الجمعة، مارس 24، 2006

مجرد رأي

لما إنسان يكون بيشتغل في مكان ما ويُخطيء في عمله
وطبعا الخطأ وارد لإننا بشر
المهم ...
لما الإنسان ده يُخطيء فمن حق صاحب العمل إنه يعاقبه
وأشكال العقاب كتيرة جدا
منها إنه يخصم من مرتبه
أو يوجهله لفت نظر
أو يديله جِزا
أو يكلمه بأسلوب قاسي شوية
لكن الأكيد إن مش من حق صاحب العمل إنه يهين الموظف ده أو يشتمه
ده مش من حقه أبدا .....
وده مجرد رأي

هناك 15 تعليقًا:

freeSoul يقول...

الحقوق دى مكتسبة مش ممنوحة

الموظفين لازم يفرضوا احترامهم على المدير.. الانسان هو دايما الى بيهين نفسه

و ده برضه مجرد رأى

ماجد

إيمان الحسيني يقول...

طب وإذا كان المدير بيتعامل بمبدأ (مش عاجبك امشي) ؟
وللأسف فيه كتير جدا عندهم الاستعداد للتنازل عن كرامتهم في سبيل وظيفة
يعني صاحب العمل مش هيغلب في إنه يوظف ناس يهزأها

freeSoul يقول...

I know, this is because the majority let their rights first!!

if the majority would stand to such things, and defend their right to be treated well and never accept it, they wouldn't be able to do it.

my sis works in a publishing office, they make her come in most of the official holidays without raise or any special profit, when a single error happens they put the blame on her, i consistently asked her to leave this place but she accepts the way they trick her there.. it is her fault then

beeboo يقول...

الموضوع يحتمل كذا رأي
...
شوفي
لو الموظف ده شاب صغير
وسيم - حبوب
يبقي مايسيبش حقه
ويصعد الموضوع
وياخد حقه بأي طريقة
حتي لو وصلت للتشابك بالأيدي
وربنا يعوض بشغلانة تانية

أما لو غلبان وصاحب عيال

ومبدأ المدير
اللي مش عاجبه يمشي
يبقي وايه يعني
هي الشتيمة بتلزق؟

ii يقول...

بالدول العربيه كل مسؤول يظن انه هذا من حقه

aiman يقول...

في ظل غياب التشريع و الشريعه ... فان الهوى غالب ...

كلنا نعمل و كلنا و ان جاز التعبير
نخدم اخرين ...

و ا بغض اوجه الخدمه الي النفس في مجتمعاتنا الشرقيه ..هي الخدمه بالمنازل ..
ربما لشده حاجة الفرد و قبوله بما قد ينفر منه لو كان وضعه المعيشي افضل .. او ربما لوجود شكل او اخر يربط بين الفعل و الرق الذى حرمه الاسلام...
لم يرد عن الرسول اهانته لخادم له ابدا ..

و نحن كمسلمين نعامل الخالق في خلقه .
انتهي

إيمان الحسيني يقول...

ماهو يا بيبو إيه إللي وصلنا للمرحلة دي ؟!!!
مرحلة إن الواحد يتهان ويتهزأ ويفضل ساكت وقابل على نفسه علشان خاطر لقمة العيش ؟!!!

إيمان الحسيني يقول...

بالضبط يا سعلوة
للأسف في الدول العربية عندنا عقدة التملك والتحكم
كل واحد يمسك منصب يبدأ يفك عقده في إللي أقل منه

سبحان الله
لو كانت دامت لغيره
ماكانتش جاتله

إيمان الحسيني يقول...

يا ايمن أنا باتكلم على الشغل بوجه عام
مش قصدي الخدمة في البيوت

أغلبية اصحاب العمل بيمتهنوا كرامة العاملين لأقل الأخطاء
ليه ؟!!!!

beeboo يقول...

قدماء المصريين هما السبب

تعالوا اقولكو ازاي

لما بنتكلم عن الطرب
يبقي لازم نقول ام كلثوم

التمثيل.. ياسلام هو في زي زينات صدقي وعبدالفتاح القصري

وفي الكورة مصر ما جابتش غير حسام حسن

..حتي في الأمثال الشعبية
القديمة تحلي لو كانت وحلة
مش شايفن اننا ظالمين الجديدة

بالطريقة دي طبيعي يكون
المدير في بلدنا هو الأقدم
بصرف النظر عن الكفاءة

أهم حاجة ما ننساش تاريخنا وحضارتنا
ونفضل نقول أجدادنا بنو الهرم
وأحمس طرد الهكسوس
(ياريته ما كان طردهم)

المهم احنا بنينا ايه

اللهم ولي من يصلح

... يقول...

طعمة
انا اتعرضت لموقف لم يصل للاهانة
لكن وصل لانفلات الاعصاب
والحقيقة وقفت قدام مديرى جامد جدا
لأنى لم اخطىء الخطأ الذى يستحق العقاب
غير كونى لم اقل حاضر آمين على افكاره
وتحملت العقاب بشكل قوى واتخصم لى فعلا من مرتبى
لكنى عانيت جدا نفسيا وحطمنى الموضوع رغم وقوف الجميع لجوارى

لكنى اظن الوضع سيختلف لو كنت رجلا
ومسئولا عن بيت واولاد
انا كنت ببساطة هاسيب الشغل
لكن كبرت فى دماغى انى اسيبه علشان واحد اى كلام
وعاندت

لو كنت راجل كنت فكرت 100 مرة علشان اسيب شغلى

احب اقوللك انى سبت الشغل دة بعد كدة لظروف اخرى
وكان من اقام حفل توديعى هو هذا المدير

أصلهم لازم ياخدوا على دماغهم
:)

حائر في دنيا الله يقول...

أهلا طعمة
شوفي الموضوع مش متوقف بس على إنه مدير وموظف
دي حكاية نظام ,,الكبير بتاعة بيعمل ما بدا له في شعبه
والوزير يعمل اللي عايزه في مكلائه
وهكذا العملية ماشية حتى الزوج مع زوجته
والأب مع أولاده

لدرجة إني حاسس انه مجتمعنا صار مجتمع عنصري جداً وبيمارس الديكتاتورية على نفسه من خلال نفسه

===
بس شوفي احتمال المدير دا زوجته كان ضرباه بالخرزانة فراح الشغل طلع اللي فيه على الموظف
===
والسلام عليكم

allfollowsome يقول...

اعتقد اننى متفق مع مبدأ يولع الشغل على صحابة
والمبدأ التانى بيقول اذا رفعت الايدى تساوت الرتب وطبعا الشتيمة تدخل تحت المبدأ ده

ثالثا ودا المهم دا بيتحدد من احترام وشخصية الموظف نفسه

shady يقول...

العبيد الكتير
يمشى عبد يجى ميه
يحيا القطاع العائلى والراسماليه
والاقطاع

Ahmed Shokeir يقول...

طعمة
في اوائل عملي كان فيه مدير في الشغل كان ده اسلوب لاخصم ولا جزاءات ولاعقاب ولكن تهزيئ وشتيمة وقلة ادب
كان العاملين مبسوطين منه جدا وبيقولوا عليه راجل طيب ومش مؤذي زي الللي قابله كان هارينا جزاءات لكن ده عمره مايؤذي ابدا اخيرها كلمتين وصوت عالي وشوية شتيمة وخلاص لكن عمره ماخصم مليم من حد

عموما هيا وجهات نظر تخضع للإختلاف وان كنت متفق معكي ميه في المية