الخميس، يونيو 10، 2010

مرض ألزهايمر




السلام عليكم
من كام أسبوع استضافة منى الشاذلي في برنامجها العاشرة مساء الدكتورة عبلة الكحلاوي
واتكلمت معاها عن جمعيتها الخيرية : الباقيات الصالحات - حساب (6060603) البنك الأهلي
ومن ضمن أنشطة الجمعية وجود دار لمرضى ألزهايمر
والدكتورة عبلة قالت إن لازم يبقى فيه توعية في المجتمع حوالين المرض ده
لإنه بدأ ينتشر بشكل كبير وأغلب الناس ماتعرفش عنه حاجة
وناس كتير لما بتعرف إن أحد أقاربها جاله المرض ده بتبقى مكسوفة من الكلام في الموضوع وبيعيشوا في حالة نُكران
ودي حاجة أنا شخصيا مش قادرة أفهمها الصراحة ... ده مرض ، إيه إللي يكسف فيه ؟!!!
والمرض بدأ كمان يظهر في مرضى صغار السن نسبيا (50 سنة)
وإلى الآن الطب ماقدرش يعرف أسباب الإصابة بالمرض ده
وبالتالي ماقدروش يتوصلوا لعلاج ليه
كل إللي بينصحوا بيه هو أسلوب حياة صحي من البداية لتقليل خطر الإصابة بمرض ألزهايمر

دي مقالة بسيطة عن المرض
كنوع من نشر التوعية والمعرفة
لإن المرض بيظهر فجأة
والبيت إللي فيه مريض ألزهايمر بيبقى بيت على وشك الدمار
خاصة إذا كان أهل المريض مش عارفين فيه إيه أو إيه إللي بيحصل أصلا
كفانا الله وإياكم شر المرض
وأسألكم الدعاء لوالدي - مريض ألزهايمر من سنة 2005م .

هناك 5 تعليقات:

الفقيرة إلى الله أم البنات يقول...

ربنا يسترها معاه ومعاكم
ويقدركم ويقويكم ويقوى ماما وانت يا ايمان وييسر لكم الناس اللى تساعدكم

ربى يسترها معاه يارب

إيمان الحسيني يقول...

ربنا يكرمك ويعزك يا عبير
انتي كمان
ربنا يقويكي ويثبتك ويقدرك على تأدية الأمانة كما يُحب ويرضى
اللهم آمين

Unknown يقول...

اللهم اشف مرضي المسلمين ..
آمين

إيمان الحسيني يقول...

جزاكم الله خيرا أخي أحمد

Nwhadsh يقول...

بادره طيبه ..

خبر جديد ومرتبط بالتدوينه
اكتشاف العلماء لمكان ظهور مرض الزهايمر في الدماغ وفي القشره الداخليه للمخ
الموضوع كاملا
http://sci-n-technology.blogspot.com/2014/01/scientists-discover-alzheimers-origin.html