غايب عن عيني لكن
في قلبي الحب ساكن
ومهما تبعد يا حبيبي
قلبي ليك كل الأماكن
فِـ نهاري باشوف عيونك
وفِـ ليلي باسمع حروفك
ونبض قلبك معايا
بيفكر في ليه ولكن
سيبك يا حبيبي مِالسؤال
أحلامنا حقيقة مش خيال
قولهالي بقلبك تلاقي
قلبي بيعدي المُحال
يفرح لفرحك
ويجبر فِكسرك
وفي وقت حزنك
تغزلك حروفي موال
ليه الزعل وأنا جنبك ؟
ليه الحيرة في قربك ؟
ليه بتنشغل عني
ببكرة
والنهاردة مش عاجبك ؟
خليك معايا لحظة
مش هاتحس بحزنك
خليك معايا شوية
هاشغلك كل فكرك
بس ياريتك يا حبيبي
ماتكونش في حياتي حالة
وأصبح بكرة ألاقي
حبك ليا بقى اشتغالة
إيمان الحسيني
ليست هناك تعليقات:
إرسال تعليق