السبت، يناير 17، 2009

نحلم إيه ؟!!!

نحلم إيه ؟
ونحس إيه ؟
ياما حلموا
ياما حسوا
اسألوهم ضاعوا ليه
كل واحد كان لوحده
عاش لنفسه عاش لوحده
ولما جاله اليأس ياخده
ضاع لكنه ماضاعش وحده
خد معاه الكل جنبه
غصب عنهم شالوا ذنبه
واحنا منهم بعد منهم
خدنا إيه ؟
هما ضاعوا وراحوا واحنا
جرحهم مخنوق في روحنا
كل شيء حوالينا واقف
ضد أحلامنا وطموحنا
كل حاجة باينة واضحة
يعني لازم إن احنا نصحى
في التلاقي إللي باقي
نخاف عليه
هي غلطة وفات زمانها
كلنا بندفع تمنها
يا وطن يا أمة خايفة
نفسنا يرجع أمانها
اغتيالهم للطفولة
مش شهامة مش بطولة
يا وطنا لم شملك
اتفاقنا خطوة أولى
واستحالة عشان جراءته
نقتله نقتل براءته
صمت نبضه هز أرضه
الحجارة قصاد رصاص
واللي مات عشان بلاده
لأ مامتش ده يوم ميلاده
والقضية مافيش قضية
إعلنوا الأحزان خلاص
أغنية : نحلم إيه
غناء : أنغام وذكرى

هناك تعليقان (2):

عاشقة الجنة يقول...

كلمات جميلة وكلها إحساس

ومناسبة جدا للأحداث اللي حوالينا

وواضح برضه إن السيناريوهات والحوارات تتكرر

يعني الأغنية دي أكيد اتعملت بمناسبة مجزرة من المجازر المتتالية ضد العرب والمسلمين تحديدا

شكرا ليكي يا طعمة لاختيارك الموفق

و....تــحــيــاتــــي

well يقول...

لغة الاحلام يجب ان تنتهى
.. ويجب على العرب ان يتعلموا لغة الجند ..لغة وأعدوا لهم ما استطعتم من قوة ..