الخميس، ديسمبر 01، 2011

الديمقراطية حرام وكُفر







لما حد يطلع بعد كده ويشتم الإسلام كـ(دين) ماتبقوش تزعلوا
لإن الشخص ده هو إللي كسب في مقعد الفردي في إحدى دوائر الإسكندرية
حرّم الديمقراطية وقال عليها كُفر ثم مارس الكُفر من أوسع أبوابه

هناك 5 تعليقات:

محمد عبد الغفار يقول...

هذا الموقف امضى على الأسلام من موقف مئه كافر

إيمان الحسيني يقول...

المصيبة إنك لما تعترض تلاقي إللي يقولك : ما ساويرس عمل وسوى
وكإننا بنستقي تعاليمنا من ساويرس مش من الكتاب والسنة

ma 3lina يقول...

السلام عليكم

لو تسمحي لي يا باشمهندسة اصحح معلومة فوز المهندس عبد المنعم الشحات في دائرة بالأسكندرية والصحيح إنه دخل إعادة مع مرشح مدعوم من جماعة الإخوان المسلمين الأستاذ دويدار.

النقطة التانية لو تسمحي لي، كلام المهندس عبد المنعم عن الديمقراطية المطلقة بالمفهوم الغربي كفكرة نظرية وهي أن الحكم للشعب والشعب مصدر التشريع وأنا اشهد أن هذا كفر وشرك لأني مؤمن ب إن الحكم إلا لله أمر ألا تعبدوا إلا اياه.

والنبي صلى الله عليه وسلم ذكر أن عبادة أهل الكتاب للأحبار والرهبان كانت باتباعهم لتشريعات وضعية لا تمت لشريعة الله.

والموضوع أنا متأكد أنك تعرفيه أكتر مني ولن أزيد فيه.

لكن نفرق هنا بين الفكرة النظرية للديمقراطية المطلقة وبين الواقع العملي والتطبيق للفكرة .. لأن الواقع العملي بيقول أن الديمقراطية في كل دول العالم محكومة بايدولوجية الشعوب ..

فلما تكون مادة في الدستور بتقول إن ايدولوجية الشعب هي الاسلام .. ويبقى حكم الشعب وفق ايدولوجيته الإسلامية .. ساعتها يكون التطبيق العملي للديمقراطية لا شيء فيه ودا ومش بكفر ولا شرك .. لأنه حكم شعب وفق شرع الله.

لذلك هو ذكر إن كلامه يقتصر على الفكرة المطلقة للديمقراطية، وإنه لا ينفع الكلام المجتزئ واخذه كامنشيت صحفي ولابد من استيعاب الفكرة الكاملة.

ورغم كده النية السيئة لرافع الفيديو دا واللي اسمه - لا للاخوان المسلمين - يعني واحد بيرفض التيار الاسلامية سلفيين واخوان .. النية السيئة خلته يخالف مضمون الفيديو ويجتزئ 58 ثانية من درس كامل وينشره.

ليه احنا بقا كمسلمين نقع في الفخ نروج ليه ولا نروج للتوضيح وبقية الدرس ؟؟

ma 3lina يقول...

أنا اسف اني بعلق للمرة التانية ولكن لاكمال الصورة .. شفت فيديو يوضح اكتر كلام المهندس عبد المنعم في التفريق بين الديمقراطية الغربية المرفوضة في الاسلام والديمقراطية تحت المظلة الإسلامية .. فحبيت مشاركته لقارئ البوست

الفيديو للدكتور مصطفى محمود

http://www.youtube.com/watch?v=FcICofv_x_4&feature=share

وحرجع تاني واسأل اقتطاع الكلام لشخص والتشنيع عليه .. ايه الهدف منه وليه المسلمين هما اللي بيروجوا ليه ؟ ... وليه التشنيع مش بيتم ولا حيتم على دكتور مصطفى محمود هو كمان ؟

ma 3lina يقول...

معلش معلش تعليق كمان مرة.

الشحات سقط والحمد لله على كل حال، سقط مع إنه الأكفأ والأقوى والأكثر أمانة نحسبه كذلك ولا نزكيه على الله، لكنه سقط بترويج الدعاية السلبية وافتراء الكذب من منافسه اللي مش من الاخوان بس مدعوم منهم - بمساعدتنا طبعا - والله المستعان.

بالمناسبة .. أنا اخترت الحرية والعدالة فردي وقائمة لأني بحاول مراعاة اختيار الأصلح أيا كان.