الاثنين، أكتوبر 29، 2007

سؤال للشباب الروش طحن

نفسي أعرف وأفهم إيه وجه الشياكة في إنك تلبس بنطلون واقع منك ... وباين من تحته ملابسك الداخلية ؟!!!!
كنت مُحرجة جدا الصبح وواحد نازل قدامي من الميكروباص بالمنظر ده
مش عارفة بقى البنات الروشين رأيهم إيه !!!
أصل أنا خلاص كِبرت وعفا عليا الزمن

هناك 18 تعليقًا:

a Dreamer with feet on the Floor يقول...

Dear, U talk about young men who wear that ,,,,how about girls who wearorse than that, 4 sorrow at University I c such bad scenes each day ,,and I wonder ...do they really have parents ..R they really come 2 learn....
can such ones B good wives and good motheres one day ...and Finally I feel how bad our future will B when such ones will rule this Country..
accept my best Regardes

Mukhtar Al Azizi يقول...

الشئ لزوم الشئ
أومال الكلوتات البوكسر تظهر إزاي.

السؤال دلوقتي، ليه الناس دي ما تلبسش الكلوت فوق البنطلون!؟

WS يقول...

اولا ده اثبات انه لابس حاجه تحت البنطلون
ثانيا ده اثبات انه مش لابس البنطلون على اللحم
ثالثا اولا زى ثانيا
رابعا علشان دى موضه محدش فاهمها فى مصر
خامسا علشان البنات لما تشوف البوكسر تعرف انه واد شيك و مش لابس كيلوت ابيض مقطع
سادسا علشان نوع و شكل و لون البوكسر بيدل عما بداخله
سابعا بطلوا الاسئله التافهه دى و دورلكم على حاجه تانيه تعملوها من الفراغ اللى انتم فيه

اسكندراني اوي يقول...

المصيبه الاكبر ان فيه كمان شابات روشه طحن

ربنا يطحنهم جميعا شباب وبنات

شيئ بجد مخزي جدا

سها السباعي يقول...

دي حاجة فعلا مثيرة للاشمئزاز والقرف ومش مفهوم
واذا كانت البنات بتكشف جزء من جسمها عشان الجمال يبان طب الولاد بتتكشف ليه؟
ازاي حد يقبل على نفسه يمشي كده قدام الناس
ربنا يهدي

محمد عبد الغفار يقول...

هو كده يبقى سؤال للشابات ، واجاوب انا

الشابات سابقين فى المضمار ده بمراحل

إيمان الحسيني يقول...

يا أخي الكريم الحالم
البنات مش محتاجين سؤال
دول محتاجين ملزمة في المراجعة النهائية
:D

إيمان الحسيني يقول...

هههههههههههههههههههههه
تصدق تساؤل في محله يا أستاذ مختار

إيمان الحسيني يقول...

عفوا يا WS
أنا حذفت ردك التاني واحتفظت بالأول :)
منور المدونة

إيمان الحسيني يقول...

آه والله يا إسكندراني
شيء يكسف بجد

والكارثة إن إللي بيتكسف إللي بيبقى ماشي لابس هدومه مستور
لكن إللي قالعين دول ولا عندهم ريحة الدم

إيمان الحسيني يقول...

هو شيء مرفوض من الطرفين يا سها
بس ممكن نفهم إن البنت تكشف جزء من جسمها
بالرغم من حرمة العمل ده
لكن الولد بقى ... إيله الجمال والشياكة في إنه يخرج بملابسه الداخلية ؟!!!!

إيمان الحسيني يقول...

البنات بيكشفوا جسمهم على طول يامحمد
لكن مش بيبينوا هدومهم الداخلية
ربنا يرحمنا برحمته

radwa يقول...

مممممممممممم
سؤال وجيه
ايه الغرض من ده يعنى ؟؟
ليه بيلبسوا بنطلون واقع
والبنات كمان
تقولك انا عاوزه اجيب جيبه تايبس
وسطها واقع يعنى
تلبسها وتلبس عليها بودى (حلوة بودى دى)
وتخاف ترفع ايدها وتخاف توطى لحسن حاجه تبان


الحمدلله الذى عافانا مما ابتلى به غيرنا وفضلنا على كثير من خلقه تفضيلا
اللهم لك الحمد

عصفور المدينة يقول...

فرضت ولاية لويزيانا الأمريكية سجن ستة أشهر لمن يلبس البنطلون الساجي

الخبر من cnn

إيمان الحسيني يقول...

باشوفهم يا رضوى
بيبقوا مخشبين وعاملين زي العرايس البلاستيك :)

إيمان الحسيني يقول...

ماهو علشان الخير جاي من أمريكا
يبقى لازم نتبعه كلنا
لإن أمريكا بلد مُتحضرة
حسبنا الله ونعم الوكيل

allfollowsome يقول...

تختلف من شخص للتانى

إيمان الحسيني يقول...

طب ممكن يا أخ طاهر تشرحلنا وجه الاختلاف ؟