الأربعاء، يناير 18، 2006

الحقوق الضائعة على الشبكة العنكبوتية


من أبجديات التعامل مع النت إن الواحد لما ينقل موضوع من مكان للتاني بيكتب في نهايته أوبدايته كلمة :
منقـــــــــول
وبيحط رابط للموقع إللي نقل منه
أما إللي بيعملوا غير كده
فللأسف بيُطلق عليهم اسم :
لصوص الإنترنت
وعادة بتبقى فضيحتهم بجلاجل لما بيتم اكتشافهم

هناك 27 تعليقًا:

شمهورش يقول...

بوافقك جدا ياانسه ايمان وانا عاوز اضيف انهم
لازم ياكلو علقه ما اكلهاش حرامي ف مولد.

te3mah يقول...

مش قوي كده يا شمهورش
بس المهم إن الحق يرجع لاصحابه

m_elsewedy يقول...

كلام جميل يا طعمة وانا فعلا من الناس اللى ببقى متغاظ جدا من اللى بينشروا اى موضوع متكرر وينسبوه ليهم

تحياتى

te3mah يقول...

أصل ده حصل معايا النهاردة يا سويدي
فوجئت بواحد عامل بلوج جديد وناقل موضوع من عندي من غير ما يذكر جنبه إنه منقول أو يحط الرابط بتاعي

ربنا يهدي

عمرو غربية يقول...

الأفضل من ننقل النص أن نربط إليه بدون أن ننقله عندنا. قوة وب في النهاية هي في جودة تشبيك الصفحات فيما بينها.

حـدوتـة يقول...

امال لو حد اخد قصة إنتي كتبتيها وأذاعها في برنامج في الراديو من غير ما يقول اسمك بالكامل أو الموقع اللي جابها منه...هتعملي إيه؟ ده اللي حصل معايا

te3mah يقول...

ماهي المشكلة بقى يا عمرو في إللي بينقل الموضوع بقصد إنه ينسب إليه
لكن وضع الروابط مش مشكلة أبدا عند الناس المحترمة

te3mah يقول...

ربنا يكون في عونك يا حدوتة
صراحة أنا لو حد عمل معايا كده ممكن أصوره قتيل فيها

محمد مكاوى يقول...

بالظبط المهم الحق يرجع لأصحابه

فعلا موضوع مهم ومفيد

جزاكى الله خيرا اختى طعمه

وارجو منك زيارة الصفحة التى رديتى عليها سابقا

كما اريد منك قراءة الرسالة التى ارسلتها لكى على منتدى المحترفين العرب


دمتى بخير

te3mah يقول...

حصل خير
وغفر الله لي ولك

ارحم دماغك! يقول...

منقوووووول :)

te3mah يقول...

والله يا يحيى افتكرت موضوعك عن حقوق النشر والنقل
منور يا فندم :)

shady يقول...

ياستى قولى ياباسط جت على دى
والله الواحد بيفرح لما بيلاقى حاجه مسروقه له

te3mah يقول...

لا والله يا شادي
الواحد لما بيكون تعبان في حاجة بيصعب عليه إنها تتسرق منه
ربنا يهدي الجميع

ارحم دماغك! يقول...

عارف يا شادي؟
الحكاية مش سرقة ولا نشل :)
أنا شخصيا ماظنش انه هايهمني قوي انه حاجه أكتبها وبعدين ألاقيها متداولة دون أن تنسب لي..

لكن الفكرة في اللي بيعمل كده..ألا يفقد احترامه لعقله عندما يردد كلام الغير؟
حتى لو كلام وجيه وحِكَم..في النهاية ده رأي لواحد غيره مش رأيه هو!!..

te3mah يقول...

الله ينور عليك يا يحيى :)

Ahmed Shokeir يقول...

طعمة
إزيك وكل سنة وإنتي طيبة
أنا ماجاليش حاجة على الميل بتاعى عموما الميل بتاعي فى البروفايل .. ياريت تبعتيلي عليه
وبخصوص موضوع النهارده ..شكرا على إشارتك لكاتبة أحد الموضوعات اللي كان فى أحد المندتيات إن الموضوع ده منقول من مدونتي
أيوه كده الواحد بيحس إن وراه رجالة

te3mah يقول...

حمد الله على السلامة يا أحمد
حج مبرور وذنب مغفور بإذن الله
وماتخافش يا عم
وراك رجالة :)

شمهورش يقول...

انا زعلان جدا ومتغاظ ايه حكايه الناس اللي بتحاول تتطاول
على النبي عليه الصلاه والسلام يعني ما بقاش حريه راءي غير دي
ياولاد...
...........

te3mah يقول...

" فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ "

tamer يقول...

موضوع مهم عزيزتى طعمة


اولاا يجب علينا حفظ حقنا بتسجيل ما نكتب حتى نثبت اذا حدث اى مشاكل انة خاص بنا


من ينقل الموضوع دون الاشارة الى اسم الكاتب الاصلى اما سهوا او قاصد النتيجة واحدة سرقة حقوق الاخرين بدون وجة حق

والموضوع معقد لان شبكة كبيرة ولن يستطيع الانسان يتابع كل ما فيها

لكن على الانسان ان يعامل ضميرة ويراعى ربنا


انا من فترة وجدت مقال ليا كنت نشرتة باحدى المجلات وكتبتة فى البلوج بتاعى وجدتة منتشر فى اكثر من المنتدى دون الاشارة الى اسمى فية

حزنت والله ودخلت كل منتدى وكتبت لصاحب الموقع وكتب على المشاركة منقول وخاص بالكاتب وزكر اسمى

دى مرة لكن هل نستطيع ان نحصر جميع ما يكتب على الشبكة صعب كتيررر

نصيحة عزيزتى اثبتى حقك فى كتابتك وافكارك وعندما تنشر لاخوف حقوق الملكية والفكرية محفوظة

ربنا يصلح الحال

وتسلمى ومشكورررررررة على البوست الجميل

te3mah يقول...

جزاك الله كل خير يا تامر
ونصيحة جميلة :)

hicham 9 يقول...

اللهم لا تجعلنا من النقالين على النت .و لكن الا تفرحين حينما تجدي ما كتبت منقولا فهدا يعني انه زاد انتشارا و انه جميل لقى اعجابا واسعا

te3mah يقول...

هي مسألة طباع وشخصيات يا هشام
والحق أحق أن يتبع
يعني ليه الحاجة إللي كاتبها ماتتنقلش وعليها اسمي ؟

amani يقول...

te3mah,

where are you habibty? I hope
that your doing ok :(

arabprof يقول...

السلام عليكم ورحمة الله وبركاته

اتوقع انه اي انسان بده يكتب شيء على شبكة الانترنت يجب الا ينتظر الشكر او الثناء من انسان وان يكون هدفه هو الله عزوجل وحده

وطالما أن هدفه هو الله عزوجل فلو تم تداولها على الشبكة العنكبوتية فالفائدة والخير ستكون في ميزان حسناته ان شاء الله حتى لو لم يتم ذكر اسمه تحت الموضوع او المقالة

ولكن الشيء القبيح فعلا هو ان تجد موضوع لك في مكان ما وهو منسوب بأنه من فعل فلان او من مجهود فلان

فأنه يزعج ولكنه بالنهاية يعبر عن ضعف شخصية وعدم احترام من سرق الموضوع

وعلى رأي اهل زمان ... من يسرق بيضة بيسرق جمل

دمتم بخير

te3mah يقول...

جزاك الله كل خير يا أبو محمد
ومش مطلوب من الناقل أكتر من إنه يذكر كلمة منقـــول أسفل الموضوع
لكن أن يتم نسب الموضوع لشخص آخر
فدي سرقة واضحة