السبت، مايو 19، 2007

جالي تاج ... آه يا تاجي ياني

جالي تاج من أختي الحبيبة لحظـة
----------------------
أحب شخص لقلبك فى الدنيا؟
أمي الحبيبة
----------------------
انسان مستعد تضحي بحياتك – ركز فى كلمة حياتك - عشانه؟
أمي الحبيبة برضه
----------------------
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
واحد كنت مخطوباله في يوم من الأيام
----------------------
ما هو:اسم أجمل كتاب كتبه بشر قرأته ومحتفظ به حتى الان؟
أينشتاين والنسبية للدكتور مصطفى محمود
----------------------
اسم كتاب -كتبه بشر برضة- انت متعلق بيه وبتقرأه كل فترة؟
لا تحزن للشيخ عائض القرني
----------------------
اهم جهاز منزلى انت متعلق بيه او بتستخدمه كتير؟
الكمبيوتر طبعا
----------------------
مكان تحس بالراحة عندما تدخله؟
مسجد يوسف الصحابي في ميدان الحجاز
---------------------
شىء تحس بالراحة النفسية عندما تنظر اليه؟
الورد البلدي
---------------------
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
البحر ... له معايا ذكريات طفولة جميلة قوي
---------------------
اجمل مدينة زرتها داخل مصر ؟
أسوان
---------------------
أجمل مكان طبيعي رأيته داخل مصر ؟
البحر في الساحل الشمالي
---------------------
شخصية كارتونية بتحبها؟
توم وجيري طبعا ... بالرغم من وجود رسائل خفية داخل الحلقات موجهة للأطفال !!!
---------------------
نوع هاتفك المحمول؟
نوكيا 6020
---------------------
سرعة بروسيسور جهازك؟
الله أعلى وأعلم
---------------------
حجم ذاكرة –هارد- جهازك؟
الله أعلى وأعلم
---------------------
المساحة التى تشغلها المواد الاسلامية على جهازك؟
النص تقريبا
---------------------
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
نسأل الله العفو والعافية
---------------------
أهم هدف انت واضعه لحياتك الآن؟
تلقي العلم الشرعي
---------------------
مواصفات فتاة/ فتى الأحلام بالنسبة لك؟
إني أكون مرتحاله نفسيا ومتقبلاه
---------------------
صف ما يأتى:شعورك لما بتسمع كلمة مصر ؟
الخوف
---------------------
شعورك لما بتسمع كلام عن اليهود؟
باشعر بألم الخيانة
---------------------
شعورك لما بتشوف ظابط شرطة؟
أعوذ بالله من الشيطان الرجيم
---------------------
شعورك لما بتشوف الكناس العجوز فى الطريق؟
باحس قد إيه أنا مُقصرة في حق الله
---------------------
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
ده بيعتمد على ملامح وجهه
إذا كان الوجه مُريح وباسم بارتاح نفسيا وباشعر بالأمان
إذا كان الوجه مكشر وغاضب باشعر بالخوف
---------------------
احساس يراودك فى اشارة مرور مغلقة بسبب مسئول كبير؟
هو مش إحساس هو تساؤل : يا ترى هيقول إيه لربنا يوم القيامة ؟!!!!
----------------------
ومن موقعي هذا أحب أدبس في التاج أخويا أحمد الحسيني

هناك 16 تعليقًا:

Ahmed يقول...

ليه بس التدبيس ده
ماشي يا عم الناظر
على العموم
اجابات جميلة ومميزة
تحياتي

Ahmed يقول...

على فكرة انا هأخر الرد على تاجك شويه
علشان لسه ناشر موضوع جديد
وعايز اخليه شوية
بس اوعدك بالرد في اقرب فرصة
وشكرا

أُكتب بالرصاص يقول...

مع اني ماحبش التاجات
لكن
التاج دا
برضه
ماعجبنيش
لكن عجبني
اسلوبك في الرد عليه

:)

Dr.khaled يقول...

سبحان الله

انا مش بقرأ مواضيع التاجات أساسا..
لكن الحمد لله...قرأت الموضوع ده

ومتشكرين على تدبيسك للأستاذ أحمد

كنت اتمنى انا اللي ابعت له التاج ده لكن الحمد لله
بانتظار ردوده
--------------------
فيه تعليق يا استاذ احمد في مدونتك بخصوص موضوعك الاخير عن رضاع الكبير
--------------------
وفقكم الله
اخوكم/خالد

إيمان الحسيني يقول...

معلش يا أبو حميد
أنت إللي جيت في بالي بقى :)
بالتوفيق إن شاء الله

إيمان الحسيني يقول...

منور المدونة يا أكتب بالرصاص
بإذن الله التاج الجاي هيكون من حظك ومن نصيبك :)

إيمان الحسيني يقول...

جزاك الله خير الجزاء يا خالد
طب إيه إللي شدك للتاج علشان تقراه ؟

Dr.khaled يقول...

والله ليس إلا أنني مسبقا

رأيت ان الردود فيه لن تكون تافهة
كالعديد من المدونات

والله حسيبك

لحظة يقول...

انا سعيده انك جاوبت بسرعة
اجاباتك جميلة
برغم اختلافها عن اجاباتي
ب برضه لسة ينفع نبقى اصحاب؟

كراكيب عادل يقول...

شخصية متزنة

اجابات جميلة

BinO يقول...

هو التاج ده سياسي ولا أيه
:)
أجابات جميلة

سكتم بكتم يقول...

العقل زينة في الفترينة

أجابات عقلانية ومباشرة

وزي مبيقوله الخواجات تو ذا بوينت

تحياتي

إيمان الحسيني يقول...

اكيد طبعا ينفع نقبى أصحاب يا لحظة
وصوابع الإيد الواحدة مش زي بعض :)
الاختلاف شيء طبيعي
يا إما ماكنش حصل أي تطور في تاريخ البشرية

إيمان الحسيني يقول...

جزاك الله كل خير يا عادل
عقبال ما ترتب كراكيبك :)

إيمان الحسيني يقول...

جزاك الله كل خير يا بينو
لا سياسي ولا حاجة
بس أنا عندي المشكلة من صغري
إني باحب أجاوب على قد السؤال
الموضوع ده كان بيعملي مشاكل جامدة أيام الدراسة
ماكونتش باحب اللت والعجن في الإجابات

إيمان الحسيني يقول...

جزاك الله كل خير يا سكتم بكتم

منور مدونتي :)