الأربعاء، نوفمبر 23، 2005

ومازلتُ أتنفس





بدأ حضوري إلى هذه الدنيا بضربة قوية جعلتني أصرخ صراخا شديدا
وكنت استرق السمع بأذني الصغيرتين لكل من حولي وهم يطلبون من أمي أن تتركني أبكي
فأبكي ويضحكون ... !!!!
وفي إحدى المرات تنامى إلى سمعي القاصر كلمات كانت فوق مستوى إدراكي :
كثرة البكاء تساعدها على تقوية الرئتين والتنفس بشكل أفضل .
لم أستطع أن أفهم العلاقة ما بين بكائي وبين قدرتي على التنفس !!!
وازددت حنقا على أمي التي تتركني لأبكي حتى أشعر أن أنفاسي ستنقطع
ولكن الغريب أنني في كل مرة أجد نفسي مازلتُ أتنفس !!!

مواعيد التطيعم ضد الأمراض وما يُصاحبها من أعراض جانبية كانت أسوأ الأوقات بالنسبة لي ، ويبدأ صراخي مع وخزة الإبرة من يد سيدة قد ماتت ملامح وجهها ولم يعد يُؤلمها رؤية صغير يبكي ... ويستمر الصراخ والبكاء لمدة يومين نتيجة لشعوري بالبرودة في أطرافي والألم في مكان الحقن ...
وأكثر ما كرهت هو إخراجي لطعامي من معدتي رغما عني بالرغم من جوعي الشديد ... ففي هذه اللحظة لا أستطيع التنفس وأظل أحاول ولكن لا فائدة من التنفس حتى تفرغ معدتي مما فيها ، وعندما يتم المراد يبدأ الهواء البارد في ملامسة رئتي مرة أخرى ... فأهدأ ... وتنطق فطرتي البسيطة : الحمد لله أنني مازلتُ أتنفس .

وتمر السنون ...
وتستمر الألام لأسباب مختلفة وفي أماكن مختلفة ومع أشخاص مختلفة ...
ومع كل ألم أبحث عن راحتي في التنفس الأخير ...
ومع كل ألم يزداد تمسكي بالشهيق والزفير ...
ومع كل ألم لا أفكر إلا في الهواء النقي ...
وكأن الألم هو سر تنفسي وبقائي ...
فأصبحت مع كل ألم أحمدُ الله أنني مازلتُ أتنفس .


إيمان الحسيني
23/11/2005م

هناك 12 تعليقًا:

ibn_abdel_aziz يقول...

شفتي ازاي يا طعمة انتي عاطفية جدا :)
عشان حصل الموقف اللي عارفاه
كانك مش عارفاني

وحتي شلتي اسم مدونتي من علي القايمة بتاعتك :)
وده حقك والله مش معترض

مش ده هو اللي مرة اشتكيتي منه من واحدة صاحبتك لما اختلفتي معاها
انها قاطعتك؟

حتقولي انت شتمتني
حقولك لا والله
وانتي عارفاني
ويمكن مجتاجة تقري اللي انا قلته بعد كدة في اكثر من مكان

الغريب ان اللي كفرني لسة بحترم رايه
وعمري ممسحه له كلمة
ولا اقاطعه
عشان كدة بعرف اخلي خطوط حوار مع الجميع
كل واحد فينا بيقول حاجة ممكن تضايق التاني
لو حنقاطع بعض زي الاطفال
محدش حيعرف حد تاني
وااللا ايه :)

جزاكم الله خيرا

ibn_abdel_aziz يقول...

وعلي فكرة اتمني ما اكونش انا احد اسباب الالام اللي في الموضوع اللي كتبتيه

يا رب

ولو كنت
يبقي الصفح يا طعمة
ربنا يكرمك
اخوكي غلبان والله
:)

ibn_abdel_aziz يقول...

انا رحت مدونة رشا ولقيتها كاتبة موضوع شبه بتاعك

دنتو شايلين مني اوي
يا اما انا علي راسي بطحة

المشكلة واضح انها كبيرة
مهما الواحد حاول ميخليهاش شخصية
في المجتمع المصري الشرقي بتتحول شخصية

غريبة ..مع اني كنت عايش فيه انا نفسي
ومكنتش كدة ابدا
طول عمري بقدر اشوف الشخص قدامي يتهمني بالضلال
ثم اقبل راسه اذا شعرت اني ظلمته

بصي يا طعمة ..هو واضح..ان موضوع الاصنام ده كبير قوي جوانا

يا اما الشخص يكون 100% في نظرنا يا صفر في الماية

مشكلة مدمرة
معرفلهاش حل
انا شخصيا مش كدة

علي كل حال لو انا السبب فمن حقك تزعلي
وان كنت وضحت انا قصدي ايه ومين
بس يمكن مقريتوش اي كلمة من اللي كتبتها بعدها

Ahmed Shokeir يقول...

بس أنا شايف ياطعمة إن كل الحاجات اللي ذكرتيها بتسبب الألم كانت فى مصلحتنا بس إحنا دايما اللى مش فاهمين

أما علاقة التنفس بالأمل .. فإلى حد كبير أتفق مع وجهة نظرك

أنا مش فاهم حاجة فى موضوع إبن عبد العزيز .. بس أنا شخصيا باأحترمه لأن باحس إن عنده وجهة نظر ، يمكن مابنلتقيش فى البلوجات عشان الإتجاه بتاعه سياسي فلسفى شوية .. وأنا زى مانتى عارفة .. دماغ تانية فى البتنجان خالص

ROMANTIC ROSE يقول...

طعمه .. تدوينتك خليتني افكر كتير قوي .. صحيح .. كم مره الالم جه بعده أمل .. انا عمري ما فكرت ف الموضوع ده قبل كده ..

بضم صوتي لصوت احمد شقير .. انا مش فاهمه حكاية سوء الفهم او الخلاف اللي بينك و بن ابن عبد العزيز .. لكن حصل خير بقي و روقي كده ..

ibn_abdel_aziz يقول...

انا بدور علي نمرتها اكلمها اصلا ومش عارف اوصلها
:)

إيمان الحسيني يقول...

أولا : من نعمة ربنا عليا إنه إداني قلم اقدر أطلع بيه كل إللي جوايا ، يعني المسألة مش مسألة عاطفية وعقلانية ، المسألة إنسانية .

ثانيا : لو حضرتك شايف إن كلماتك ماكانش فيها إهانة فدي حريتك الشخصية ، لكن أنا شايفة إن فيها إهانة ليه خاصة وإنك جمعت وماكنش فيه استثناء ، ولا حضرتك نسيت قواعد اللغة العربية ؟

ثالثا : مش كلنا المهندس شريف ... لو حضرتك بتقدر تتعامل مع إللي كفرك بشكل طبيعي فدي شخصيتك أنت مش شخصيتي أنا ... أنا أحب دايما أحط خطوط حمرا للي بيتعاملوا معايا .. وده حقي .

رابعا : أجمل حاجة في عالم الأطفال إنه واضح ومحدد المعالم ، وقت الزعل يبقى زعل ، ووقت اللعب يبقى لعب .

خامسا : الموضوع إللي أنا كتبته ده في دماغي بقاله فترة لإن ربنا وحده هو إللي عالم باللي أنا بامر بيه في حياتي بقالي أكتر من عشر سنين ، والحمد لله على كل حال .

سادسا : احتمال في يوم نرجع نتكلم مع بعض تاني زي الأول ، بس الأكيد إنه مش دلوقتي ، لإني باحترم غضبي زي ما باحترم فرحي .

عافانا الله وإياكم من كل سوء
اللهم آمين

إيمان الحسيني يقول...

ماهي دي حلوة الابتلاء يا أحمد
وزي ما بنقول بالمصري :
الضربة إللي ماتكسرنيش تقويني
بالرغم من شدة الألم إلا إنه بيخليك تبحث عن الشفاء سريعا
ورب ضارة نافعة .

إيمان الحسيني يقول...

منورة يا رومانتيك
ولازم الألم يجي وراه أمل
لإن ربنا رحمن رحيم

ibn_abdel_aziz يقول...

ليكي حق تزعلي ..هو انا اعترضت علي كدة :) ؟

انا متفق في كل النقاط اللي قلتيها
بس متحفظ علي نقطة واحدة بس
اللي هي

ثانيا : لو حضرتك شايف إن كلماتك ماكانش فيها إهانة فدي حريتك الشخصية ، لكن أنا شايفة إن فيها إهانة ليه خاصة وإنك جمعت وماكنش فيه استثناء ، ولا حضرتك نسيت قواعد اللغة العربية ؟

انتي عارفة انتي لو رجعتي قريتي كل اللي كتبته كنتي حتفهمي كثير اوي من اللي عاملك ضيق

اولا : لاني وضحت بمختلف الطرق كان قصدي ايه بالضبط
ثانيا ة: الموضوع مكنش عن وليد ولا لؤلؤة ولا انتي ولا اي حد..كان حتي عنوان الموضوع ايه ؟ فاكرة ؟

ثالثا: فاكرة قبليها بيومين مش جيتي هنيتيني بالكتاب :) وانا رديت عليكي
طب لو انا مخي صغير قوي ومغلول من حد احطك ضمن " صيغة الجمع " ...فاكرة دي يا ايمان ؟
:)
تخيلي بأة وانا بقول العبارة اللي ضايقتك ..مكنش في دماغي حد خالص من المؤلفين اللي عارفهم ....طريقة وليد في الكتابة اوحتلي بمجلس في الضلمة من ناس معرفش هما مين ...مكنش في دماغي اصلا شخص
تخيلت ان كل الناس ناس اصلا تبع الشريك التاني بتاع الشركة
خاصة وان وليد من الاول اوحي لي ان هو صاحب الراي الاخير
وفي اخر لحظة رمالي كلمة شريك وكلمة مؤلفين
بعد ما اتفقنا ان المشكلة الوحيدة هي التمويل وعدم رغبته في المخاطرة بفلوس في كتاب يسبب مشاكل لشركته من الناحية المادية
وكل شوية كان بيديني معلومة جديدة بالقطارة
والصورة كملت في الاخر
انا شخصيا لو اعرف ان فيه حد حيحكم علي اللي حقوله بالرفض او القبول...مكنتش اصلا فكرت في الموضوع اساسه

علي كل حال انا شرحت الموضوع بالتفصيل كثير قوي
لدرجة انه جالي صداع :)
واتصلت برشا
وحاولت اتصل بيكي
بس مش عارف اجيب نمرتك
يا ايمان
انا مش من نوع اذا خاصم فجر :)
اولا لاني لا اعرف الخصام
وثانيا لاني لا اعرف النوم وفي قلبي شئ او في قلب احد شئ ضدي

خاصة لو اخواتي
علي كل حال ربنا يكرمك
ليكي مطلق الحرية
وانا لو كنت معاكي دلوقتي او شايفك كنتي عرفتي اد ايه اني علي أد حالاتي قوي :)
اسالي رشا وهي تقولك

السلام عليكم

إيمان الحسيني يقول...

وليد بلغني امبارح بطلبك لنمرة تليفوني
وأنا سمحتله يديهالك

وربنا يهدي الأحوال

إيمان الحسيني يقول...

جزاك الله كل خير يا تامر
وفقنا الله وإياكم لكل خير
اللهم آمين