أخبار تسر العدو

إسرائيل تحشد آلياتها العسكرية والحربية وتجتاح غزة الفلسطينية وتُدمر البنية التحتية

وليه ده كله ؟

علشان جندي إسرائيلي واحد اتخطف !!!

يعني ماتقتلش كمان … ده اتخطف بس

يا ترى حُراس حُدودنا إللي بيتم اصطيادهم كل فترة بالبنادق الصهيونية … بلدهم وحكومتهم هتاخدلهم حقهم إمتى ؟ وإزاي ؟

الطالبة المصرية آلاء كتبت في موضوع التعبير - في إمتحان اللغة العربية لأولى ثانوي – كتبت عن الأوضاع في الشرق الأوسط وتنتقد المجرم بوش وتنتقد الحكومة المصرية

البنت اتجرت على أمن الدولة للتحقيق معاها علشان عاوزين يعرفوا مين إللي زرع الأفكار الإرهابية دي في دماغها !!!

هما ما سمعوش عن حاجة اسمها القنوات الفضائية الإخبارية ؟

ومايعرفوش إنهم مفضوحين في القنوات دي قدام العالم كله ؟

وبعد ما كان المفروض رسوب البنت في العام الدراسي وهتعيده كله

شفقة بها وبأهلها … وبأمر مباشر من بابا مبارك ... تقرر إنها تنجح وتعدي السنة
وعجبي !!!