الاثنين، يناير 09، 2006

تليفزيون الواقع بمنظور إسلامي



وكالعادة يطل علينا الأستاذ عمرو خالد بكل ما هو جديد
جديد لتجديد شعورنا بالعقيدة
وشعورنا بشعائرنا ومناسكنا
جديد علشان نعرف إن دينا لكل عصر ولكل زمان
وإنه يصلح لأن يملك زمام الأمور في كل مجالات الحياة بلا استثناء
برامج تليفزيون الواقع المنسوخة من التليفزيونات الأمريكية والأوروبية ملأت شاشاتنا العربية بصور مشوهة لشباب عربي أغلبه مسلم
ستار أكاديمي - الأخ الأكبر - .... إلخ من برامج تجعل المشاهد يعيش مع المشاركين ساعة بساعة ويوم بيوم في كل تصرفاتهم
لكن للأسف ....
أغلب التصرفات دي - إن لم تكن كلها - كانت محسوبة عليهم مش ليهموطبعا إللي بيتفرج بيبقى فاهم إن دي قمة الحرية والتقدم !!!!
وعلشان نخلي شبابنا المسلم يصرف نظر عن البرامج الهابطة دي
كان لازم نوجدله البديل الإسلامي ليها
وبنفس الإمكانيات وطرق الإبهار
استغل الأستاذ عمرو خالد - جزاه الله خير الجزاء - فكرة تليفزيون الواقع علشان يخلي المجتمع المسلم (شباب وأطفال ومسنين) يعيشوا مع بعض كلهم مشاعر أقدس رحلة في التاريخ الإنساني
رحلة الحج المباركة
وده كان عن طريق البث المباشر للشعائر كلها على قناة اقرأ الفضائية
وعلى القناة الفضائية الجديدة ... قناة : صناع الحياة
ترددها على النايل سات : 12302MH
استقطاب : أفقي
معدل الترميز : 27500
معدل التصحيح : 3/4
وبدأنا معاهم من أول الإحرام
ولما نزلوا منى وهما ماشيين على الأقدام والتلبية تتردد في كل مكان
ومقابلاتهم هناك
وكاميرات في خيم الحجيج من الذكور فقط
وعيشنا معاهم النهاردة صلاة القيام وصلاة الفجر
وخروجهم سيرا على الأقدام تاني لعرفات
وتواجدهم هناك
وذهابهم لمزدلفة
ولسه بقية الأيام تأتي بإذن الله
تليفزيون الواقع ممكن يبقى إسلامي فعلا
ويخلينا نعيش أجمل أحاسيس في الدنيا وكإننا مع المشاركين
بس المرة دي أحاسيس حقيقية
ودموع تستحق أن تذرف فعلا
لإن الفوز هنا للجميع
للمشاركين كلهم وللمشاهدين كمان
مش لمشارك واحد فقط والباقي يقعد يتحسر على نفسه
تحية إعجاب وتقدير للأستاذ عمرو خالد
وأدعو الله له بالإخلاص في العمل كله
اللهم آمين

هناك 14 تعليقًا:

tamer يقول...

تسلمى عزيزتى طعمةعلى البوست الجميل


وكل سنة وانتى طيبة


ويعود الايام عليكى بالخير

وفقنا الله لما فية الخير

مع خالص تحياتى

te3mah يقول...

جزاك الله كل خير يا تامر
وكل سنة وأنت طيب :)

شمهورش يقول...

كل سنه وانتي طيبه يا انسه ايمان
وكل الناس الفل اللي هنا ووحدووه
ياخلق
هووه

te3mah يقول...

لا إله إلا الله
وأنت طيب يا شمهورش

~ se3loah ~ يقول...

كل عام وانتي بخير
وعيدك مبارك

والله فكره حلوه عجبتني
ماشاء الله عليهم

te3mah يقول...

كل سنة وأنتي طيبة يا سعلوة :)

Taher يقول...

بصراحة استاذ عمرو خالد ربنا يكرمه
بجد اعتقد انه عمل اللى معملوش كتير من علمائنا الكبار
ربنا يرزقه الاخلاص

shady يقول...

نصائح طعمه فى الزيجه الناعمه فى مقال لجهاد الخازن بالحياة
http://www.daralhayat.com/opinion/editorials/01-2006/Item-20060113-c50c726d-c0a8-10ed-015e-e9e3fa1dadf8/story.html
ناس ليها الحياة وناس ليها أخبار الأدب الناس مقامات برضو
هههههههههه

te3mah يقول...

جزاك الله كل خير يا طاهر
وربنا يرزقنا جميعا الإخلاص
اللهم آمين

te3mah يقول...

يا حلاوة يا ولاااااااااااااااااد
اسمي طلع أهو :D

ربنا يكرمك ويعزك يا شادي :)

amani يقول...

إيمان

كيف حالك.. جيت اسلم عليكي ياغاليه
ومبروك على ظهور اسمك في مقال في جريده تستاهلي
اكثر

:)

te3mah يقول...

ربنا يكرمك ويعزك يا أماني
وكل سنة وانتي طيبة :)

arabprof يقول...

فكرة طيبة

جعلها الله في ميزان حسنات جميع من قام بهذا العمل

طبعا والداعية عمرو خالد أدامه الله داعيا للحق ودين الله عزوجل

الحمد لله الفضائيات المسلمة بدأت تشق طريقها في الإعلام العربي الذي أصح ما يقال عنه فاسد ويدعو للمنكر وينهى عن المعروف

***************************

وكل عام وانتي بخير .... طعمة

والله يجعل كتاباتك كلها في ميدان الحق وإعلاء كلمة الله وفي ميزان حسناتك ان شاء الله

te3mah يقول...

جزاك الله خير الجزاء أخي أبو محمد
ورزقنا الله وإياكم حج بيته الحرام
اللهم آمين