السبت، أغسطس 05، 2006

تبرئة ذمة

كنت نزلت موضوع في بداية الحرب الإسرائيلية على لبنان
وكنت دعيت في الموضوع ده للسيد حسن نصر الله بالنصر على أعداء الله
وبعد كده عرفت إن ممكن يكون موقفي ده فيه شبهة موالاة للشيعة
فحبيت أبرأ ذمتي أمام الله
أنا مش باوالي الشيعة
أنا بس فرحت بصمودهم قدام الجيش الإسرائيلي
زي ما المسلمين فرحوا زمان بانتصار الروم على الفرس

" الم ، غُلِبَتِ الرُّومُ ، فِي أَدْنَى الأَرْضِ وَهُم مِّن بَعْدِ غَلَبِهِمْ سَيَغْلِبُونَ ، فِي بِضْعِ سِنِينَ لِلَّهِ الأَمْرُ مِن قَبْلُ وَمِن بَعْدُ وَيَوْمَئِذٍ يَفْرَحُ الْمُؤْمِنُونَ ، بِنَصْرِ اللَّهِ يَنصُرُ مَن يَشَاء وَهُوَ الْعَزِيزُ الرَّحِيمُ "
سورة الروم (5:1)
أسال الله أن ينصر الإسلام والمسلمين في كل مكان
اللهم آمين

هناك 22 تعليقًا:

CHE GUEVARA يقول...

خفتي يكون دعائك موالي للشيعة و بتشبهي الشيعة بالروم إيه العك ده
هو خلاص للدرجة ديه قدروا إنهم يفرقوا بين الأمة , علي العموم مش هدخل في مهاترات و شروحات للمذهب الشيعي و الفروق بين الفرق الشيعية المختلفة, و علي العموم الشيعة اللي إنت بتتبرثي منهم دول ظفرهم برقبة كل السنة اللي بترعشوا و خايفين يفتحوا بقهم قدام أمريكا أو أسرائيل الشيعة دول التراب اللي بيمشوا عليه أحسن من مليار شيخ زي إبن جبريل , بجد بجد التدوينة ديه إستفزتني جدا قد كده بنخاف نقف مع الحق علشان المدافعين عنه مش سنة أمال لو كانوا سيخ و لا بوذيين إيه اللي كان هيحصل , الإسلام بيوالي كل حق و كل مظلوم حتي لو مكنش مسلم أساسا مبالك بالمسلمين و لا الكلمة السحرية اللي إسمها الإسلام و تحولت مؤخرا إلي الإسلام السني هي اللي مفعولها زي السحر كل واحد يقف وراها يبقي علي حق حتي و إن أخطأ و كل من لم يرفعها شعارا كان علي باطل و إن أصاب , علي فكرة أنا مسلم سني بس فاهم روح الإسلام و مش محتاج أرفع راية مكتوب عليها مسلم و سني علشان أبقي علي صواب لو بحارب مع سيخ فمش معناه إني سيخي ده معناه إني مسلم فاهم الإسلام اللي ربنا أقره منهج للعدل مبالك المسلمين الشيعة مسلمين و حطي تحتها مليار و نص خط
الروم يا مفترية ....... الروم

te3mah يقول...

يا جيفارا
حزب الله ماحدش يقدر يقول عليه غير إنه شجاع فعلا ويستحق كل تحية
أنا أبرأت ذمتي من الناحية الدينية والعقائدية أمام الله
وديني مامنعنيش من إني أفرح بانتصار الشيعة على إسرائيل بل على العكس المفروض إني أشجعهم وأساندهم

باعيد كلامي تاني
أنا برأت ذمتي من الناحية الدينية والعقائدية

على حد علمي إن مجتمع التدوين كان المساحة الحرة قدام الجميع في الوطن العربي بشكل خاص علشان يعبروا عن رأيهم بشكل مباشر
فياريت نحترم جميعا الحرية دي ومايحاولش حد فينا إنه يسفه من رأي التاني أو يفرض الرأي المخالف عليه
لإن كده نبقى إحنا بنضحك على نفسنا باسم الحرية
في حين إننا ماختلفناش كتير عن حكامنا !!!

رأيك أحترمه فعلا
لكن ماسمحش لحضرتك إنك تسفه من رأيي لمجرد إنه بيختلف عن رأيك
ومش من حقك تفرض رأيك عليا بالقوة لإننا - المفروض يعني - إننا في مساحة حرة

CHE GUEVARA يقول...

أسف جدا إن حاجة زي ديه وصلتك , طبعا إنت حرة حتي لو شايفة إنك تساندي إسرائيل , بس اللي أنا كنت عايز أوصله و يمكن معرفتش أعبر عنه كويس , إنهم مسلمين زينا مش كفرة و مش زي الروم بالنسبة للمسلمين بس الإختلافات بين السنة و الشيعة حتي الأن أنا مش شايف فيها إختلافات تخرجهم عن الإسلام من إحتكاكاتي معاهم ( شخصيا ) مش بس من بعيد لبعيد كل قصدي إني إني زعلت جدا لما ذكرتي مثال الرومان لأنك بالمثال ده و تبرئك منهم كما لو كنت كفرتيهم
و فعلا مقصدتش إني أسفه رأيك أبدا بالعكس أنا لما لقيت نفسي كترت في الكلام كتبت الجملة الأخيرة ( اللي يمكن زعلتك ) علي سبيل الدعابة لتخفيف الجوي
و برجع أقول تاني إني أري أن الكثير من الشيعة عقيدتهم أقوي من ملايين السنة و الموضوع ده علشان أثبته طويل جدا و مش مجاله و يمكن في الأخر متقتنعيش برضه بس طبعا إنت حرة في رأيك
و أنا مملكش إني أفرض عليك رأيي لا في مدونتك و لا حتي في مدونتي
و أرجوا أن تكون وجهه نظري وصلت بشكل صحيح بعيدا عن أي لبس

حامل المسك يقول...

السيده الفاضله
لا استطيع ان اقول لك اختي فهذا شبه بالنسبة لك لاانني والحمد لله شيعي
ولكن سؤالي هل يجوز لك في مذهبك نحن من نقول اشهد ان لااله الا الله وان محمد رسول الله
ان تجمعينا وتجعلينا مثل الصليبين

لقد حرم الله ان يظن بالمسلم السوء
فكيف ان يشبه بالصليبيين
السيده الفاضله اظن يجب ان تتبرئي حتى من الدعاء لهم وهم ليسو بحاجه لمن يحمل افكارك لدعائه
وارجوا من الله ان يكتب تبرئتك وشهادتك هذه في صحيفت اعمالك

te3mah يقول...

أحترم رأيك ومداخلتك يا حامل المسك

وأدعو الله أن يرينا الحق حقا ويرزقنا اتباعه
وأن يرينا الباطل باطلا ويرزقنا اجتنابه
اللهم آمين

وليد يقول...

الاخ جيفار

انا مش حابب ادخل فى نقاش فى الشيعة والسنه لانى اتفق كتير مع رايك
وقلت الكلام ده هنا
http://z3tr.loaloaa.com/showthread.php?t=9561
لكن ليس كل السنه جبناء وليس كل الشيعة شجعان

مثلا شيعة العراق الذى هادنوا المحتل ولعقوا تراب اقدامه هل هم شجعان
مثلا حماس والجهاد هل هم جبناء

تعلمنا ان التعميم يخالف المنطق
وطالما الأمر دخل فى عقيدة فعلى كل منا أن يتخذ الموقف الذى يطمئن قلبه
وفقط

حامل المسك يقول...

طـعـمـة said...
أحترم رأيك ومداخلتك يا حامل المسك

وأدعو الله أن يرينا الحق حقا ويرزقنا اتباعه
وأن يرينا الباطل باطلا ويرزقنا اجتنابه
اللهم آمين

أغسطس 07, 2006
اللهم امين
اشكر ادب جوابك
كوني بخير

خالد كامل يقول...

والله مش ده الوقت بتع ده سنه واده شيعه ده وقت الكل واحد

Romantic Rose يقول...

موالاة شيعه ؟؟ اخر شئ توارد الي ذهني هو حاج زي دي !! انا بأؤيد و بشدة حسن نصر الله و حزب الله كله بصرف النظر عن كونهم شيعه .. دولا ف الاول و ف الاخر مسلمين .. و كفي بالاسلام نعمه .. و بيحاولوا ينتصروا لكل المسلمين .. سنه و شيعه .. فأزاي نصرتم تبقي شئ يطعن ف العقيده ؟؟

مقهور يقول...

خفت ماخفتش sorry يعنى
مش هتبطل الهطل دة ربنا يجازى من زرع هذه الفتنة فى نفوسنا وكل من ردد ورائه هذا الكلام الخبيث
ياعالم أفيقوا يرحمكم الله تجمعوا ولا تتفرقوا لا سنى ولا شيعى كلنا مسلمون
أهدى لكم هذا اللينك لتتعرفوا على الفتوا فنصرة أخوانكم المسلمين
http://www.islamonline.net/Arabic/in_depth/shariah_corner/Leb_Resis_Fatwas/index.shtml

shady يقول...

أنت لا توالى الشيعة أنت توالى المقاومة



الله أرحم قومى ممن ركبوا على المنابر
ركوب الحمير على أهل المقابر

te3mah يقول...

متهيألي إن زي ما أنا محترمة الآراء إللي بتتكتب هنا
يبقى المفروض إنكم كضيوف تحترموا الرأي إللي بتعتنقوا صاحبة المدونة
حتى لو كان بيخالف آراءكم

مش هي دي الحرية إللي بعضكم بيدعي إنه معتنقها ؟!!!!

ولا هي الحرية في رأيكم إن لازم الكل يبقى نسخ بالكربون منكم ؟!!!!

مافيش فايدة فيكي يا أمة

والأخ إللي بعت فتوى بخصوص الموضوع
فأنا عندي 100 فتوى بتعارض فتوتك دي

حضرتك حر في الرأي إللي أنت مقتنع بيه
وأنا كمان ليا نفس الحرية في اعتناق الرأي إللي أنا عاوزاه
ومافيش داعي لكلامك عن الهبل والهطل
لإنك هينطبق عليك وأنت مش واخد بالك

يا شادي أنا قولت وباقولها لآخر مرة
أنا موضوعي ده تبرئة من ناحية العقيدة وفقط
مش معنى كده إني مش بادعم المقاومة
بالعكس أنا بحييهم وباتمنى ليهم النصر

لآخر مرة
أنا باستبرأ لديني وعقيدتي

Romantic Rose يقول...

صراحة يا طعمه لو كنت مطرحك كنت عملت زيك كده بالضبط .. ده انتي قلتي رأيك ف بلوجك و بطريقتك .. و اللي مش عاجبه ممكن يقول رأيه ووجهة نظره بكل ذوق و أدب و بدون تطاول أو تسفيه لأراء الأخرين .. و أنا معاكي ف ردك الأخير ..
تحياتي :)

Yahya_Ayash يقول...

عموما عدي علينا يا أخت طعمة في عندي امتحان :)

محمد حبيب يقول...

طعمة.. مش حابب ادخل في نقاش طويل حول الشيعة والولاء والبراء, لكن اعتقد ان في معلومة تهمنا, حزب الله من الطائفة الإثني عشرية, والأزهر أقر الطائفة الإثني عشرية وقال انها لا تزال على الإسلام, يعني هم مسلمين, يعني ليكي حق تواليهم, يعني ماينفعش نشبههم بالروم....

تحياتي ومودتي (F)

3rby يقول...

بصي يا طعمة.....اول حاجة مافيهاش حاجة خالص انك تدعيلهم...الوهابيين السعوديين هم اللي طلعوا الفتاوي ديه...وكلنا عارفين ان الوهابيين بيكفروا اي واحد مختلف....يعني اليهود اقربلنا اللي حاربوا الرسول وقتلوا الانبياء ولا الشيعة اللي خلافهم معانا صغير...دول عرب....العلويين والرافضة هم اللي بيعتبروا سيدنا علي نبي.....لكن الشيعة وهم الاقرب بيقولوا انه كان من حقه يبقي الخليفة...هو ده الخلاف....الوهابيين دول مش بيعترفوا بالمولد حتي.......الدنيا بتتطور وهم واقفين في مكانهم....هم اللي مضايعيين السعودية وواكلين دماغ الناس........هاتيلي حاكم عربي واحد عمل نص اللي عمله شافس....وبعدين لو اعتبرنا ان الشيعة دول كفار...طيب اللي بيقولوا كده عملوا ايه علشان يساعدوا حماس(سنية)لو انا غلطان وضحيلي

3rby يقول...

انا ماكنتش قريت التعليقات بس دلوقتي قريتها.....بصي يا طعمه....اول حاجة الحرية برضه فيها نقاش....يعني ماينفعش انا اطلع برأي واقول والله العظيم مانا مقتنع بأرأكم...يعني الكوينتس مش لازم تبقي معاكي...ده زي الشات...تقنعيني او اقنعك.......وبعدين بالنسبة للحتة بتاعة العقيدة:ديننا كسنيين عبارة عن ايه؟قرأن وتوضيح في الاحاديث...صح؟هاتيلي اية واحدة ضد الشيعة...طبعا مش هاتقولي هاتلاقي لان ماكنش فيه شيعة...طيب ليه بنقول علي القرأن لكل العصور......مافيش اية لانهم مش كفرة مش علشان ماكنوش موجودين....وبعدين ابقي افتحي قناة المنار واسمعي اللي بيقلوه......الشيعة 92 فرقة...منهم حوالي 12 علويين(بيقولوا ان علي هو الرسول مش محمد"عليه الصلاة والسلام")يعني حكاية العقائد ديه مش صح....الدين اطحت من الف وخمسوميت سنة...مش الشيوخ اللي هايحطوه دلوقتي.....مش من سلطة حد انه يقول ده مسلم وده لا.......يعني انتي لو بره القاهره ترضي حد يقول انك مش وطنية او بتحبي اسرائيل مثل او مش مصريه علشان مش في العاصمةا؟!لا طبعا....لان الانتماء ده مش حاجة بتاعة ناس محددة....نفس الحكاية بالنسبة للدين...محدش من سلطته يقول ده مسلم وده لا...فيه اركان الاسلام الخمسة...والشيعة بيعملوهم...يبقوا مسلمين.....معلش الكومينت ده طويل شوية...بس هاقلك حاجة...قريت في بلو روز ان امير مكه هايمنع صلاة الستات في الحرم علشان اسباب هبلة...قال ايه علشان مايخطلتوش.....طيب ماهو من ايام الرسول والعبادة مخطلته......الاسلام بيحترم الستات والامير لا....يعني مثلا علشان الكعبه في ارض سعودية يتحكموا في الناس؟ويقولوا مين يدخل الحرم ومين لا؟وعلشان الاسلام نزل عندهم وهم سنيين يبقي المختلف عن السنة يبقي مختلف عن الاسلام؟....تحياتي

3rby يقول...

انتي مابترديش عليا ليه؟


اقتنعتي ولا لسه

te3mah يقول...

أخي الكريم عربي
باعتذر عن تأخري في الرد عليك

بخصوص موضوع حرية الرأي فأنا مش باعترض على أي حد يدخل يقول رأيه إللي بيخالف رأيي في مدونتي وموضوعاتي
اعتراضي الوحيد إن واحد يدخل يشتم فيا ويتهمني بالجهل أو العبط لمجرد إن رأيي بيختلف عن رأيه
ولمجرد إنه شايف رأيه صح ورأيي غلط

الاختلاف مطلوب طبعا وأنا باحترم أي رأي بيختلف مع رأيي
بس المهم يكون صاحب الرأي ده محترم أصلا وبيعرض رأيه بأدب واحترام

أما بخصوص الشيعة والسنة فأنا مش من أهل العلم ولا أملك إلا اتباع رأي أهل العلم من السنة طالما إني اقتنعت برأيهم ده

3rby يقول...

بصي يا طعمه...انتي فهمتيني غلط...انا قصدي اني ملاحظ انك مش بترضي تقتنعي بكلام اي حد غير لو كان من اهل العلم...بصي بقه...اهل العلم هايعرفوا عن الشيعة ومذاهبها اكتر من الشيعيين كلهم...انا والدي صحفي ويعرف ناس كتير من لبنان وسوريا...منهم واحد سني سوري متجوز شيعية...من حوالي سنة ونص حكيتلي كل حاجة عن الشيعة وافكارهم وكده...الاختلاف مش كبير لدرجة انهم يبقيوا ديانة تانية...الاختلاف مايتجوزش خلاف الامام احمد بن حمبل والامام الشافعي...وبعدين ماتسمعيش لاي حد لابس جلابية وعمة وقاعد في جامع...الشيخ القرضاوي معارض لتكفير الشيعة...وفيه شيوخ كتير كده...لو عاوزة اجبلك نمرة دار الافتاء وتسأليهم علي الناحية العقائدية...وبعدين انت ماشوفتيش شافيس ولا ايه...الاسرائيليين ضربوا قري سنية كتير زي مرجعيون مثلا...شفتي سني رفع سلاح واحنا قلنا لا ماينفعش....حزب الله هو اللي اخر احتلال اسرائيل للبنان....ودلوقتي اللي بيعمله علماء كتير من اللي بيكفروا الشيعة دول بيسهل لاسرائيل وامريكا انهم يخدوا سلاحة لان الشيعة مش كتير والنهارده شرعية حزب الله اقوي من اي شرعية اخري...كمان لو فاكراهم من العلويين او الرافضة(اللي بيعتبروا سيدنا علي هو النبي)ابقي افتحي المنار زي ماقلتلك....اقلك علي حاجة...اقرب جامع كبير(مش زاوية)انزلي واسألي الشيخ

elzeiny يقول...

السلام عليكم ورمة الله وبركاته انا أخوكم اسامة من مصر أحب أبدأ لازم نفرق بفرحنا بهزيمة اسرائيل ومناصرتنا لحزب الله كحزب الله اولا حزب الله لا يعترف بالسنة فى حزبة نهائيا ولبو كانو يعترفو كانوا أكيد قالو احنا عندنا فية سنة موجدين بيحاربوا معانا ولكن كل اللى بيتقال السنة معاهم وأحنا والسنة واحد والكلام دة تانى حاجة فية فرق بين الشيعة والسنة وهما مش واحد طبعا هاتقول انهم طوائف اقولك فعلا انهم طوائف وهما من الاثنا العشرية واللى بيقولو ان القرأن محرف ايوة بيقولوا ان القرأن محرف ودى معروفه عنهم ثانية هما بيأيدو إمام الضلاله الخمينى الذى كتب عنه الاستاذ سعيد حوا من كبار الاخوان المسلمين كتاب كامل فى الخمينى وأسمة اخطائ الخمينى العقائدية تقريبا اصل اانا مش فاكر الاسم كويس خلينا فى المهم لازم نفرح بهزية اسرائيل مما لا شك فية ولاكن يجب ان نوضح للناس اخطائهم يعنى ماينفعش نقول انهم برقبة السنة لأ ماينفعش دولة تبع لأيران اللى هية بتكفر الصحابة والسيدة عائشة كما هو معروف وكما يحدث على القنوات الفضائية الشيعية التى تسب الصحابة امام كل الناس وطالما هما بيعلونوا ولائم لأيران وايران هيا سبب وجودهم فى المنطقة زى مابيقول الشيخ محمد اسمعايل المقدم فى شريطة حصان طراودة انهم مثل حصان طراودة وضعته ايران فى اهل السنة خلاصة الكلام الفرح بهزيمة اسرائيل واجب على كل مسلم بلا شك اما تبرعاتنا لايران ولا لحزب الله فهذا خرف وجنون منا فنحن نحبهم حب من طرف واحدففى قنواتهم الشيعية على النايل سات مثل قناة المنارة مش المنار انا بقول المنارة بيقول اناشيد كفر صريح وهجاء للصحابةواللى بيقول اننا بنفرق الامة امة اية يابنى اللى بتقول عليها انت متخيل ان الشيعة عايزانا نتجمع دة بعض السنة بس اللى بنام ويحلم باللين ان ايران هاتساعدنا انت بتحلم يا جيفارا يابنى دية بتسب الصحابة زى ماقولت قبل كدة على القنوات الفضائية احنا اللى جيبنا ومش عارفين نقول الحق ونشتهم ونقول حقيقتهم على التليفزين علشان انا وابن عمى على الغريب ابن عامك لو طالق هايقتلك يا جيفارا مش هايساعدوك يابنى ابدا ازاخانوا الرسول صلى الله عليه وسلم وبيشتموا فى صحابته والسيدة عائشة تقوللى انهممش هايخونا السنة ولا حول ولا قوة الا بالله وفقكى الله يا طعمة وانا احييك على موضوعك تبرأة زمة هو الدة الصح
وعايز اقول حاجة تانية على الاستاذ جيفارا انت عارف مين هو جيفارا ولا صورتة عجبتك وحاطتها وخلاص ولا اية بالظبطياريتك تقوللى انت تعرفة ولا لأ وتعرف عنة اية

yasser shams aldien يقول...

طعمه الشيعه مسلمين واقرى راى القرضاوى