هو أنا إيمان ؟

ورجعتيلي يا وحدة

بعد ما هربت منك

رجعتيلي بكل قسوة

ومش قادرة أصُدك

فيكي مصلحتي ؟

يمكن !!!

بس كفاية إنك

سرقتي عمري مني

وبقيت أضعف منك

ضعفي كان سر خوفي
قتل في جوفي حروفي
وبصيت على مدى شوفي
لقيت في السجن أمان

سجّان مالوش ملامح
عارف مين جاي ورايح
مش فاهم معنى التسامح
ومات على إيده الحنان

محتارة أخرج ولا
أفضل في سجني أولى
ينفرج همي جوا
ما القلب مات من زمان

تعبانة ليه يا عيني ؟
الضي مش جاي تاني
سكن الصمت لساني
وعجّزت قبل الأوان

الحكاية مش جديدة
بس الأحلام عنيدة
نفسي في ضلاية بعيدة
تريحني قبل الأوان

يمكن أرتاح يا وحدة
ويمكن في يوم ...
أرجع إيمان

نحلم إيه ؟!!!

نحلم إيه ؟

ونحس إيه ؟

ياما حلموا

ياما حسوا

اسألوهم ضاعوا ليه

كل واحد كان لوحده

عاش لنفسه عاش لوحده

ولما جاله اليأس ياخده

ضاع لكنه ماضاعش وحده

خد معاه الكل جنبه

غصب عنهم شالوا ذنبه

واحنا منهم بعد منهم

خدنا إيه ؟

هما ضاعوا وراحوا واحنا

جرحهم مخنوق في روحنا

كل شيء حوالينا واقف

ضد أحلامنا وطموحنا

كل حاجة باينة واضحة

يعني لازم إن احنا نصحى

في التلاقي إللي باقي

نخاف عليه

هي غلطة وفات زمانها

كلنا بندفع تمنها

يا وطن يا أمة خايفة

نفسنا يرجع أمانها

اغتيالهم للطفولة

مش شهامة مش بطولة

يا وطنا لم شملك

اتفاقنا خطوة أولى

واستحالة عشان جراءته

نقتله نقتل براءته

صمت نبضه هز أرضه

الحجارة قصاد رصاص

واللي مات عشان بلاده

لأ مامتش ده يوم ميلاده

والقضية مافيش قضية

إعلنوا الأحزان خلاص

أغنية : نحلم إيه

غناء : أنغام وذكرى

تعالوا أحكيلكم عن فلسطين

مدونة جديدة