الأحد، نوفمبر 11، 2007

وجب التنويه (2)

باعتذر يا جماعة عن الكلام الغريب إللي بتقروه كل يوم والتاني في التشات بوكس
وحبيت بس أعرفكم إن إللي بيكتب الكلام ده هوالشخص إللي أنا كنت أقصده في التدوينة دي :
سلامـــــاً
وشكرا على إنك عرفتني حقيقة جماعتك
وإن كان مازال عندي احترام لبعض أفرادها

هناك 21 تعليقًا:

radwa يقول...

طب شيلتى التشات بوكس ليييييييه ؟؟
لما احب ارخم ارخم انا فين دلوقتى ؟؟

كنتى احذفى الردود البايخه وخلاص

Ahmed AL-Hussany يقول...

احسن حاجة عملتيها انك شلتي الشات بوكس
خليها كده واللي عايز يقول كلمة يدخل يقولها
وابقي شليلي اللي مش عاجبك
تحياتي

ma_3alina يقول...

السلام عليكم

بقول لحضرتك .. أنا مش شايف الشات بوكس ... هو حضرتك شيلتيه ؟؟

الشات بوكس في إمكانية حذف أي تعليق لا ارغب فيه أو لا ارغب في الرد عليه .. لذا وجب التنويه

:D

سها يقول...

ايه ده
اول تعليق
ولو اني مش فاهمه حاجة
بس انتي ادرى

صباح الخير

Mohamed A. Ghaffar يقول...

قولى سلاماً ياايمان وريحى نفسك

طـعـمـة يقول...

ياستي ارفعي سماعة التليفون ورخمي براحتك
:D

مانا كنت باحذف الردود البايخة فعلا
بس لقيته واحد فاضي
وأنا مش فاضية الصراحة للعب العيال ده

طـعـمـة يقول...

مانا عملت تحكم في الردود يا أحمد
المهم انتوا أخباركم إيه ؟

طـعـمـة يقول...

وعليكم السلام ورحمة الله وبركاته
مانا عارفة يا ما علينا
بس هو كان بيدخل كل شوية يكتب 3 أو 4 صفح
وفي مرة حطلي رابط لموقع إباحي
ربنا يديه على قد نيته

طـعـمـة يقول...

منورة المدونة يا سُها
معلش التعارف كان في ظروف غريبة شوية :)

طـعـمـة يقول...

والله ده كان كل ردي عليه بعد حذف كلامه يا محمد
بس ماتوصلش لإنه يحط لينكات لمواقع إباحية خاصة وإني مش متواجدة أونلاين طول اليوم

اسكندراني اوي يقول...

معلش

في ناس كده الامور عندها متداخله ومتلخبطه
انا قرات البوست
وفهمت المقصود

كان الله في عونك

طـعـمـة يقول...

جزاك الله كل خير يا إسكندراني
نسأل الله العفو والعافية في الدنيا والآخرة
اللهم آمين

ولـاء يقول...

ربنا يحفظك يارب

و الله فعلا احلي حاجة انك شلتي الشات دا
بجد انا من اشد المعارضين له

ربنا يحفظنا جميعا

تحياتي و تقديري

:)

طـعـمـة يقول...

جزاك الله يا دكتور خالد
بس للأسف الناس بتمر على آيات الله مرور الكرام
ولو حاولت تستشهد بأي آية يتريقوا عليك ويتهموك بإنك بتستشهد بالآيات في غير مكانها
والله المستعان


نسأل الله لنا وله الهداية
اللهم آمين

طـعـمـة يقول...

ربنا يكرمك ويعزك يا ولاء
والتشات بوكس كان مجرد وسيلة للتواصل اليومي بيني وبين بقية الأخوة والأخوات
لكن القاعدة الشرعية بتقول : درأ المفاسد أولى من جلب المصالح

Mohamed R يقول...

السلام عليكم

أنا عاتب عليكي جداً في قولك أنا عرفت سلوك جماعتك وإن كان لسه في بعض الناس بحترمها من الجماعه دي

أنا مش عارف إنت بتكلمي عن جماعة مين

بس غلط كبير نحكم علي جماعه بسلوك شخص
لأن كل جماعه فيها الكويس وفيها النصف نصف وفيها الوحش

أما بالنسبة للمنتديات واصحاب المنتديات والمشرفين في المنتديات فأنا فوضت امري لله فيهم
للأسف إحنا فعلاً لسه شعوب متخلفة
في الأسلوب وفي التفكير وفي التصرف
أحذف أحذف
ولو طلبنا نحذف يبقي ما نحذفش
ولو سألنا أتحذف ليه محدش يرد ولا يعبر
لا في زوق ولا في إحساس

إلا قلة قليلة
قليلية جداً

عشان كده المنتديات في نظري أثبت فشلها

بلاش وجع دماغ

الدرة :)

طـعـمـة يقول...

وعليكم السلام ورحمة الله وبركاته

أخي الكريم الدرة
أولا : حضرتك منور مدونتي :)

ثانيا : أنا عارفة إن فيه ناس كتيرة قوي - يهمني أمرها فعلا - هتزعل من كلمتي دي
لكن أنا حبيت بس أعرفه إن تصرفاته وأخلاقياته مش بتحسن صورتهم بالعكس دي بتخليها سيئة فعلا
خاصة وإنه بيتكلم باسمهم وطلب مني - كنوع من التهديد - أسيبهم في حالهم
بالرغم من إني لا ليا دعوة لا بدول ولا بدول ولا باجيب في سيرة حد منهم أصلا
!!!!

أرجو إنك تكون فهمت قصدي
وأرجو إنها ماتكونش الزيارة الأخيرة للمدونة :)

أما بالنسبة للمنتديات فأنا كمان فوضت أمري لله فيهم
والله المستعان

Mohamed R يقول...

السلام عليكم

ربنا يكرمك

لاء طبعاً آخر مره ليه

أنا ماعرفش أصلاً إنت بتكلمي عن جماعة إيه ولا مين

عمتاً ربنا يهدينا

كل واحد فينا ليه أخطاء وذلات

وليس إن فلان يتبع جماعة كذا أو منهج كذا خلاص بقي ملاك

خياركم في الجاهلية خياركم في الإسلام
والناس معادن .... اللي معدنه من ذهب سواء كان ملتزم أو لاء بتكون أخلاقه كويسه

واللي معدنة من صفيح سواء كان برده ملتزم أو لاء بتكون أخلاقة سيئة

علي فكرة أنا معرفش مين المشرف اللي عمل المشكلة

قد يكون صديق وقد يكون حد ما أعرفوش

أنا بتكلم عن رأيي في موقف ليس أكثر عشان محدش يزعل

(:

طـعـمـة يقول...

وعليكم السلام ورحمة الله وبركاته

ماختلفناش أخي الدرة
وياريت أي شخص بينتمي لأي جماعة أو تيار يكون عارف إن كل تصرفاته محسوبة على من ينتمي إليهم قبل ما تكون محسوبة عليه

وفي النهاية كلنا محسوبين على الإسلام

نسأل الله العفو والعافية
اللهم آمين

ارحم دماغك! يقول...

آه بس بتاع أمور مشتبهات ده مش في أي جماعة :D
ده مسابش ولا جماعة فحالها أصلا :D

شكلك مش مطلعة عالتطورات هههههه

طـعـمـة يقول...

لأولا : والله يا يحيى لو قريت ردي الأول على أخونا الدرة هتلاقيني كتبت الجملة دي :

خاصة وإنه بيتكلم باسمهم وطلب مني - كنوع من التهديد - أسيبهم في حالهم

ويشهد الله إن الكلام ده حصل فعلا

ثانيا : أنا ماذكرتش اسم أي جماعة ... ونيتي يعلمها الله وحده .

وأخيرا ... ربنا يدي كل واحد على قد نيته

:)