أرض بور
- يا باشمهندسة الأرض دي ما تنفعش خالص للزراعة ... دي رملة !!!
- يا عم محمد هنجرب ومش هنخسر حاجة .
- مش هنخسر إزاي بس يا باشمهندسة ؟ دي فلوس بتترمي عالأرض !!!
- هنجرب وربنا يوفقنا .
كانت بالفعل أرض رملية لا أمل من إصلاحها أبدا ، ولكن شيئا ما بداخلي أصر على أن أخوض التجربة
رفضت فكرة عدم وجود المقدرة على العطاء عند أي مخلوق
الكل قادر على العطاء ... حتى الأرض الرملية
وبعد عام كامل ...
- مش قولتلك يا باشمهندسة إنك بترمي فلوسك عالأرض ... العوض على الله .
- مش مهم يا عم محمد ... المهم إني حاولت .
والأهم أنها حاولت هي الأخرى
حاولت بكل ما أوتيت من قوة خلقها الله بداخلها
ولكنها لم تجد التشجيع الكافي ممن حولها
الكل نظر إليها وقال : أرض بور ... لا أمل من إصلاحها .
- هتعملي إيه يا باشمهندسة دلوقتي ، نعرضها للبيع ؟
- لأ يا عم محمد بيع إيه !!! أنا هاحتفظ بيها ، بس شوفلي مقاول من المنطقة هنا .
- مقاول !!! ليه يا باشمهندسة انتي هتبني هنا في الصحرا دي ؟!!! ده مافيش أي خدمات فيها خالص !!!!
- إللي أنا هابنيه مش محتاج أي خدمات يا عم محمد .
- مش فاهم ؟!!!
- دورلي على مقاول يبنيلي تُربة في الأرض يا عم محمد ... عاوزة أدفن فيها لما أموت .
أشعر بها تحتاج إلى حضني كما أحتاج إلى دفيء حضنها
أشعر بها تبحث عن أنيس لها يُكمل معها سويعات عمرها في الدنيا الفانية
أسمعها وهي تدعو الله بدعائي الدائم له : رَبِّ لا تَذَرْنِي فَرْدًا وَأَنتَ خَيْرُ الْوَارِثِينَ .
- شوفلي المقاول يا عم محمد ، أنا نويت أدفن هنا ... في الأرض البور .
إيمان الحسيني
6/3/2007م
هناك 9 تعليقات:
تعليق عارض .. بمناسبة التربة .. والمقابر و الدفن ..
هل تعرفين .. ان الدفن فى مصر عموما لا يتبع السنة .. فالسنة .. القبر أو اللحد .. كما فى دول الخليج .. ويدفن كل فرد وحده...
اما فى مصر .. فنظام الدفن المسمى بالمساقى .. و هو بسبب كون التربة طينية فى معظم مدن الدلتا .. مثلا ..
لم اجد من يفكر فى ان يدفن فى الصحراء او فى تربة جافة .. و يطبق السنة..
تعليق عارض .... ومعلومة لا اظن ان الكثيرين يعرفونها
لله ملك السماوات والأرض يخلق ما يشاء ...
مش كل أرض لازم تتزرع أو تتبني .. فيه أرض بتنقل الناس من مكان لمكان وأرض بتلم الأحبة لما بيتقابلوا وأرض بتحرسنا وبتفصل بينا وبين عدونا ...
كلها أرض .. وكل أرض ليها وظيفة لغاية ما يشاء ربنا سبحانه وتعالى إن الوظيف تختلف ..
فاصبر لحكم ربك ولا تكن كصاحب الحوت إذ نادى وهو مكظوم * لولا أن تداركه نعمة من ربه لنبذ بالعراء وهو مذموم * فاجتباه ربه فجعله من الصالحين
مش لاقى حاجه اقولها بعد اللى قاله ما علينا
حاولتى ان تزرعى وفشلتى ...وأحزنك فشلك ولكنك فى النهايه اتخذت قرارك
أحياناً الفشل يكون افضل كثيرا من التردد
ننتظر زيارتك
مؤثر جدا الجزء الاخير من القصة
اثار فى داخلى مشاعر كثيرة
فصبر (جميل)
.. الأرض مش بور ، و قرار تحويلها لمقبرة أكبر استسلام.
حتى الآن نتعامل مع الظاهر . فلم لا نحاول اخراج كنوز الباطن.
ليس هناك عيب في الأرض . العيب في طريقة التعامل معها و إعادة التفكير مطلوب.
كلماتك فعلا جميله جدا
انا حاولت و هي كمان حاولت
لم تجد اي تشجيع من اي احد
الارض عندك كانها تشعر
تماما كما هي عندنا نحن الفلاحين
تحياتي
السلام عليكم ورحمة الله وبركاته
الكلام كله أمل ونظرة متفائلة رغم النهاية اللي أنتهي بها الحوار
بس أنا حسيت بأحساس مفتقده من زمان
في الناس و فيا
الرضا
كنت أتـمني ان أقرأ الموضوع من زمان
قدر الله وما شاء فعل
سعدت بعودتك للكتابة أختي في الله
إرسال تعليق