الاثنين، مارس 03، 2008

دمـــااااااااااااغ

" أعلن الرئيس الليبي معمر القذافي أن ليبيا من الآن فصاعدا ستكون دون حكومة‏،‏ قائلا إنه ألغي كل الوزارات‏،‏ ما عدا السيادية منها مثل الخارجية‏‏ والداخلية‏‏ والدفاع‏‏ والمرافق العامة‏،‏ مؤكدا أنه أمر بتوزيع الثروة النفطية على الشعب الليبي مباشرة، بواقع خمسة آلاف دينار لكل أسرة‏،‏ أو بواقع ألف دينار لكل شخص‏ "

هناك 17 تعليقًا:

Lasto-adri *Blue* يقول...

دا إسمه "عدم دماغ".. مافيش أصلا
المخ اللى ربنه خلقه لكل بنى آدم، بقى منتهى الصلاحية عند الرجل دا
يعنى إيه الشعب يدير نفسه بنفسه!
إيه الجنااان دا يا ربى... بالذمة مش مكسوف من شكله

طـعـمـة يقول...

ماهي كلمة دماغ في اللهجةالمصرية الدارجة معناها إنه شخص شاري دماغه ومش تاعبها في التفكير ووجع القلب ده
هو ساب التفكير لأهل التفكير
وعمل هو دمااااااااااااغ
:)

محمد عبد الغفار يقول...

انت عارفه ان فى ليبيا اللى يلاقى بيت فاضى يعد فيه

طـعـمـة يقول...

هو بيني وبينك يا محمد أعتقد من الناحية الشرعية طالما إن البيت مالهوش صاحب واشتهر ده عنه يبقى من حق إللي يلاقيه يسكن فيه :
" لَّيْسَ عَلَيْكُمْ جُنَاحٌ أَن تَدْخُلُوا بُيُوتًا غَيْرَ مَسْكُونَةٍ فِيهَا مَتَاعٌ لَّكُمْ وَاللَّهُ يَعْلَمُ مَا تُبْدُونَ وَمَا تَكْتُمُونَ " النور (29)

بس إيه رأيك في الفكرة في حد ذاتها ؟

:)

الطائر الحزين يقول...

100/100
بجد رجل مفتكس
هيفرق الفلوس على الشعب

عامل زى اللى طبع فلوس وفرقها على الناس علشان حالتها تتحسن بدون أن يكون لها غطاء

بس بجد راجل دمااااااااااااااااغ

تحياتى

inksarat يقول...

مدونة جضرتك جميلة جدا
سهدت بالزيارة

Ahmed AL-Hussany يقول...

يعني ايه دماغ ؟؟؟؟

ma_3alina يقول...

مين يحكم ؟؟
واحد عامل دماغ ولا غبي ظالم يا واد ؟؟
واحد عامل دماغ ولا غبي ظالم يا واد ؟؟
واحد عامل دماغ ولا غبي ظالم يا واد ؟؟

لو مفيش في السوق غير الاتنين دول .. انا عن نفسي اختار اللي عامل دماغ

وبعدين موضوع الحكومات والوزارات فتشة كده ومنظر على الفاضي في بلادنا .. واللي بيأمر وينهي الحاكم بأمره .. يعني كده كده هما طراطير .. وقت المشاكل يلبسهم العمة ويغيروهم عشان يسكت الناس .. مع انهم لا بيهشوا ولا بينشوا ..

يبقى صح كده يشيلهم ويبقى كل حاجة في وشه مباشرة

بوهم نفسى انى عايش يقول...

طعمه : اولا دا القذافى عارفه يعنى ايه ؟ بق متركب على انسان واكبر جعجاع عربى

ثانيا : جتنا نيلة فى حظنا الهباب ؟ ما حنا هنا اهو ولا حد بيوزع علينا ولا حتى قشر لب

hollow يقول...

السلام عليكم
ابتسمت عندما رايت هذه الكلمات
فشر البليه ما يضحك
يلا يمكن ينفع اللي بيعمله
وفي حكمه بتقول السعيد من وعظ بغيره
وهنشوف يمكن تكون فكره يتنقلهابعض كده كل البلاد باذن الله
بس احنا مستغربين ليه
ما هو (القذافي) هيعمل اللي الحكومه المصريه عاوز تعمله
مش هي عاوز تلغي الدعم وتوزعه فلوس علي الناس بس لازم تكون تستحق الدعم ومدام انت مرتبك اعلي من 250 جينه يبقي انت لا تستحق الدعم وبذلك هيكون مستحقي الدعم مش الشعب المصري طبعا لن احتمال يكون الشعب المصري يكون انقرض بسبب غلاءالاسعار وميلقوش الا الشعب الليبي فيعطوه الدعم ههههههههههه

اللهم ما وفق اولات امورنا الي ما تحبه وترضي اللهم ماامين

طـعـمـة يقول...

الطائر الحزين
شوفت بقى إن رؤساء الدول العربية من تقدم لتقدم
ربنا يستر على الباقي

إنكسارات
نورت مدونتي :)

أحمد الحسيني
حمد الله على السلامة يا أبو حميد
والدماغ دي حاجة مدورة كده زي الكورة بتبقى فوق الكتف على طول
ماتشتغلش بالك أنت
:))

ما علينا
مين إللي يحكم :
واحد عامل دماغ ولا غبي ظالم ؟
أنا أختار التالت :)

بوهم نفسي إني عايش
ممكن أسألك أنت بتاخد إيه بس علشان تعيش في الوهم الجميل ده ؟
إنك عايش يعني :)
منور مدونتي

هولو
وعليكم السلام ورحمة الله وبركاته
هو مش فيه فتوى طلعت من الأزهر بتقول إن الموظف إللي مرتبه أقل من 1000 جنيه مُستحق للزكاة ؟
ولا شوفنا أي حاجة لحد دلوقتي
الله المستعان

جنـه يقول...

وانهي دماغ يا طعمه بس الغريبه بقي ان الشعب راضي ومبسوط او عاجباه الدماغ مش فاهمه بس الاهم ان فيه رضا يبقي خلاص يعمل دماغ زي ما هو عايز

deer_hunter يقول...

مافيش اقوى ولا أحسن من العامية
اذا كنت تقصد او لا تقصد--دماغ دى معنها محشش او ضارب بانجو أو برشام-- و كمان في الدماغ الربانى يعنى العبيط----------ياترى مين فيهم؟؟

طـعـمـة يقول...

ماهو حاجة من الاتنين يا جنة
يا إما الشعب مغلوب على أمره ومش قادر ينطق
يا إما عامل دماغ زي ريسه

وحشاني يا جنة والله

طـعـمـة يقول...

منور ني يا صائد الغزلان
وكلامك وضح كل شيء فعلا
بس مع تحفظي على مصطلح (الدماغ الرباني)

بالنسبة للقذافي بقى فأعتقد إنه ابتكر دماغ جديدة خاااااااااالص

امنية يقول...

كنت قرأت مره لأنيس منصور
بيتكلم عن اول ما القذافى مسك الحكم
وراح مؤتمر فى المغرب..ولقاهم بيبوسوا ايادى بعض..قام قايم وقايل هنظل عبيد مادمتم تقبلوا ايادى بعض..وانسحب من المؤتمر
وسأل أنيس منصور..هتكتب ايه عن المؤتمر
قاله هكتب عنك ..قاله هتكتب ايه؟
قاله " طرزان فى قصر ملك المغرب "

:D
عااااااادى
انا مستغربه انك مستغربه يا طعمه
:-؟

طـعـمـة يقول...

أنا مش مستغربة يا أمنية
بس ماتوقعتش إنها توصل لإلغاء الحكومة
وسعت قوي منه دي
الله المستعان