أنا إيمان الحسيني المعروفة باسم طعمة على النت بلغت من العمر 31 سنة ولم أتزوج بعد
تفتكروا إحساسي هيكون إيه لما أقرأ رد زي ده على أحد المنتديات :
" لان البنت لما بتعنس في اغلب الاوقات بيكون فيها عيوب
وبالتالي مافيش حد بيوافق يتجوزها بسهولة "
أنا إيمان الحسيني المعروفة باسم طعمة على النت سبق لي إني اتخطبت مرتين قبل كده وماحصلش نصيب
تفتكروا إحساسي هيكون إيه لما أقرأ رد زي ده على أحد المنتديات :
" لان البنت لما بتعنس في اغلب الاوقات بيكون فيها عيوب
وبالتالي مافيش حد بيوافق يتجوزها بسهولة "
أنا إيمان الحسيني المعروفة باسم طعمة على النت سبق لي إني اتخطبت مرتين قبل كده وماحصلش نصيب
خطوبة فقط مش كتب كتاب
تفتكروا إحساسي هيكون إيه لما أقرأ رد زي ده على أحد المنتديات :
" اظن انى لو هرتبط بواحده مش هرتبط بواحده اتخطبت 3 مرات
لو مره ماشي بتحصل وعادى
انما 3 كتير وليه ؟؟
يا البنت نفسها صعبه التعامل
يا اهلها بيطفشو العرسان مثلا بمطالبهم
يا فيه حاجه غلط "
على فكرة الموضوع مش موضوع ردين في أحد المنتديات
الآراء دي بيعتنقها الكثير جدا جدا من الشباب والبنات كمان
وبيدافعوا عنها باستماتة
وفي بعض الأحيان بيدوها الصبغة الشرعية علشان ماحدش يفتح بقه معاهم
بالنسبة للرأي الأول
فعلى حد علمي إن الزواج رزق
والرزق بيد الرزاق وحده
مش بإيد أي حد من البشر
وبالنسبة للرأي الثاني
فعلى حد علمي برضه إن الخطوبة هي الشكل الشرعي للتعارف ما بين أسرتين بنية زواج شاب من فتاة
يبقى إيه المشكلة في إن البنت تتخطب أكتر من مرة طالما إنها خطوبة شرعية بعلم الأهل وفي النور ؟!!!
مش أحسن ما البنت تلف وتدور براحتها خالص وفي الآخر تضحك على العريس بإنها خضرة الشريفة وإنها ماسبقلهاش الارتباط قبل كده ؟
حسبنا الله ونعم الوكيل
لو مره ماشي بتحصل وعادى
انما 3 كتير وليه ؟؟
يا البنت نفسها صعبه التعامل
يا اهلها بيطفشو العرسان مثلا بمطالبهم
يا فيه حاجه غلط "
على فكرة الموضوع مش موضوع ردين في أحد المنتديات
الآراء دي بيعتنقها الكثير جدا جدا من الشباب والبنات كمان
وبيدافعوا عنها باستماتة
وفي بعض الأحيان بيدوها الصبغة الشرعية علشان ماحدش يفتح بقه معاهم
بالنسبة للرأي الأول
فعلى حد علمي إن الزواج رزق
والرزق بيد الرزاق وحده
مش بإيد أي حد من البشر
وبالنسبة للرأي الثاني
فعلى حد علمي برضه إن الخطوبة هي الشكل الشرعي للتعارف ما بين أسرتين بنية زواج شاب من فتاة
يبقى إيه المشكلة في إن البنت تتخطب أكتر من مرة طالما إنها خطوبة شرعية بعلم الأهل وفي النور ؟!!!
مش أحسن ما البنت تلف وتدور براحتها خالص وفي الآخر تضحك على العريس بإنها خضرة الشريفة وإنها ماسبقلهاش الارتباط قبل كده ؟
حسبنا الله ونعم الوكيل
هناك 25 تعليقًا:
أسأل الله بأسمائه الحسنى وصفاته العلى أن يزوجك ويملأ قلبك باليقين
جزاك الله خير الجزاء أخي الكريم
صدقني والله أنا باجاهد نفسي علشان أكون راضية بقضاء ربنا فيا
لكن للأسف
المجتمع مش بيساعدنا على كده أبدا
الله المستعان
مشكلة الناس الكلاشيهات
يعني واحد إتخطبت قبل كده تبقى كخه
واحدة عندها تلاتين سنة تبقى كخة
من الأخر الناس سعات بتبقى حافظة مش فاهمة
بصراحة انا عاتب عليك .. لان اللى بيفكر بالصورة دى لا يصلح انه يكون زوج .. يعنى لو هو بيبص مثلا كام مرة اتخطبت و لا كام واحد اتقدم لها معنى كده انها فيها عيوب و ليه مش العكس ..
خدى بالك من حاجة ...
الرجل من هذه العينة عندما يبحث عن زوجة يبحث عمن يامن لها ليس فقط فى طباعه بل فى سقطاته و اخطائه علشان كده بيدور على واحدة عندها عيوب ... ا فى شخصيتها ضعف ليتمكن و يعيش حياته زى ما بيقولوا بالطول و بالعرض
اما اذا وجد ان من امامه اقوى منه تدينا و علما و خلقا ,,, حيقدر يواجهها ازاى ...؟؟
ما تستقيمش الحياة
يعنى معلش فى الكلمة ليه المتبرجة و اللى بتلبس قصير .. والللى واللى بتتجوز قبل المحجبة و المنتقبة ..؟؟
هل لانها احسن ... ؟
اظن ان الخلل فى عين و عقل من اختارها ...
نقطة تانية الزواج موضوع اقتصدى قبل ما يكون موضوع اجتماعى .. فالقدرة هى التى تتحكم .. و للاسف ان الاموال فى ايدى غير الملتزمين اكثر بكثير ...فينعكس على اختاراتهم ...
على فكرة انا زوجتى كانت فى نفس عمرك عندما تزوجنا .. العمر ليس مقياس...
الموضوع تقديرى ..
و حاجة اخيرة (معلش انا طولت و رغيت كتير) دى اتعلمتها من الدنيا ... اصبرى و انتظرى ..الله عز وجل له ترتيب أخر و حكمة لا نعلمها .. احيانا نغفل عنها و نغضب و لكن مع هدوء النفس ,, وسكون الفكر نستوعبها شيئا فشيئا ... ....
انا كمان مش فاهم حضرتك بتتسالي فعلا ولا بتستنكري؟؟
لا اعتقد انه تساؤل ولا اعتقد ان مثلك -المفروض- ان تتاثر او تفكر بكلام اناس لا يعقلون
الزواج رزق من المولى (اقول هذا لنفسي اولا ) ، ليس له دخل بالشطارة او الذكاء او اي شئ اخر
اما ان يتكلم المتكلمون فانتي عارفه اننا شعب لا نعمل ، مشغولون بالكلام وبالسخرية من الاخرين فقط لاغير ، اذا لم نجد من نسخر منه ، سخرنا من انفسنا!! صح ولا لا؟؟
طيب حاجة تانية
البنت او العروسة لا تتقدم ، بمعنى انها تجلس في البيت والعريس هو الذي يتقدم
ماذا نطلق على الشاب الذي لم يتزوج ووصل الى بعد الـ 30 او اكتر كمان ومعه ما يستطيع الزواج
رايي الشخصي في المشكلة ، اننا بقينا ملونيين ، محدش عارف يحكم على حد باطمئنان لان الكتيير لابسين وشوش مزيفة
فالاختيار - وخصوصا في حالة المرور بتجارب غير موفقة - بيكون بحرص و بدقة اكبر كتيير
بقول الكلام وده وانا زي حلاتك ، تجربتين بس اتعلمت منهم
وبعدها بقيت حاسس ببعض التوجس ، بصرف نظر على طول لو مش متاكد 1000% ، لاني مش هجرب لثالث مرة
تحياتي يا افندم
معليشي مع احترامي لكل الناس
بس مين الناس الزباله اللي قالوا كده
انا يا جماعه اخو ايمان على فكره
وسبقلي الارتباط كذا مرة قبل الزواج
واتجوزت .... بس وانا عندي ٣٥ سنة وماشي في ال ٣٦
ومعنديش شقه ولا رصيد في البنك ولا ميراث ولا مستقبل غير شغلي
وكمان ماكملتش تعليمي خرجت من الجامعة وانا في البكالوريوس
ومع ذلك لقيت باللي ترضى بيه
مش علشان هيه مش لاقيه
لكن علشان ولله الحمد اخلاقي وتربيتي
امنوني على بنتهم من غير شروط
لانهم عارفين اني هاصونها
وانا فعلا شايلها جوه عنيا
مع انها سبق واتقدملها ناس
يبقى ازاي البنت اللي سابقلها الخطوبة او كبرت في السن تبقى وحشه
دا كلام ناس مش فاهمه حاجة خالص
سوري يعني حمير
ناس طلعت لقت كل حاجة جاهزة عندهم
من غير تعب ولا شقى
انا بشتغل في اليوم من ٦ صباحا الى ٧ او ٨ مساءا علشان يدوب اغطي التزاماتي وبس
وبقول الحمد لله
ايمان متزعليش
اللي بيقول كده مش فاهم حاجة
عايش في نعيم وشايف الدنيا بمبي
معليشي طولت لساني شوية
بس اصلي انفعلت جدا من الكلام ده
انا اسف
تحياتي
اولا احب ااقولك ان اكيد ربنا هايعوضك خير وهايرزقك جزاء صبرك بالزوج الصالح وبعدين موضوع الخطوبه دى بقت فى كل بيت وكمان موضوع عقد القران فيه بنات كتييير قوى كانوا عقدين القران ولم يتم الزواج وتم الطلاق والحمد لله تزوجوا وبفضل الله عايشين سعداء مع ازواج صالحين
ياريت تكونى عندك ثقه فى الله انه لن يضيعك طالما انك ترضينه ولم تظلمى احد
ثم الثقه بنفسك وان ربنا عاين ليكى الافضل والاحسن ليكى
رزقك الله بالزوج الصالح عاجلا غير اجلا اللهم امين ياااارب العالمين
السلام عليكم ورحمة الله وبركاته
ولا يهمك من كل الكلام ده ، لما النصيب بيجي ماحدش بيقدر يقف قدامه
بس ما تخليش كلام الناس يخرج من قلبك الرضا بقدر الله ، فالرضا هو مفتاح السعاده وصدقيني اللي يمشي ورا كلام الناس لازم يتعب ( فاكره جحا وابنه والحمار )
اعملي زيي خدي من هنا وطلعي من هنا ، ودايما توجهي الي الله بالدعاء فهو خير مجيب
تحياتي
ده موضوع بعنوان : المصري الاصيل ميسبش الناس في حالها :) !!!
http://www.haridy.com/ib/showthread.php?t=78345
ربنا يكرمك ، ويملا قلبك بالرضا وباليقين
انا متابعك بس اول مره اعلق. المهم:
ايه يا ايمان ؟ هو من توكل على الله و عمل اللي عليه بما يرضي الله يفرق معاه كلام الناس ؟
مع الاسف المجتمع المصرى عايز يتربى "اكيد انا منهم برضو"
زي ما بادعي لنفسي هادعيلك: ربنا يرزقك و يصبرك على بال ما يرزقك
يابنتى زى مانتى قلتى كل شىء قسمة ونصيب والخطوبة اتعملت للتعارف يعنى مش لازم يحصل قبلو من اول مرة بس هو فكر متخلف اصلا
جزاكم الله خير الجزاء جميعا
أنا عارفة إن الكلام إللي أنا نقلته كلام تافه ومش المفروض إنه يدايقني
بس أنا أولا وأخيرا بشر
والزن عالودان أمر من السحر
شيء مؤلم فعلا لما تسمع الكلام ده كتير وتشوفه بيترجم عملي في تعاملات الناس معاك
من حق أي راجل إنه يرتبط بإنسانة ماسبقلهاش الارتباط قبل كده
دي حرية شخصية
بس مش من حقه يعيب في البنت إللي اتخطبت قبل كده وماحصلش نصيب
أنا كبنت تخطت الثلاثين من عمرها إذا اتقدملي واحد مطلق مثلا ورفضته لإنه مطلق .. هاتقوم عليا القيامة من المجتمع كله
والكلمة المشهورة في المواقف إللي زي دي :
ده راجل ... مايعيبهوش أي حاجة !!!
ليه من حق الرجل أن يظل بدون زواج طول عمره من غير ما حد يمسه بكلمة ؟
وليه من حقه يختار وينقي زي ما هو عاوز والبنت دايما مُلامة ؟!!!!
فعلا المجتمع مريض
الله المستعان
طبعاً الكلمات بتتوقف معي عند الوصول لهذا الموضوع
فعلاً هناك حالة من الفهم الغبي لدي شباب هذا الجيل لمثل هذه العلاقات
ربما لأن علاقات الشباب ذاته علاقة ملوثة
فيفقدون الثقة في كل من حولهم بأيديهم
ولكني أؤمن بأن الطيبون للطيبات
وأنت من الناس الطيبة
فلا تحزني ولا تحبطي
والله المستعان علي ما يصفون
يا اختى متاخديش بكلام الناس دى
دى عالم فاضية و دماغهم افضى منهم
بالله عليكى متزعليش نفسك
و اؤمن على دعوة استاذ عصفور
أسأل الله بأسمائه الحسنى وصفاته العلى أن يزوجك ويملأ قلبك باليقين
لا يا حاجة لا
اي واحد بيفكر كده ملينفعش اساس انك تقبلية مزوج
قلته-بتشديد اللام وكسرها - أحسن
توكلي على الله وادعيه اوي او ي...حاولي تطلعي عمرة اوحج وتدعي
والله لا يخذل عباده اببببدا
ولا تتعجلي الدعاء
يوم ولدتي كتب أن فلان لفلانه وأنهم سيتزوجون يوم كذا وأولادهم هم فلان وفلان فلا تخافي ولاتحزني
عريسك عمال يدور عليكي وبيسأل نفسه زي ما أنت بتسألي نفسك هو لية النصيب أتأخر
ولكن هو في الحقيقة لم يتأخر بس أحنا اللي مستعجلين قوي قوي
أوعي تكتأبي
أوعي تزعلي
وتذكري كن جميلا تري الوجود جميلا
المشكلة في الكلام ده ...
إن بعض الاخوات زي حضرتك..هيفهموا إنه عادي...وإن شاء الله بلا تأُير
لكن..المشكلة ان نفس الكلام بيتعرض على كتير من بنات المسلمين بيتأثروا بيه..وغالبا بتحصل معاهم أزمات نفسية
-------------------
طبعا أنا وأنت والاخوة والاخوات لعدم اطلاعنا على الغيب...فمش فاهمبن حكمة ربنا سبحانه وتعالى-إنه -عزوجل- أخر زواجك لسن معينة ..بالرغم من إن غيرك ممكن تكون اتجوزت في سن ال17 وال18
------------------
مش يمكن كنتي تتجوزي في سن بدري...ومتوصليش لدرجة معينة من الايمان والالتزام..؟؟
مش يمكن ربنا -سبحانه وتعالى- بيختبر إيمانك علشان بيحبك؟؟
مش يمكن لو كنتي اتجوزتي..كان يبقى زوجك بياكل من حرام ويضطرك انك تاكلي حرام زيه؟؟
مش يمكن كان يبقى بتاع حشييش او مخدرات..
مش يمكن يكون طبيب محترم..بس بيسرق أعضاء المرضى؟؟
مش يمكن يكون مهندس محترم..ومرتشي
مش يمكن كان يجي لك وتسألوا عنه تلاقوه كويس..وبعدين يتبدل حاله إلى سكير وعربيد...
يجبرك انك تنزعي حجابك مثلا
أو بحكم وضعه الاجتماعي خروج وسهرات وحفلات وكده..والقصص على كده الناس كتير عارفها...
---------------
مش يمكن كان ربنا يرزقك منه بولد..مشوه ..أو سليم بس عاق ..يضربك..يسب الدين أو ما شابه
--------------
اما بالنسبة للكلام...فالمشكلة ايضا نفس النظرة بتكون للمطلقة...
طب هب اتطلقت ليه؟؟ اكيد فيه حاجة
وهكذا
وكل يوم يزداد وقود النار من اهل الغيبة والنميمة ...
------------
أما عن نفسي فانا اقتنع تماما ان الخطوبة-بالمفهوم الاسلامي الصحيح...اللي مفيهاش لا طبل ولا زمر وكلا كلام من ده..بل هي مجرد التعارف واهداء هدية للعروس...دي مفيهاش اي مشاكل..حتى لو اتكررت 20 مرة على سبيل المثال لا الحصر
-----------
وأخير: العرض...
على كل أب أو أخ..أن يعرض ابنته أو أخته للزواج على من يعتقد أنهم من أهل التقوى والصلاح..حتى وان لم يطلب منه ذلك...
وايضا: بعض الاباء او الاخوة يخطئون ويقولوا: البنت لسه صغيرة ..او ملهاش نفس او كده
مع ان البنت..قد تكون تريد الزواج لكن حياءها يمنعها من مثل هذا الطلب
------------
وفقك الله ورزقك بالزوج الصالح
جزاكم الله خير الجزاء جميعا
أثلجتم صدري بآرائكم ودعائكم لي
فقد وصلت لمرحلة اليأس من أن يكون في مجتمعنا رجل يعلم علم اليقين أن المرأة مخلوق آدمي
والله المستعان
هيا وجهة نظر تستحق إن الراجل يتشكك بشأنها .. بس تبقى قلة عقل منه لو رفض لمجرد معرفته كده.
فهي أولا ليست قاعدة و لكنها استثناء.
و ثانيا ده مجرد شك مش يقين
فيه من الأخوات نفسهن (كما تفضلتي) بتقلق لما تعرف ان الراجل فسخ كذا مرة .. أو عدا التلاتين و ماتجوزش (من غير سبب وجيه) و أنا قابلت نوعية من دي بالفعل.
ردي مش هيضيف جديد على رد الأخ الدكتور (الجزء الأخير منه) . و خمسة فضفضة . و الصارم الحاسم (حاولي تطلعي عمرة لو في مقدرتك).
عايز اقول لحضرتك مثالين . واحد حقيقي و التاني افتراضي:
- إحدى معارفي تقدم لها شاب ، و أخي الكبير كان موجودا في كتير من زياراته .. يقول الشاب "متدين" . و "هادئ الطباع" . و مؤدب .. ثم تم الزواج ،، أسلوبه كان جاف و عصبي و تمادى في معرفة رفاق سوء و وصل الأمر لطلاقها و لها منه بنت . و قضيتها في المحاكم تحاول أن تنال شيئا من حقوقها!!
هيا مش متدينة بالشكل الصحيح بس سبحان الله . نصيب. و تتمنى انها ماتكونش اتجوزت.
المثال التاني . تخيلي . هل ممكن حضرتك تتخيلي إن فيه ناس ماتعرفيهمش يكونوا اتوسطوا في موضوع جواز لك ، لكن لم يحدث نصيب ، و ربما لم يخبروكي لأن الموضوع لم يتعدى العرض.
مش لازم تحطي في اعتبار حضرتك ان الراجل اللي بيتقدم هوه ده فرصة الجواز (لانه ممكن تكون فيه سعي من ناس ماتعرفيهمش)
و برضه مش لازم تحطي في الاعتبار ان اللي رفض حضرتك لعيب فيه هوه انه فرصة ضايعة (لانه ممكن عن طريقه ييجي شخص أحسن منه -حتى من غير ما هوه يقصد).
فيه حاجات و ترتيبات و مسببات ربنا جعلها و كل شئ حدده بميعاد ، و لو علمنا الغيب لاخترنا ألا نعلمه.
أوافق حضرتك طبعا ان تقدم السن بيسبب لينا قلق . كلنا كده . و نفسنا نستقر و نرضي ربنا. بس ماعندناش غير الوصية المعهودة و بغيرها نضر نفسنا . اصبري و ادعي و قربي لربنا.
أقول لحضرتك فكرة كويسة كنت بأعملها عشان اصبر نفسي:
كنت لما يضيق بي الحال . اذكر ربنا و اقول . تلاقي نصيبي اللي ربنا كاتبهولي دلوقتي بتدعي ان ربنا يزوجها . تلاقيها دلوقتي في المسجد بتحفظ قرآن.
لو راقت ليكي الفكرة: ممكن تدعي ربنا و تصبري نفسك و تقولي . تلاقي نصيبي دلوقتي بيحوش تمن الشبكة ، تلاقيه بيستلم الشقة، بس ماتزوديهاش قوي و تقولي تلاقيه بيخبط و تقفي ورا الباب !!!
و السلام عليكم و رحمة الله
ما عجبنيش عنوان البوست ده خالص المرة دي .. مش إحنا اللي يكون عندنا إحباط من الأمور أو الناس التافهة اللي زي كده
إنتي بتتكلمي عن شيء لا يعد من إنجازاتك أو إخفاقاتك الشخصية أبدا .. واللي ربنا وفقهم وإتجوزوا ماكانوش أشطر منك في شيء .. ولا حتى اللي ربنا رزقهم بذرية كانوا جابوهم بشطارتهم .. ده مش إنجاز شخصي أبدا
ربنا سبحانه وتعالى له حكمة في كل شيء بتحصل لك بلا إستثناء .. أنا مافيش حدث بيعدي عليا في حياتي إلا وبأقول أكيد ربنا سبحانه وتعالى عمل لي كده لحكمة لو ما عرفتهاش دلوقت هأعرفها بعدين
إستعيذي بالله من الشيطان الرجيم وتوكلي على الحي الذي لا يغفل ولا ينام
جزاكم الله خير الجزاء
بس أنا عاوزة أوةضح مقطة صغير
أنا فعلا باحس بالحزن لإني لسه ماتجوزتش
بس مش ده إللي مدايقني لإني على يقين بإن الزواج رزق
ومن الغباء إني أشيل هم حاجة في علم الغيب ماعرفش إذا كانت مكتوبة أصلا ولا لأ
أنا إللي بيزعلني فعلا هو ردود الأفعال والكلام الغريب إللي بيتقال علينا
ليه أسهل حاجة عندنا إننا نجرح في الناس ونخوض في الكلام عنهم رجما بالغيب ؟
وأصعب شيء إننا نعتذر أو نعترف بالخطأ ؟!!!
لا يا طعومة، مش انتي اللي تحبطي من حاجة زي دي.. و الواحد يا بنتي ياما بيقرا كلام زي ده في منتديات.. عندك مثلا مرة في هريدي كانوا فاتحين نقاش عن موضوع العنوسة، قامت بنت عندها 18 سنة دخلت تقول ان البنت لما تعدي التلاتين بدون زواج يا اما بتتعقد و تجيلها حالة نفسية، يا اما بتنحرف. طبعا انا دخلت قلت لها ما تتكلميش عن حاجة ما تعرفيش عنها حاجة. بس بصي يا ايمان.. اوعي تخلي كلام الناس يأثر فيكي و لا تعيريهم اي اهتمام.. عشان همه مش هايبطلوا كلام.. و لو مش قادرين نشغلهم عننا، يبقى نشغل احنا نفسنا عن التفكير فيهم.. انا عن نفسي عندي 32 سنة و نص و الحمد لله ماعنديش مشكلة جامدة اوي اني ما اتجوزتش.. الناس هي اللي عندها مشكلة مش عارفة ازاي.. فاكرني باسهر طول الليل اعيط على حالي و انا الحمد لله ماعنديش وقت حتى أفكر في الموضوع ده، بس مش لازم بأي حال من الأحوال نتخلى عن الدعاء.
على فكرة،انا رجعت تاني بلوج سبوت :)
مش عارف ليه في مجتمعنا كلمة تلاتين للبن = عنوسة و الناس تتخض و البنت تتعقد
في مفاهيم كتير متخلفة زي ما ذكرتي خطوبة البنت قبل كدة و الكلام ده
ان شاء الله يا اخت ايمان ربنا يبعتلك الزوج الصالح اللي يصونك و يقدرك
و سلام مؤقت
معلش من اول يوم اجي كده اشارك في كام بوست
:)
الطريقة بتاعتك و بوستاتك جمال اوى يشدو الواحد يقراهم و يعلق :)
ربنا يبارك فيكي
وَفِي السَّمَاءِ رِزْقُكُمْ وَمَا تُوعَدُونَ فَوَرَبِّ السَّمَاءِ وَالأَرْضِ إِنَّهُ لَحَقٌّ مِثْلَ مَا أَنَّكُمْ تَنْطِقُونَ
:)
انتي اعلم بالكلام ده مني
:)
بس لعله خير
لعل في تأخره عليكي خير كثيراً...
انتى كان ممكن تنشغلي بيه و بالبيت و تنسى تتعلمي او ماتعرفيش تحققى كتير من الي بتتمنيه...
سمعت قصة واحدة حُرمت من الخلفة... و بعد كام سنة محاولة للانجاب زهقت و راحت انشغلت بدروس العلم و الحلقات
و هيا الأن داعية من اكبر الدعاة في مكانها :)
يحسبها الكثير على خير ولا يزكوها على الله
و لعلها لو كانت خلفت كانت انشغلت بكل ده و سابت اي حاجة تانية ... و لا عرفت تلم حسنات ولا حاجة
:)
المهم انتى تشتغلي باللي عندك الأن... و تفضلي جواكي دومأً رضا بالله و بما قسمه لك
و رزقك جاي جاي
مش هيتأخر عن المعاد الي ربنا كتبه :)
ربنا يرضى عنك و يرضيكي و يدخل البسمة على قلبك :)
ربنا يبارك فيكي يا رب:)
إرسال تعليق