الجمعة، فبراير 09، 2007

تدبيسة في تاج

محمد عبد الغفار - الله يسامحه - دبسني في تاج
خمسة أشياء لا يعرفهم عني أحد :
1- باحب جدا أكتب بالقلم الرصاص الخشب ، مش عارفة ليه ؟ بالرغم من إني مهندسة معمارية وعندي اختيارات كتيرة قوي بس القلم الخشب ليه ملمس جميل في إيدي وإحساسه جميل على الورق .
2-سنة 1987 كنا في الكويت وطلعنا نحج من هناك ، أول ما ركبت الأتوبيس إللي هيسافر بينا حسيت بحالة رعب شديدة وغريبة وكنت عاوزة أنزل من الأتوبيس ، بس قعدت أهدي نفسي بإني رايحة لزيارة ربي .
3- باحب جدا آكل ساندويتشات الزبدة مع الزيتون الأسود .
4- باكره جدا ألبس الاكسسوارات الحريمي ، وإذا لبست يبقى دهب مش فالصو .
5- ندمانة على قرارين أخدتهم في حياتي بس مش هاعرف أقولهم هنا .
ومن موقعي هذا أحب أدبس خمس مدونين غيري :

هناك 11 تعليقًا:

ارحم دماغك! يقول...

مش عارف أقول لك إيه بس يا بشمهندسة طعمة:)
انا من فترة طويلة وانا خايف التاج ده يجيني..مش لسبب غير انه الغزالة مش رايقة خالص اليومين دوول :(

te3mah يقول...

معلش يا يحيى
مانا رديت بعد مادبيست بأسبوع
كلنا لها :)

arabprof يقول...

خمسة أشياء لا يعرفهم عني أحد :
1- باحب جدا أكتب بالقلم الرصاص الخشب ، مش عارفة ليه ؟ بالرغم من إني مهندسة معمارية وعندي اختيارات كتيرة قوي بس القلم الخشب ليه ملمس جميل في إيدي وإحساسه جميل على الورق .

القلم الرصاص حلو لأنه من جهة ممكن لو أخطأ الانسان يصحح خطاه بأقل خسارة ممكنة
وتاني شيء ولو انه مصنوع من مادة بسيطة بس يمكن يكون له مفعول أقول من الرصاص

2-سنة 1987 كنا في الكويت وطلعنا نحج من هناك ، أول ما ركبت الأتوبيس إللي هيسافر بينا حسيت بحالة رعب شديدة وغريبة وكنت عاوزة أنزل من الأتوبيس ، بس قعدت أهدي نفسي بإني رايحة لزيارة ربي .

اللهم يتقبل منا ومنك يا رب ويجعله في ميزان حسناتك
ولا تنسينا من دعاءك أختي

3- باحب جدا آكل ساندويتشات الزبدة مع الزيتون الأسود .
صحتين

4- باكره جدا ألبس الاكسسوارات الحريمي ، وإذا لبست يبقى دهب مش فالصو .
الحمد لله

5- ندمانة على قرارين أخدتهم في حياتي بس مش هاعرف أقولهم هنا .
عسى ان تكرهوا شيئا وهو خير لكم

Mohamed A. Ghaffar يقول...

متشكر اوى على استجابتك ، هى صحيح اتعملت بذكاء واختصار واقتضاب بس زى بعضوا اهم شئ المشاركة

Sampateek يقول...

القلم الرصاص مريح لانه يحتوي اخطائي

بالاستيكة


يا ريت كل حياتنا يكون فيها استيكة

او حتى باك
او ديليت


تحياتي

حائر في دنيا الله يقول...

وأنا من موقعي هذا بقولك كل سنة وانت طيبة
وأما عن القلم الرصاص, فاعتقد أجمل ما فيه بالنسبة ليا أنه أول ما خطيت به أصابعي من كلمات
فاللهم اجعل من كلامنا نورا لنا وللآخرين

أُكتب بالرصاص يقول...

القلم الرصاص !!!؟

حد بيجيب في سيرتي ؟

AbdElRaHmaN AyYaSh يقول...

بجد مدونة خطيرة :)
المدونة كلها رائعة
تحية
والسلام

Sharm يقول...

بس ازاي خفتى و انتى رايحة تحجي انا مستغرب اوي من الموقف ده يمكن كنتى حاسة بهيبة الموقف اصلا

مريض نفسى يقول...

ممكن شرح بسيط ازاى انسان مؤمن رايح يزور الكعبة ويؤدى فرض من فروض الاسلام الخمسة_بالعند فى فاروق حسنى_ ومع هذا خايف ومرعوب
مع الشرح الممل والرسم البيانى ان امكن

te3mah يقول...

أعتقد إن خوفي وقتها كان نابع من أكتر من حاجة :

أولا : إني كان عندي 12 سنة بس .

ثانيا : إني متواجدة وسط ناس كتيرة قوي وماعرفهمش ولسه هيزيد العدد لما نوصل ، فكرة إني أتوه من أهلي كانت رعباني فعلا .

ثالثا : أي شيء جديد في حياة الإنسان له هيبة .