الاعتذار على الملأ .
7- أألف قصص أدبية .

سبع حاجات ماقدرش أعملهم :
1- أنام وماما زعلانة مني .
2- أضحك في وش شخص مش طايقاه .
3- أهين كرامتي لأي سبب مهما كان .
4- أتواجد بين الناس وأنا حزينة .
5- أتجاهل مشاعر الغضب جوايا .
6- البسبوسة .
7- البيتزا .

سبع حاجات بأقولها على طول :
1- سبحان الله .
2- ما شاء الله لا قوة إلا بالله .
3- توب علينا يا رب (بأقولها لما باشوف نموذج للعقلية المتخلفة) .
4- يا سلااااااااام .
5- ياتشييييي كاميييلة .
6- نورت المحكمة .
7- رقاصة وبترقص (بأقولها لما حد بيقول جملة مش مفهومة) .

سبعة نويت أدبسهم في اللعبة دي :
1- حزب العواطلية نحن الأغلبية .
2- Sarah .
3- الفارس الأخير - محمود زيدان .
4- مذكرات مخنوق - محمد جمال .

5- بنت عادية جدا .
6- وليد عبد الله .

7- أي حد يقرا البوست ده .

هناك 10 تعليقات:

shady يقول...

تانى مره أدبس فى اللعبه دى الحج أحمد وأنتى أنا على العموم بالنسبه للسبعه اللى بخطت لهم فهى :
اقناعه أن يبيع الارض وغالباً فى المشمش
ما نساش أشترى العربى والكرامه
اروح الكافتريا النهارده بليل
انتخب مرشح الاخوان المسلمين(المعارض اللى حيلتنا)
احمل اى فيلم غير امريكى من بلوج الافلام اللى لقيته امبارح
اعدى على اشرف بليل برضو
اجيب لدودو شيكولاته واعدى عليه برضو بليل
اما السبع حاجات اللى اقدر اعملهم
أدون
أتفرج على التلفزيون
أشرب شيشه
أقرا جرايد المعارضه
اشتم النظام ورموزه طول الوقت وفى اى مكان
إقناع صحابى أن أنتخاب أى مرشح للوطنى خيانه عظمى
استيقظ عندما اريد وانام عندما اريد
السبعه اللى ما قدرش اعملهم
ان احبها بالرغم من ان امى تحبها
إقامة علاقه عاطفيه حقيقيه على الاقل فى الوقت الحالى
اقعد مع احمد واشوفه
اضرب حسنى بالنار
ارجع ايام الكليه
الا اتحدث فى السياسه
الاستماع الى كلام مش عاجنى
اما بالنسبه للسبعه اللى بقولهم
الله يرحمك يا ابو خالد
دى عالم حراميه يابا
انا راسى حتنفجر
يادى النيله
قرفاااااااااااان
ماشى
يا عم واحنا مالنا
بالنسبه للمدونين اعتقد ان الجميع لعب اللعبه

إيمان الحسيني يقول...

معلش يا سارة
تعيشي وتاخدي غيرها
مانا ادبست قبلك :)

إيمان الحسيني يقول...

يعني يا شادي المدونة بتاعتك خلصت خلاص جاي تكتبهم عندي ؟

منور يا شادي :)

Ahmed Shokeir يقول...

احلى حاجة

ألقح بالكلام على شخص مش عاجبني وهو قاعد جنبي وسامعني

ده إنتي جامده أوى

هاها هو شادى عملها فيكي وكتبها عندك زى ماعاملها عندى

غير معرف يقول...

هههههههههه:)
ألف شكر يافندم:)

كده حضرتك أول واحدة تستجيب..بس حضرتك مدبسه ناس ياما اتدبسوا قبل كده :)

إيمان الحسيني يقول...

آه والله يا أحمد ده أنا أستاذة في الموضوع ده

ولما يجي يكلمني تلاقيني أركبه الغلط وهو واقف مش عارف يرد :)

إيمان الحسيني يقول...

يعني هأجيب ناس منين يا عياش
دول الناس إللي ليه كلام معاهم :)

mahmoud zidan يقول...

ماشى يا باشمهندسة ... بتحاولى تدبسينى فى حين انا مارضيتش ادبسك

جعلكى الله زخرا للوطن ههههههه

إيمان الحسيني يقول...

معلش بقى يا محمود
مانا برضه ادبست
يلا بالشفا إن شاء الله :)

mahmoudbahgat يقول...

الإجابات المشتركة هتكون أكثر من 90% :D