الأربعاء، يونيو 20، 2007

إذا كان إللي بيتكلم مجنون ...!!!

قريت الخبر ده على موقع المسلم :
وبغض النظر عن إللي قاله عباس عن حركة حماس
لكن لفت نظري الفقرة دي من الكلام وإللي بيتهم فيها حركة حماس بمحاولة اغتياله :
" وأنه قد عرض عليه شريط مصور يبين ستة من حركة حماس مكشوفي الوجوه وقد وضعوا شارة الحركة على صدورهم وهم يجرون لغمًا زنته 250 كيلوجرام من المتفجرات، وثلاثة منهم يرددون : هذا لأبو مازن "
معلش يعني ...
هل مجاهدي حركة حماس لسه مُبتدئين وبالسذاجة دي علشان ينفذوا عملية اغتيال وهما مكشوفي الأوجه ؟
ويا ترى وهما رايحين ينفذوا العملية ماكانوش عارفين هما هيغتالوا مين علشان كده اتكلموا أثناء التنفيذ وفكروا بعض بالشخص إللي هيغتالوه ؟
ونفسي أعرف إزاي أبو مازن قدر يعرف وزن المتفجرات في العبوة الناسفة من خلال عرض الشريط فقط ؟!!!
حقا ...
إذا كان إللي بيتكلم مجنون ... يبقى المستمع عاقل
لكِ الله يا حماس

هناك 12 تعليقًا:

عصفور المدينة يقول...

كنت كاتب التعليق ده عندي في مدونة قطاع الأخبار بتاريخ 17-4
فكرتيني بيه

الرئيس محمود عباس ميرزا أجل زيارته إلى عمان عشان يروح غزة يجلس مع حماس للتهدئة
الرئيس عباس أجل زيارته إلى غزة لأنهم اكتشفوا إن جماعة حماس حطوا له متفجرات في الطريق مش عارف هل اللي بيحط متفجرات بيحط جنبها إعلان بيقول صنع في حماس
لا والأكادة المصدر بيتكلم بثقة
تم اليوم اكتشاف نفق ضخم تحت شارع صلاح الدين في غزة وفيه كمية كبيرة من المتفجرات وقد حفرته كتائب القسام". واوضح ان المتفجرات "وجدت في الطريق التي يمر منها عباس لدخول غزة".

إيمان الحسيني يقول...

واضح إنهم لسه بيتعلموا من أمريكا كيفية الضحك على الشعوب بإطلاق الشائعات والأكاذيب
بس لسه بدري عليهم
وعلى رأي المثل :
إللي ربى خير من إللي اشترى

خمسة فضفضة يقول...

السلام عليكم ورحمة اله وبركاته

للاسف الخاسر الاول من هذا التناحر بين الاخوه هو الشعب الفلسطيني

ربنا يبعد عن فلسطين نار الفتن
ويهدي الجميع الي الصواب

لحظة يقول...

بلال فضل في جريده الدستور من كام يوم كان كاتب كلام في موضوع الفلسطينيين الان لا اذكر منه غير قوله
مش عايزين حق العوده
ولا عودة الحق
عايزين نرجع نموت برصاص الاسرائيليين
بس
يعني مش برصاص الفلسطينيين كمان

Ahmed يقول...

اتعملوا ازاي يلفوا ويدوروا
ويزيفوا الحقائق مهما كانت
حسب الله ونعم الوكيل فيهم
حاجة تحرق القلب
مسلم بيدبح مسلم
واليهود بيتفرجوا
ربنا على الظالم والخائن
تحياتي

Ahmed يقول...

طعمه
انا مررت ليكي تاج
ابقي عدي عندي وشوفيه
تحياتي

mas_optic يقول...

الانقلاب اللى أبو مازن بيتكلم عنه هو اللى عمله لما أقال الحكومه فى وقت كانت الهدنه فيه قائمة بين فتح وحماس وهى اتفاقية أو هدنة مكه
الانقلاب عباس أبو مازن هو اللى عمله لما أخلف الوعد وخان العهد بعد اقالة حكومة الوحدة الوطنيه اللى أقامها
الخيانه بعينها قام بتميل دورها عباس أبو مازن عندما طلب من اسرائيل مساعدته للقضاء على حماس

وحكام العرب أعطوا مثالا للظلم والرذيله عندما أيدوا وفتح وما فعلته وأدانوا حماس

لا حول ولا قوة الا بالله

ma 3lina يقول...

قالها أحمد شوقي من زمان
مخطئ من ظن يوماً أن للثعلب ديناً

بس يأختي أؤكد ليكي إن فيه ناس بتصدق .. بيبقى عندها استعداد من الأول إنها تصدق أي تهمة على حماس أو أي تيار إسلامي .. عارفة حضرتك نظرية العنب الحصرم وطبعا الزن ع الودان أمر من السحر .. وهمابيلعبوا على الناس دي .. مش قليلين اصلهم

أبو الغيط الشملول طالع يقول إن إيران هي السبب في ما فعلته حماس .. دا تقولي عليه إيه بقى .. لا مجنون ولا عاقل .. دا يا إما ما بيفهمش يإما .... ما علينا

خطــاب يقول...

سمة عامة فى عباس و امثاله من الحكام الخونة اعتبار الشعوب قطيع من الاغبياء

Dr.khaled يقول...

كبرت كلمة تخرج من أفواههم إن يقولون إلا كذباً...

إيمان الحسيني يقول...

جزاكم الله خير الجزاء جميعا
وأدعوكم إلى قراءة هذه التدوينات لعل الصورة تضح أكثر للجميع :

http://melhamy.tadwen.com/?p=282

http://www.tadwen.com/sayd/?p=61

shab masry يقول...

الاخت الفاضلة..

هذا الشريط لاحد الانفاق التى تعدها كتائب القسام للاحتلال..

في هذا الشريط يقول مجاهد من حماس لاخر.. مازن فط فط...

اى اقفز داخل الحفرة.. فالبهائي ابو مازن اخذ هذا الشئ .. وهو واهم ان ظن ان حماس تريد اغتياله بنفق.. حماس التى قامت بتطهير جميع الاجهزة الامنية في غزة خلال يومين ستغتاله هو بنفق.. لا تعليق يعني..

حماس لو اردات اغتياله ومن معه لفعلت منذ زمن بعيد فالجميع يعرف من القسام ومن هم حماس..

فنسال الله عزوجل ان يرينا اية في هؤلاء الخونة الذين باعوا دينهم وامتهم