الاثنين، يوليو 28، 2008

أحزان على أحزان





* من شويه كنت باتفرج على الحلقة الأخيرة من مسلسل الملك فاروق الممنوع عرضه على التليفزيون المصري ... انتابتني حالة غريبة من الحزن !!!
* بعدها بشوية اتفرجت على برنامج الطبعة الأولى وسمعت التعليقات إللي اتقالت على حكم محكمة الغردقة ببراءة صاحب العبارة السلام 98 وابنه وكل طاقم المركب وحبس صاحب العبارة سانت كاترين إللي كان معدي ورفض يقف بالحبس 6 شهور !!!
* حاسة إن التاريخ بيعيد نفسه وإن فيه علاقة وطيدة بين الحلقة الأخيرة والطبعة الأولى .
* أجمل تعليق اتقال في برنامج الطبعة الأولى على لسان السيناريست وحيد حامد : هذا الحكم هو الأكثر إحباطًا في تاريخ مصر بعد حادث دنشواي !!!
* طول عمري معتزة بنفسي وبآدميتي ... لأول مرة النهاردة أخاف من نزول الشارع وأحس إني ماليش تمن ولا دِيّة !!!
تحديــــــث :
تحديــــــث(2) :
* الأخوة والأخوات إللي أخدوا رابط الصورة من عندي ده الرابط الجديد

هناك 13 تعليقًا:

سمر الشافعى يقول...

فاروق؟؟؟؟ فين احنا من ايام فاروق

لينا ربنا بقى

بعد ازنك هحط الصوره دى فى مدونتى لو تسمحيلى

إيمان الحسيني يقول...

اتفضلي يا سمر
بس ماتضيفيهاش على إنها صورة
ضيفيها على لينك لغة الـ
html
شوفوي الموضوع ده وانتي تفهمي أنا أقصد إيه
http://www.z3tr.arrawan.com/showthread.php?t=35393

وجهة نظري يقول...

الحلقه الأخيره من المسلسل أنا دمعت فيها، وقلت لنفسي: ألله يلعن إلي جاب الناس دي نطوا علينا.

حسبي الله ونعم الوكيل.

إيمان الحسيني يقول...

حسبنا الله ونعم الوكيل في كل ظالم

ام البنات يقول...

إيمان
انا عيط امبارحوحسيت بكمد وقهر شديد
بنتى مريم
ولتانى أو تالت مرة بتقول بكره مصر يا ماما بكرها
مش عاوزة اعيش فيها
مريم عندها 9 سنوات ونصف
تعيشفى بيت مفيهوش أى ميول سياسيه..او بنتكلم فى سياسه
بس لما طفله صغيرة من اللى بتشوفه فى التلفزيون تكره مصر
امال لو قرأت المعرضه..ولا كبرت وشافت بجد
هتقولى إيه

ايمان انا لما شفت الناس امبارح ...قلت
الله يرحمك يا مصر...للفقيدة الرحمه
هاخد الصورة عندى يا طعمه بعد إذنك

محمد عبد الغفار يقول...

محسسنى ان انتم كنتم متوقعين حاجه غير كده

الطائر الحزين يقول...

ليس من الصحيح أن نحكم عن زمن ماضى بمعطيات الحاضر
======
وهذا لا ينفى الحزن العام

مـحـمـد مـفـيـد يقول...

فعلا يا ايمان
يا خساره يا مصر

إيمان الحسيني يقول...

أم البنات
أومال إللي كان عايش برة ورجعلها يقول إيه ؟


محمد عبد الغفار
ماحدش كان متوقع إن الظلم والهوان يوصلوا للدرجة دي أبدا
حتى القضاء ؟!!!!


الطائر الحزين
مش بنحكم على الحاضر بفكر الماضي
إحنا بنقارن
حالة غليان في اللحظتين
وربنا وحده إللي عالم البلد دي رايحة على فين


محمد مفيد
الله المستعان

وضـّاح يقول...

أوافق الأستاذ محمد أن الامر كان متوقعا, فالقضاة بلا ذمم قد زاد عددهم

ولكن كما ذكرت عند بيلا أن توقع الأمر لا يعفي الشخص من التألم لحدوثه

إيمان الحسيني يقول...

جزاك الله كل خير أخي الكريم وضاح
بس أنا الصراحة ماكونتش متوقعة أبدا الحكم ده
الله المستعان

مستكه يقول...

ايمان وحشاني كتير

واخيرا جيت لعالم التدوين

بالنسبه للبوست بتاعك

مش لاقيه حاجه اقولها غير ان

هي دي مصر يا عبله

يعني منتظره ايه

بس انا ضد اني اقول القضاء ظالم

لان القاضي اللي حكم ده

بيحكم بمعطيات وحاجات غير اللي احنا شايفنها

اكيد طبعا انا رفضاها زي اي حد

بس قصدي بلاش ندعي عليه بالظلم

من زمان والله يا ايمان البلد بايظه

وكل يوم بيمر بتتعقد اكتر

مشفتش حد عايز يعد فيها خالص

مش عارفه هنروح فين بعد كده

هنروح فييييييييييين

Mohajer Masr مهاجر مصري يقول...

طبعا الف خساره يامصر

ولكن ارجع و اتذكر قول الله تعالي

إن الله لايغير مابقوم حتى يغيروا مابأنفسهم

لو نصف حماس الشباب المصري الذي رأينه في مهزله مباره الجزائر , كان قد اخرج في وجه فرعون مصر في الخمس و عشرون سنه الماضيه لما كان هذا حدث

مهاجر مصري