الاثنين، يونيو 16، 2008

سؤال فني

السلام عليكم
معلش حصلت مشكلة في الجهاز عندي بعد ما تم فرمته ومحتاجة النصيحة والرأي
أنا كنت باستخدم فوتوشوب 7 قبل ما أفرمته
بعد الفرمتة نزلت فوتوشوب 8 سي إس
وماكانش راضي يفتح أي ملف من ملفاتي
فشيلته وحملت فوتوشوب 7 تاني
وبرضه نفس المشكلة
لحد ما أنا وأخويا اكتشفنا إن المشكلة إنه مش راضي يفتح الملفات إللي اسمها بالعربي
يعني لازم الملف والفولدر وكل ما يمت لملف الفوتوشوب بصلة يبقى مكتوب بالانجليزي مش بالعربي
علشان البرنامج يقبل يفتحه
يا ترى المشكلة فين بالضبط ؟
وجزاكم الله خير الجزاء جميعا

هناك 7 تعليقات:

عصفور المدينة يقول...

اعملي مستخدم جديد في الويندوز واعمليه أدمينستراتور وادخلي بيه
بس ميكونش اسم المستخدم بالعربي

وجهة نظري يقول...

1- إيه الويندوز إلي عندك بالظبط، باللغه.

2- هو ما بيفتحش الملف حتي لو غيرتي إسمه لإسم إنجليزي؟

3- إيه الـ Error Msg لما ما بيفتحش الفايل؟

4- جربتي تعملي Drag للفايل من الـ Windows Explorer للـ Photoshop؟

أنا ححاول أساعدك وإنشاء الله حننجح بس مأوعدش بحاجه؟

إيمان الحسيني يقول...

عصفور المدينة
جزاك الله كل خير
بس الكلام إللي أنت بتقوله ده كبير عليا فأنا هاستنى أخويا وأبلغه إن شاء الله
:)


وجهة نظري
جزاك الله كل خير
الويندوز إكس بي home eddition وهي نازلة على اسطوانة اللاب توب واتحملت عليه لما فرمته

لأ لما غيرت اسم المف بالانجليزي فتح عادي جدا

لما باعمل open للملف بتاعي بيفتح ملف فوتوشوب جديد وفاضي
مش بيطلع أي رسايل

جربت ونفس المشكلة بالاقيه بيفتح ملف جديد لوحده

حنــ المصري ــين يقول...

يشرفني متابعة مدونتك
كان نفسي اجاوبك لكن للأسف مبتدأه في الكمبيوتر لكن أحب اسجل اعجابي بالمدونة

! Eslam ! يقول...

طعمه حتفضل طعمه طول عمرها
------
وانا دايما بأجى على الريحه
------------
اللى كان يقصدة عصفور المدينه
ان حضرتك حتتدخلى
Control Panel
وبعدين
User Accounts
وبعدين
Creata a new account
وتعملى مستخدم اخر للويندوز
وتسطب النسخه القديمه بتاعتك تانى
وان شاء الله تتحل

إيمان الحسيني يقول...

حنين المصري
منورة مدونتي
ويكفيني مشاركتك الوجدانية
:)

إيمان الحسيني يقول...

ولد يا إسلام
كنت فين الفترة إللي فاتت دي كلها ؟!!!
وعمالين نبعت نداءات استغاثة على مدونتك وأنت ولا أنت هنا
كنت فينا يا باشمهندس انطق بسرعة قر واعترف

بس والله اسمك منور المدونة
بعيدا تماما عن إني مش فاهمة حاجة من كلامكم بس برضه منور
D: