* بداية العام الدراسي الجديد والمترو مش باينله ملامح ، باعدي تقريبا 4 أو 5 متروهات لحد ماعرف أركب ، يعني تقريبا بيضيع مني من 10 لـ 15 دقيقة كل يوم في انتظار لحظة ركوب المترو الحاسمة ، ولما باركب بيبقى عندي إحساس إني ممكن الاقي جزمة جنب راسي ، يا رب سلّم .
* عمري ما تخيلت إني أشوف تفاهة وهيافة بالدرجة جي ، شباب زي الفل - ظاهريا - صاحي من نومه بدري علشان ينزل يقف عند عربية السيدات في المترو علشان يعاكس بنات المدارس والجامعة !!! على ما أذكر وأنا في الكلية كنا لما بنعرف إن فيه زميل مايعرفش حاجة عن البوسنة والهرسك بنقول عليه شخصية تافهة وسطحية ... لله الأمر من قبل ومن بعد .
* سلم المترو مليان تفافة بطريقة غريبة ! باضطر أرفع العباية وأنا طالعة وأنا نازلة وأنا في قمة القرف والخوف لحسن العباية تلقط حاجة ، وعلى نفس السلم المقرف ده المُدرسات غضبانين جدا وواحدة بتقول لزميلتها : هو إحنا هانشتغل خدامين عند الطلبة وننضفلهم الفصول كمان ؟!!! دي شغلانة الفراشين إحنا مُدرسين .... فينك يا أحمد يا شقيري .
* مشوار من كوبري القبة لمدينة نصر ماياخدش أكتر من ربع ساعة ناخده في ساعة إلا ربع علشان التشريفة طالعة القرافة عالصبح !!!
* مهندس زميل كبير في العمل بيشتغل بذمة لدرجة إنه خايف ينسى إن بكرة أجازة رسمي وينزل يروح الشغل ، عنده 3 أطفال ومش قادر ياخد أجازة بدون مرتب علشان يحسن أوضاعه لإنه ماعندهوش واسطة ... شغله بضمير وبذمة ماتوسطلهوش عند مسئولي الهيئة بالرغم من إن حاجة العمل تسمح .
* عمري ما تخيلت إني أشوف تفاهة وهيافة بالدرجة جي ، شباب زي الفل - ظاهريا - صاحي من نومه بدري علشان ينزل يقف عند عربية السيدات في المترو علشان يعاكس بنات المدارس والجامعة !!! على ما أذكر وأنا في الكلية كنا لما بنعرف إن فيه زميل مايعرفش حاجة عن البوسنة والهرسك بنقول عليه شخصية تافهة وسطحية ... لله الأمر من قبل ومن بعد .
* سلم المترو مليان تفافة بطريقة غريبة ! باضطر أرفع العباية وأنا طالعة وأنا نازلة وأنا في قمة القرف والخوف لحسن العباية تلقط حاجة ، وعلى نفس السلم المقرف ده المُدرسات غضبانين جدا وواحدة بتقول لزميلتها : هو إحنا هانشتغل خدامين عند الطلبة وننضفلهم الفصول كمان ؟!!! دي شغلانة الفراشين إحنا مُدرسين .... فينك يا أحمد يا شقيري .
* مشوار من كوبري القبة لمدينة نصر ماياخدش أكتر من ربع ساعة ناخده في ساعة إلا ربع علشان التشريفة طالعة القرافة عالصبح !!!
* مهندس زميل كبير في العمل بيشتغل بذمة لدرجة إنه خايف ينسى إن بكرة أجازة رسمي وينزل يروح الشغل ، عنده 3 أطفال ومش قادر ياخد أجازة بدون مرتب علشان يحسن أوضاعه لإنه ماعندهوش واسطة ... شغله بضمير وبذمة ماتوسطلهوش عند مسئولي الهيئة بالرغم من إن حاجة العمل تسمح .
ليست هناك تعليقات:
إرسال تعليق