الجمعة، سبتمبر 08، 2006

اعتياد الموت

من سنين كتيرة والواحد حاسس إنه محلك سِر
حاسس إنه عايش لمجرد إنه لسه ليه عُمر ... ومايملكش إنه ينهي العُمر ده بإيده
حاسس إنه عبارة عن جسد يملؤه الفراغ

وبعد ما يألف الوضع ده ويأقلم عليه حياته ... تظهر فجأة حاجة جديدة في الحياة
تخليه يبدأ يحس إنه لسه حي
إنه لسه فيه دم بيجري في عروقه مش مجرد حبر أحمر
إنه لسه قادر يمشي ويجاري الزمن

بس للأسف ....
الرِّجل بتتسمّر مكانها
وبيفضل الواحد محلك سِر
لإنه مش عارف هيمشي يروح على فين
ولإنه خايف ....
خايف من المجهول
وخايف بعد ما نسي ألم الروح ومرارته يرجع يآسيه من تاني


وبيفضل شعاره في الحياة :
تمثال ميت ... أفضل من روح مُعذبة

هناك 10 تعليقات:

Dr. Tantawy يقول...

كويس اني اول مره اجي مدونتك
و اكون اول واحد يكتب تعليق على الموضوع ده

كلامك جميل .. فيه روح جميله و شويه احباط لا بد منه برضه

ناقصك حاجه واحده بس تخلينا احسن من غيرنا .. اننا لما ندون و نكتب المشاكل .. نحط حلول .. انتي اتكلمتي عن مشكله بطريقه جميله وواقعيه .. بس ناقص تقولي لنفسك ولكل واحد ( وهمه كتير ) حاسس بالتضارب ده .. المفروض يعمل ايه و يفكر ازاي علشان ميفضلش .. محلك سر

إيمان الحسيني يقول...

ماهو لو أنا أعرف حل للمشكلة دي ماكونتش فضلت محلك سر

الإنسان محتاج حيز يفضفض فيه من وقت للتاني
تقدر تقول إنها مجرد فضفضة مش أكتر ولا أقل
ومش منتظرة إيجاد حلول ليها

منور مدونتي يا زانجولا :)

غير معرف يقول...

"بس للأسف ....
الرِّجل بتتسمّر مكانها
وبيفضل الواحد محلك سِر
لإنه مش عارف هيمشي يروح على فين
ولإنه خايف ....
خايف من المجهول
وخايف بعد ما نسي ألم الروح ومرارته يرجع يآسيه من تاني
"
زي عادتك بتتكلمي عني يا طعمة

إيمان الحسيني يقول...

أعتقد إن الألم بيجمع الناس أكتر من الفرح

منور البلوج يا أبو رقية :)

غير معرف يقول...

السلام عليكم

الانسان المفروض مش يبقي عايش ( لمجرد انه لسه ليه عمر )

الانسان ربنا خلقه علشان يعبده
والواحد يقدر يسد الفراغ الى فى الجسد ده بالايمان بالله يحاول يقرب من ربنا وما اجمل الحياة فى طاعة الله

وكما قولتي فى شعار مدونتك

راييصواب يحتمل الخطا وراي غيري خطا يحتمل الصواب

اخوكي فى الله Hawy_PHP
:)

غير معرف يقول...

الأخت الكريمة
السلام عليكم ورحمة الله وبركاته

جميل أن يجد الإنسان مساحة للنفس لكى تفضفض وتخرج ما بداخلها

والأجمل أن يجد من يشاركه همومه وأحلامه

أختى الكريمة : عندما تقول شابة فى مقتبل العمر هذا الكلام الملئ بالإحباط
وتعنون مقالها بمثل هذا العنوان
( اعتياد الموت)

لابد على الفور أن نقول أن هناك شئ خطا لا بل أشياء وأشياء

وما أكثر الخطا فى حياتنا

أخوك
محمد

غير معرف يقول...

ألا بذكر الله تطمئن القلوب

Fadfadation يقول...

bas 3azab el tagroba a7san min maa tefdal tool 3omrak t2ool "What if??" maza laaw??

tab3an laaw tagroba mate3'debsh Rabena :)

عمر يقول...

كل سنه وانتم طيبين وربنا يعود علينا وعليكم الايام بخير

media يقول...

صحيح الواحد بيحس الاحساس ده بس مش لازم نستسلمله لازم ندور على حاجات تخلي حياتنا احلى نجتهد علشان ننجح نحب اصحابنا والناس كلها نحب حايتنا