الجمعة، يناير 04، 2008

تاجين في الراس

السلام عليكم
في خلال الفترة إللي تعطل فيها الـ dsl - ومازال العطل مستمرا - جالي تاج من أخونا ما علينا وتاج آخر من أخونا باب البحر
بإذن الله هارد على التاجين دلوقتي
التاج الأول :
ما هي سورتك فى القرآن (أى أحب سورة إليك تقرأها في فرحك وفي حزنك) ؟
فيه سورتين باحبهم جدا وغالبا يا إما باقرأهم يا إما باسمعهم
سورة يوسف وسورة مريم
وباحب أسمعهم جدا من الشيخ مشاري العفاسي لإني باحس إنه بيحول الكلمات لصور
زي ما أكون باتفرج على الأحداث قدامي
ما هي أحب آيه إليك ؟ الآيه التى دائما تتمناها ؟
" فَصَبْرٌ جَمِيلٌ وَاللَّهُ الْمُسْتَعَانُ عَلَى مَا تَصِفُونَ " يوسف (18)
ما هي أكثر آيه تخاف منها وتدعو الله ألا تكون من أصحابها ؟
" قُلْ هَلْ نُنَبِّئُكُمْ بِالأَخْسَرِينَ أَعْمَالا ، الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا " الكهف (104:103)
ماهي الآيه التي تشعر أنها تتكلم عنك ؟
بافتكر الآية دي دايما لما نفسي بتزينلي إني بقيت أفضل عند الله من الشخص إللي قدامي :
" كَذَلِكَ كُنتُم مِّن قَبْلُ فَمَنَّ اللَّهُ عَلَيْكُمْ " النساء (94)
من أحب صحابي وأحب صحابية ؟
من الصحابة الكِرام باحب جدا عُمر بن الخطاب وكان نفسي أكون ولو حتى ملك يمينه في الدنيا
وبادعو الله إني أكون إحدى زوجاته في الجنة
اللهم آمين
بالنسبة للصحابيات أحبهن إليا أم المؤمنين وسيدة نساء العالمين أمي الحبيبة خديجة بنت خويلد
من أحب نبي إليك بعد الحبيب (صلى الله عليه وسلم) ؟
نبي الله يوسف عليه وعلى نبينا أفضل الصلاة وأتم التسليم
إذا كنت على عهد رسول الله (صلى الله عليه وسلم) فمن كنت تحب أن تكون ولماذا ؟
لو كنت على عهد النبي (صلى الله عليه وسلم) أحب أن أكون الصحابية الجليلة نُسيبة بنت كعب (أم عمارة) لأنها كانت امرأة بالف رجل وثبتت عندما فر الرجال يوم أُحد
ما هو منتداك وموقعك المفضل ؟
اعتزلت المنتديات من فترة ومواقعي المُفضلة في السايد بار :)
ماهى أحب الأسماء التي تحب أن تُنادى بها ؟
أحب إني أتعرف باسم : إيمان الحسيني (الحسيني لقب العائلة)
ونفسي أُكنى بـ (أم حمزة) لكن طبعا وكعادة مجتمعنا المصري إن البنت مايتقالهاش يا أم فلان إلا إذا كانت اتجوزت وخلفت فلان ده فعلا :)
من هو كاتبك المفضل ؟
غالبا باقرأ الكتاب بموضوعه مش باسم الكاتب
مدون له فضل عليك واستفدت منه ؟
كل مُدون محترم دار نقاش بيني وبينه في أحد الموضوعات
من هو قارئ القرآن المفضل لك ؟
العفاسي ، الغامدي ، العجمي ومحمود علي البنا
من هو منشدك المفضل ؟
برضه في الغالب باسمع النشيد إللي بيميل ليه قلبي بغض النظر عن المُنشد
لكن في الذهن دائما : الغامدي ، العفاسي وياسر فاروق أبو عمار
ما هو نشيدك المفضل ؟
مسألة حالة نفسية وظروف بتخلي النشيد ده مُفضل النهاردة وغيره مُفضل بكرة
بس غالبا باحب أسمع نشيد يا طيبة ونشيد أنا العبد للعفاسي
إذا كان لك دعوة تدعوها وستتحقق باذن الله فبماذا تدعو ؟
بادعو الله دائما أن يرزقني الرضا بقضائه
ما هو الداعية المفضل لديك أو شيخك المفضل ؟
الشيخ محمد حسان والدكتور عُمر عبد الكافي والشيخ وجدي غُنيم فرّج الله كربه
لكل منهم إحساس خاص في توصيل المعلومة
ما هي أكثر عبادة تشعرك أنك قريب جدا من الله ؟
قيام الليل
من أحب أفراد عائلتك إليك ؟
أمي الحبيبة
ماهو أملك فى الحياة ؟
السؤال ده فكرني بكلمة الشيخ أحمد يس عليه رحمة الله :
أملي أن يرضى الله عني
*********************************
التاج الثاني :
لماذا اخترت اسم مدونتك؟
ده أول اسم اتعرفت بيه في عالم النت وعالم المنتديات
te3mah
طعمة
اعربها
أعتقد إنها خبر لمبتدأ محذوف تقديره أنا
والله أعلى وأعلم
لماذا تدون؟
متنفس من الحرية في العالم الافتراضي بعد أن ضاق بنا العالم الحقيقي
لومكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟ أو لوكنت أوروبي أو غير مسلم بردو إيه نظرتك للعرب والمسلمين ؟
كلنا في الهم سواء
لو قالولك إنت بقيت رئيس جمهورية هتعمل إيه؟
هارفض بكل تأكيد
لو كان ينفع ترجع طفل تاني وتخليك طفل علطول هترجع؟ وليه؟
أكيد هارجع طفلة تاني علشان هيبقى القلم مرفوع عني
لو إنت طبيب وعندك مريض ميؤوس من حالته .. أيهما تفضل .. إنك تصارحه بالوضع وتقوله كل شيء بأمر الله في الآخر ولا تغرس فيه الأمل لغاية لما يموت؟
على حسب المريض إللي قدامي
بس غالبا أنا بافضل الصراحة المُهداة في اليقين بقدرة الله تعالى
لو سمح لك برؤية الرسول (عليه الصلاة والسلام) وإنك تقوله كلمة واحدة بس أو جملة واحدة بس هتكون إيه؟
إني أُحبك يا رسول الله
لو خطبت واحدة أو اتخطبتي لواحد وأثناء الخطبة إكتشفت أو إكتشفتي إن الطرف الآخرغير قادر على الإنجاب هيكون تصرفك إيه؟
من أهم الأسباب للزواج هي التناسل كما قال الحبيب المصطفى : تناكحوا تناسلوا ...
غالبا هارفض الارتباط بيه
لو طلعت القمر هتكتب إيه عليه؟
لا إله إلا الله
لوكنا في عصر إزدهار الأندلس كنت تتخيل نفسك إزاي؟
مجرد فتاة مسلمة عادية
لو مررت التاج ده لحد وما جاوبش عليه أعمل فيه إيه؟
اقتله :)
لو هتسافر في أي مكان في الدنيا تعيش فيه هتروح فين ؟
إمارة الشارقة في دولة الإمارات
لو مررت التاج تمرره لمين ؟؟
أحمد الحسيني
رضوى

أم البنات

هناك 14 تعليقًا:

الفقيرة إلى الله أم البنات يقول...

طعمة ردودك رائعه يا حبيبتى
جزاك الله خير على تمرير التاجين بس انا هاخد واحد بس علشان عندى واحد فى التلاجه لسه مخرجتوش بعتته لى عاشقة الفردوس

طعمه بجد ردودك اثلجت صدرى
ربنا يرزقك بزوج من نفسك ..يعينك ويقويك على الطاعه...وتعملوا اسرة مسلمه
ربنا يفرح قلبك

إيمان الحسيني يقول...

يادي التاجات الحمضانة
:P
خليكي في الفريش أحسن
:D

منوراني يا أم البنات
وتقبل الله منا ومنكم صالح الأعمال
اللهم آمين

كرم مسلم يقول...

السلام عليكم

بارك الله فيكى يأم حمزة

عصفور المدينة يقول...

بارك الله فيك
ونفعنا وإياك بالقرآن

ma 3lina يقول...

جزاكي الله خيرا يا اختنا على قبول التاج والرد عليه ..

سبحان الله .. السيدة عائشة رضي الله عنها كانت تكنى بأم عبد الله رغم إنها لم تنجب .. والمجتمع ما عاتبش عليها واحما مجتمعنا بيعتب ..
لا وإيه ..
بعد كده يقولوا احنا اتقدمنا عنهم ؟؟ طب تيجي ازاي ؟؟؟

إيمان الحسيني يقول...

وعليكم السلام ورحمة الله وبركاته

بارك الله فيك وبك أخي كرم مسلم
ربنا يكرمك ويعزك يا رب
اللهم آمين

إيمان الحسيني يقول...

بارك الله فيك وبك أخي عصفور المدينة
ونسأل الله أن يجعل القرآن شفيعا لنا
اللهم آمين

إيمان الحسيني يقول...

يا أخي الكريم ما علينا
التوجه السائد حاليا وإللي بتنادي ليه نوال السعداوي إن الأبناء يتكتبوا في شهادة الميلاد والأوراق الرسمية باسم الأم

لنا الله

جزاك الله خير الجزاء أخي الكريم

a Dreamer with feet on the Floor يقول...

dear te3ma..
I wish we have so many many girls in Ur smart mind and mature respectfull Personality..
Indeed I felt happy Reading ur Answeres that shows How a Good

person U R
wish U All The Best.

إيمان الحسيني يقول...

سبحانك يا رب
أسأل الله أن يجعلني خيرا مما تظنون
وأن يغفر لي ما لا تعلمون

جزاك الله كل خير أخي الحالم
اللهم مين

radwa يقول...

انا موش كنت قلت موش عاوزة تيجان
كوفر مي اند كراااااااااااااااي

إيمان الحسيني يقول...

هههههههههههههههههههه
معلش بقى
مانا مادبسش في الموضوع ده لوحدي
:P

باب البحر يقول...

جزاكم الله خيرا .... شكرا على قبولكم الدعوة

إيمان الحسيني يقول...

وإياكم أخي الكريم باب البحر