هذا ما جَنته علينا العادات والتقاليد

دي صورة شائعة جدا في مجتمعنا وفكرة متأصلة في تفكير أغلبية الشعب المصري
الصورة دي هي الصورة المشوهة للمحارم ... محارم المرأة من الرجال
والمحرم في الشريعة الإسلامية هو الرجل إللي يحرم على المرأة الزواج منه حُرمة أبدية
وبالرغم من إنك تلاقي الناس كلها عارفة الكلام ده كويس قوي وحافظاه عن ظهر قلب
إلا إنك تلاقيهم بيتحدوا شرع الله بشكل سافر وعلني :

* واحدة بتهزر مع أولاد أخوالها وعمامها بالإيد وبتقعد قدامهم من غير حجاب ... " دول ولاد عمي واحنا متربيين مع بعض ، يعني أخوات " !!!

* واحدة قاعدة قدام زوج أختها بدون حجاب ... " ده جوز أختي يعني متحرّم عليا " !!!

* واحدة قاعدة قدام زوج خالتها أو زوج عمتها بدون حجاب ... " ده من سن بابا ، يعني زي بابا " !!!

يا بنات يا مُسلمات ... اتقين الله
من الآخر كده إللي تم ذكرهم فوق دول مش محارم ليكي ، والمفروض إنك لما تقعدي معاهم ماتبقيش لوحدك وتبقي قاعدة قدامهم بكامل حجابك ...
ده مش كلامي ده كلام رب العزة ، الآية دي من سورة النور ربنا حدد فيها محارم المرأة ، أي واحد ماتلاقيش اسمه مذكور في الآية دي لازم تعرفي إنه مش من محارمك وإنه أجنبي عنك .

يقول تعالى في الآية (31) من سورة النور :
" وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلا يُبْدِينَ زِينَتَهُنَّ إِلاَّ لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء "

مش عاوزين نتوسع في ذكر المصائب إللي بتحصل بسبب تهاون بيوت كتيرة في النقطة دي
زمان قرأت رسالة مبعوتة لعبد الوهاب مطاوع – الله يرحمه – من فتاة ... زوج أختها ضحك عليها وتزوجها في السر على أختها واستغل جهلها بالدين !!!

نسأل الله العفو والعافية
وأن يجعلنا ممن يستمعون القول فيتبعون أحسنه
اللهم آمين