الانتفاضة الفلسطينية الثالثة

حسبنا الله ونعم الوكيل

للأسف كلما تم عمل صفحة للانتفاضة على الفيس بوك يتم حذفها

محمد بشار - هانقول لمصر إيه

هانقول لمصر إيه
غير إن احنا معاها وهوانا من هواها
والكل اليوم ده يقول ياريتنا مصريين
العزة والكرامة والهمة والشهامة
مين زيك أنت يا مصري شايلها
مين ؟ مين ؟ مين ؟

بشجاعتك قاموا ولادك
قالوا اليوم ده ميلادك
يللا نعلن أعيادك
الفرحة اليوم ده لمين ؟ مصر
الفرحة طايرة بيا
والضحكة تملى عنيا
وتسمع كل الدنيا
ماهي أم الدنيا مين ؟ مصر

لو شفت جدع بأساسه
يفخر ورافع راسه
ما بين أهله وناسه
ده يبقى جاي منين ؟ مصر
لو عايز ميه الميه
تعرف طعم الحريه
والشجاعة إللي هي
يبقى أنت رايح فين ؟ مصر

بارك الله في الشيخ محمد عبد المقصود

تحية للأستاذ بلال فضل

بلال فضل : سأحترم اختيار الناس بقوة
لكنني لن أحترم من يفرح بأنه ضحك على الناس وأوهمهم بالجنة لو انحازوا له
وخَوّفهم من الفوضى التي ربطها بـ(لا) كذبا وعدوانا

سنة أولى حُرية

أنــــا وأختــــي

والله على ما أقول شهيد

إوعوا تنسوا

ليس الخوف من يوم الاستفتاء
ولكن الخوف مما سيحدث بعد إعلان نتيجة الاستفتاء

ياريت نفضل فاكرين كلمة عُمر سليمان وأحمد أبو الغيط :
الشعب المصري ليس مُستعدا للديمقراطية !!!

يارب نخيب ظنهم ومايشمتوش فينا

آميـــن

أرجوكم لا تخذلوهم

ده خطاب أرسله أحد الأخوة السوريين لجريدة الشروق في إسهامات القراء :

يا ثوار ... خبرونا عن الحرية ؟
اليوم والحرية نزلت من عليائها ، وأنجزها أناس عاديون بإمكانات وأساليب عادية ، وعاينها وتفحصها بعض من أناس يشبهوننا في سمرتنا وأسمائنا وعاداتنا ، فثمة أسئلة تخطر في بالنا نود معرفة إجابتها منكم :
يا ثوار تونس ومصر كيف قضيتم ليلتكم الأولى مع الحرية ؟
كيف نمتم في أسرتكم دون الإحساس بأن جهاز أمن أو أجهزة تنام معكم في ذات الأسرة ؟ أو على الأقل تراقب نومكم ؟
هل كان نومكم خفيفا ؟
كيف كان الصباح الأول مع الحرية ؟ هل ارتبكتم في التعامل معه ؟
هل شعرتم بالغربة وأنتم الذين سكنكم الاستبداد ولم تعرفوا غيره ؟
هل أحسستم بفقدان شيء من قيمتكم ؟
هل شعرتم بتأنيب الضمير ؟
هل شعرتم باليتم جراء رحيل (آبائكم) السلطويين ؟
هل شعرتم بالارتباك لأنكم لا تعرفون كيف ترتبون نهاركم الأول مع الحرية ؟
وبعد مُضي النهارات كيف وجدتم الحرية ؟
هل تشبه شيئا معروفا في الواقع الذي نعرفه ؟
هل يحتاج التعامل معها وبها إلى سلوك وزي ولغة مُعينة ؟
هل للحرية طعم ولون ورائحة ؟
خَبّرونا !!!

غازي دحمان - كاتب سوري

---------------------------------------------

أرجوكم يا أبطال الثورة في مصر
لا تخذلوا من جعلوا منكم قدوة
وكونوا على قدر المسئولية في يوم الاستفتاء
لأنهم يتطلعون إلى نجاح تجربتنا الديمقراطية ليسيروا على خُطاها

لا للسلبيـــة

بإذن الله أنا هانزل للمشاركة في الاستفتاء على التعديلات الدستورية

يوم السبت الموافق 19/مارس/2011م
الكل لازم يشارك والكل لازم يغير من الوضع السلبي إللي فضلنا عايشين فيه لمدة 30 سنة

وأهم حاجة إننا لازم نكون على يقين بإن كلنا مصريين وبنحب مصر
لا للتخويـــن
لا للاتهامات الباطلة بدون وجه حق
لا لفرض الرأي بالقوة

إحنا بنعيش حاليا أ - ب ديموقراطية
أبسط صورها بتتلخص في إن كلنا ننزل للتصويت في الاستفتاء على حسب قناعاتنا الشخصية
وفي النهاية رأي الأغلبية هو إللي هايتم العمل بيه
مش مهم رأيي أنا كـ(إيمان) هايكون إيه
المهم فعلا إني أخيرا بقالي صوت ... ومسموع كمان
وأنا في جميع الأحوال باحترم النتيجة النهائية للاستفتاء حتى لو كنت مختلفة معاها

نسأل الله أن يحفظ مصرنا وأن يُجنبها الفتن
اللهم آمين

فاكريــ(2)ــن ؟

فاكرين ؟

يا بلد مِعاندة نَفسها
يا كل حاجة وعكسها
إزاي وأنا صبري انتهى
لسه باشوف فيكي أمل ؟!!!

ناويين تفهموا امتى ؟!!!

سؤالي موجه للناس إللي لحد دلوقتي بتتكلم عن فزاعة الإخوان
وعن إن السلفيين بيشتغلوا عند أمن الدولة
وعن الفتنة الطائفية ما بين المسلمين والمسيحيين

(18) يوم في التحرير مافيش طوبة اتحدفت على كنيسة بالرغم من غياب الحراسة من على الكنائس كلها على مستوى الجمهورية

(18) يوم في التحرير كان الإخوان جزء من النسيج الشعبي وناس كتيرة شهدت ليهم بالفضل في تأمين مداخل الميدان يوم موقعة الجمل

(18) يوم في التحرير السلفيين كانوا موجودين وعلى رأسهم الشيخ محمد حسان وأولاده وأخواته والداعية خالد عبد الله

(18) يوم في التحرير كان الكل مصري وبس وفهمنا وقتها مين إللي كان مقسمنا التقسيمة الغريبة دي

ليه بتسمحوله يتلاعب بيكم من تاني ؟
هانفوق امتى بقى ؟

حرب الإشاعات

النهاردة أختي وهي رايحة تجيب البنات من المدرسة لقيت أم قاعدة عالرصيف والناس عمالة تفوق فيها
أختي سألت الناس فيه إيه ؟
قالولها إن الست دي جاتلها رسالة من رقم مجهول على موبايلها بإن المدرسة اتحرقت باللي فيها
طبعا الأم جات جري ووقعت من طولها من الخضة لما لقيت المدرسة مافيهاش حاجة ولله الحمد

أرجوكم يا جماعة عاوزين نحاصر الإشاعات إللي بتطلع دلوقتي لإننا كلنا عارفين مين إللي بيطلعها ومصلحته إيه بالضبط
إللي توصله إشاعة أو رسالة أو خبر ياريت يتصرف بمنتهى الهدوء وبلاش يعمل بَلْبَلْة

نسأل الله أن يجعل تدميرهم في تدبيرهم
اللهم آمين

الخبّاز الفصيح