الأحد، يونيو 10، 2007

قول للزمان إرجع يا زمان

أعتقد إن شريحة كبيرة من إللي في عمري فاكرين برنامج الدمى الشهير :
The Muppet Show



بصراحة البرنامج ككل ليه معايا ذكريات جميلة جدا وكل شخصياته كانت جميلة وليها أثر واضح في كل حلقة

ده غير أغنية المقدمة إللي كنت حافظاها عن ظهر قلب فيما مضى

بس الشخصيتين إللي باحبهم فعلا في البرنامج هما الراجلين دول وإللي ماعرفش أساميهم لحد دلوقتي :

بس لسه فاكرة إن كان ليهم تعليقات صارخة وتهكمية طول الحلقة على إللي بيحصل على المسرح

وغالبا كانت الحلقة بتنتهي بتعليق طريف ليهم

أو كارثة تحصل في المكان إللي هما دايما قاعدين فيه ... البلكون :)

يا ترى انتوا حبيتوا أنهي شخصية من الـ muppet show ؟

صور أكثر لمحبي البرنامج

وموقع كمان

هناك 21 تعليقًا:

يا مراكبي يقول...

حلو قوي قوي عنوان البوست .. بس الزمان مش هيرجع

أنا بحب الضفدع الأخضر .. وبوجي وطمطم

:-D

ma_3alina يقول...

اسمهم
Statler
دا اللي من غير شنب و
Waldorf
ودا ابو شعر ابيض وبشنب

أنا ما كنتش اعرف اسمهم بس دورت دلوقتي لأني برضه كان بيعجبني تهكماتهم جدا ..

وكنت بحب كل العرايس وخصوصا كيرميت لما يبلع ريقه في وقت المشاكل اللي بتحصل ع المسرح او لما يتهرب من ميس بيجي لما بتحاول تلفت انتباهه

وفوزي وجونز والطباخ السويدي .. ههههه هييييه ... قول للزمان ارجع يا زمان ...

أختي في الله أحييك بشدة على اختيارك لمواضيعك وخاصة الموضوعين السابقين

عصفور المدينة يقول...

اهو أنا لاحظت دلوقت بعد ما كبرت إن بيجي دي خنزيرة

eldoctor يقول...

نفس الشخصيات اللى كنت بستنى تعليقاتهم
statler و waldorf
و برضه المذيع بتاع الاخبار اللى كل شوية تحصل له مصيبة

Ahmed AL-Hussany يقول...

انا بحب فوزي ونكته البايخه
والمشاكل اللي بيوقع نفسه فيها كل شويه
وطبعا الشخصيتين المشار إليهم أعلاه

تحياتي

طـعـمـة يقول...

بوجي وطمطم !!!
آه وماله :)


ربنا يكرمك يا مراكبي
باحس إن كل حاجة بالنسبالك حلوة قوي قوي
وده بيدل على إن روحك حلوة قوي :)

طـعـمـة يقول...

يااااااااااه
جزاك الله كل خير يا ماعلينا
الواحد عاش العمر ده كله من غير ما يعرف أساميهم :)
سبحان الله
بس واضح إن فيه إجماع على الشخصيتين دول
بصراحة كانوا فقريين قوي :D

طـعـمـة يقول...

عصفور المدينة
صراحة أنا أعرف من صغري إنها خنزير
بس كان دمها خفيف :)

طـعـمـة يقول...

شكرا يا دكتور
فكرتني بمذيع الأخبار ده فعلا
كان كل حلقة ليه مصيبة :)

طـعـمـة يقول...

الدب فوزي
كان عليه نكت تِعل الصراحة :)
منور يا أبو حميد :)

HoNdA يقول...

الله مدونتك عثل اوى انا كنت بتفرج ع البرنامج ده كنت بحبه جدن كان بيعجبنى البت الى ناخيرها غريبه وى دى بتفكرنى بسيد قشطة :)

طـعـمـة يقول...

منورة يا هوندا :)
البنت دي كان اسمها ميس بيجي
ومانخيرها كانت عاملة كده لأنها كانت شخصية خنزير :)

Mohamed A. Ghaffar يقول...

الا فاكرينه دى

ده برنامج كبار مش اطفال خالص ولو اتعرض دلوقى هتفرج عليه بردو

خمسة فضفضة يقول...

السلام عليكم ورحمة الله وبركاته

طبعا فاكرينه
نسيتي الاغنيه بتاع سمير غانم اللي عملها علي الموسيقي بتاع اغنية البرنامج

دودو دودو مانا مانا دودو دودو مانا منا

بالمناسبه فاكرين كمان التلي ماتش

طـعـمـة يقول...

ياريت يعرضوه تاني دلوقتي يا محمد
منور المدونة :)

طـعـمـة يقول...

وعليكم السلام ورحمة الله وبركاته
منورة المدونة يا فضفضة :)

فكرتينا بحاجة جميلة فعلا والله
التيلي ماتش
أنا فاكرة معاده كمان
كان بيجي واحنا في الكويت بعد صلاة الجمعة
وكانت المنافسة جميلة بجد ومسلية بجد

ض/خالد يقول...

انا كنت بحب الضفدع اللي بيقوم بدور المذيع

لانه كان بيحصل معاه مواقف مضحكة

لحظة يقول...

انا كنت باحب الضفدع كيرمت
لانه كان في برنامج افتح ياسمسم اللي كان النسخة الخليجيه لمسلسل سيسامي ستريت الامريكي
واللي احنا عملناه هنا في مصر باسم عالم سمسم بعد الخليجيين بحوالي 30 سنه
فكان الضفدع هو اقرب شخصية لقلبي وذلك لسابق المعرفة بيننا
بس الي باستغربله ان صوته في البرنامج الانجليزي زي الدبلجة العربي بالضبط حد عارف ليه؟
وكذلك برت وارني
في سيسامس ستريت وكان اسمهم انيس وبدر في النسخة الخليجي

رصاصة طـائشة يقول...

السلام عليكم طعمة

انا عن نفسي حبيت اوي بيجي وكيرميت
بموت فيهن

بوست حلو

MB يقول...

eldofda3 kamel :-)

S H A H يقول...

يااااااااااااااااااااااه فكرتيني بالذي مضى, ده لازم اللي يخش و يعرف يعلق هنا من جيل التلاتينات

عندي بوست اخو البوست ده بالضبط بس عن غراندايزر :))))))

يا ريت تبقي تشوفيه

جميلة مدونتك يا طعمة