الخميس، نوفمبر 01، 2007

هل هي عقدة الخواجة ؟!!!!




برناج كلام نواعم
وبرنامج The View
طبعا واضح إن كلام نواعم هو النسخة المعرّبة من The View

عندي تساؤل بسيط :
ليه برامجهم ناجحة ؟
لكن لما إحنا بنيجي نقتبس منها أو نقلدها بنفشل ؟
أكتر حاجة بتعجبني في برناج The View حرية التعبيير عن الرأي
إللي مش عاجبها أي حاجة في السياسة الأمريكية من المذيعات بتتكلم وتقول رأيها بكل صراحة من غير ما تخاف من زوار نص الليل
معظم المواضيع خاصة بالفنانين وحاجات هايفة كتير
بس برضه النسخة الأصلية لها رونق عن النسخة العربية
ليه ؟!!!

نموذج تاني :
آل باتشينو في فيلم عطر امرأة وعادل إمام في فيلم أمير الظلام ...
إللي اتفرج على الفيلمين استحالة يحاول يشوف أمير الظلام تاني
لكن هيقدر يتفرج على عطر امرأة مرة واتنين وتلاتة
وفيه نماذج تانية كتيرة لكن الذاكرة لا تسعفني

ليه مش قادرين ننجح في الجانب الإعلامي إلا باعتمادنا على نجاح النسخة الأصلية الأجنبية ؟
وبرضه بنفشل !!!

هناك 18 تعليقًا:

a Dreamer with feet on the Floor يقول...

thx 4 this subject,,,,
allwayes U will finD the original better than fakes..
we have no power 2 Creat...why ...we R Not less in Intellegence..but The intellegent Ones never reach the Positions which enable them 2 creat and Invent...
we have freakes in Our Media ...who have ( Aastaaa)...so they just can make blind ..ineffecient Imitation...besides ...in the free world as U said ..tthey R free 2 express all issues...besides..most of Their themes R not good or not exict 2 Negotiat in our society...
Like the story of ( tolestoy....which translated under the Title( Nahr Al-hob) each one C it ..realize that the story can not B an arabic one...and so on...

رصاصة طـائشة يقول...

لأن التقليد عمرو مايكون ابد بجمال الأصل
استحالة
دائما ما ينتج عنه نسخة هزلية مضحكة ضعيفة


اما عن الابداع والابتكار فأعتقد اننا نملك كل المقومات الانسانية التي وهبها الخالق لانسان حتى يبدع ويبتكر لكن حرمنا من المقومات المادية التي تساعد على اخراج هذا الابتكار الحلم لارض الواقع
وطبعا وبما ان رؤوس الاموال لا تبحث الا عن المكسب فلا يمكن ان تغامر الا بما قد تم تجربته من قبل

يبئا العيب عنا موش بالعقول لا بالرؤوس_الاموال))





باربي

غير معرف يقول...

هاهاهاهاهاااا..
لأنهم مقلدوهوش غير في الكت :))))

امنية يقول...

انا مستغربه من حاجه واحده
من انك مستغربه!!

هنفضل دايما منبهرين بكل ماهو اجنبى وخارج عن ثقافتنا
وهنفضل طول عمرنا نقلد وعمرنا ما هنتقدم
للاسف ده الواقع..

إيمان الحسيني يقول...

الحالم
فعلا إحنا في عالمنا العربي بنهتم بشكل المذيعين وديكورات البرنامج على حساب حاجات تانية كتيرة قوي من أهمها مضمون البرنامج نفسه
ولمجرد إن فيلم أو برنامج نجح في هوليوود يبقى لازم نعمل منه نسخة عريبة حتى لو كانت فكرته في الأساس لا تُناسب المجتمعات العربية
------------

رصاصة طائشة
التلقيد فعلا عمره ما بيكون في جودة الأصلي أنا معاكي
بس إحنا ماعندناش قلة في رؤوس الأموال
إحنا عندنا سوء توجيه لرؤوس الأموال
-----------

يحيى عياش
كت إيه ؟ مش فاهمة
:)
-----------

أمنية
أنا إللي مستغرباله إننا بقالنا سنين طويلة بنرتكب نفس الخطأ ولسه مُمصممين عليه
بالرغم مكن انتشار الفضائيات ومقدرة الناس على النقد والمتابعة
اذكريلي اسم مواطن مصري واحد عنده دش ولسه بيتابع القناة الأولى والتانية !!!!

غير معرف يقول...

الكت بتاع المذيعة يا بشمهندسة :D

على فكرة مش غريبة أبدا، لأنه أصلا اعلامنا لا يحمل أي رسالة..

إيمان الحسيني يقول...

ههههههههههههههههههههه

خلاص فهمت :)

اسكندراني اوي يقول...

احنا بنقلد بدون اقتناع فروح العمل ما بتبقاش موجوده
رغم الابهار والديكورات والفلوس
الا ان العمل بدون فكر بيضيع كل المجهوووود

إيمان الحسيني يقول...

وأنت الصادق يا إسكندراني
إحنا بنقلد بدون فهم
زي أغلبية الشعوب العربية
حافظين مش فاهمين
:)

ياسر مدني ...دينامو الإخوان يقول...

في ذكري وعد بلفور ...لا تنسوا الدعاء لإخوانكم في فلسطين
والدعاء علي الظالمين..واللهم تقبل...وتيقنوا أن الدعاء سلاح مهم لكل المسلمين

إيمان الحسيني يقول...

جزاك الله كل خير يا ياسر للتذكرة
نسأل الله العفو والعافية
اللهم آمين

Tamer Nabil Moussa يقول...

السلام عليكم

ازيك عزيزتى طعمة

المشكلة مش فى عقدة الخواجة بس

لا وكمان فى حكاية حب الاستسهال

ومن حب الاستسهال الى حب سرقة افكار الاخرين


لان البعض اصبح عندة شبة ياس وعدم قدرة على الابداع و الابتكار

فالحل هو الاستسهال

تحياتى

إيمان الحسيني يقول...

مش عارفة ليه حاسة إن الاستسهال ده آخرته وحشة
:D

عندك حق يا تامر
مابقاش عندنا المقدرة على الإبداع
ومافيش حد عنده الاستعداد يجازف بفلوسه في برامج من ابتكار واحد عربي

الله المستعان

إيمان الحسيني يقول...

باعتذر ... نسيت أرد السلام

وعليكم السلام ورحمة الله وبركاته

محمد عبد الغفار يقول...

عشان فارغين بلا هويه ولا اديولوجيه

إيمان الحسيني يقول...

وقريبا جدا هنبقى من غير وطن

رصاصة طـائشة يقول...

يا طعمة انا مقلتش قلة في رؤوس الاموال أنهم كثر
انا بقول ان رؤوس الاموال يللي عنا موش بتفكر الا بتحقيق المكاسب المادية السريعة
يعني لا بتغامر ولا حتى بتحاول تعمول شي لبكرة كل يللي بتسعى له هي المكسب المادي الفوري
وهذا يللي بيخليهم يقلدو الشي الرابح موش انهم يفكروا يستفادو منو
نحنا عنا رؤوس بلا عقول
خلاصة الموضوع

إيمان الحسيني يقول...

أنا فاهمة قصدك يا رصاصة
وماختلفناش :)