الثلاثاء، مارس 15، 2011

لا للسلبيـــة



بإذن الله أنا هانزل للمشاركة في الاستفتاء على التعديلات الدستورية
يوم السبت الموافق 19/مارس/2011م
الكل لازم يشارك والكل لازم يغير من الوضع السلبي إللي فضلنا عايشين فيه لمدة 30 سنة

وأهم حاجة إننا لازم نكون على يقين بإن كلنا مصريين وبنحب مصر
لا للتخويـــن
لا للاتهامات الباطلة بدون وجه حق
لا لفرض الرأي بالقوة

إحنا بنعيش حاليا أ - ب ديموقراطية
أبسط صورها بتتلخص في إن كلنا ننزل للتصويت في الاستفتاء على حسب قناعاتنا الشخصية
وفي النهاية رأي الأغلبية هو إللي هايتم العمل بيه
مش مهم رأيي أنا كـ(إيمان) هايكون إيه
المهم فعلا إني أخيرا بقالي صوت ... ومسموع كمان
وأنا في جميع الأحوال باحترم النتيجة النهائية للاستفتاء حتى لو كنت مختلفة معاها

نسأل الله أن يحفظ مصرنا وأن يُجنبها الفتن
اللهم آمين

هناك تعليق واحد:

أحمد الله يقول...

فعلا كتيير وانا أولهم كنا سلبيين لمده 30 سنة ._(( كنا ماشيين بمبدأ صوتك أمانة والحكومة أولى منك ازاى تتصرف فيه )

مش معنى انى بتخطى السلبية ان لازم انزل وأقول ( لا ) ...
فى الفترة الأخيرة لقيت مقالات كتيير بتوضح رفضها للدستور ومقالات كتيير بتعلن تأيدها للدستور

كان الاحسن للمقالات دى انها تعلن تفسير التغييرات وتسيب الشعب هو اللى يحكم

لكن المفروض نتغيير وننزل ونحافظ على صوتنا .. وفى الأخر نحترم رأى الأغلبية