قُصر الكلام

بدأت في قراءة كتاب : قُصر الكلام .. الكتاب عبارة عن مقالات مُجمعة للكاتب الساخر الجميل عمنا جلال عامر عليه رحمة الله

قام بتجميع المقالات دي زوجته وأبناؤه .. وهي مقالات من سنة 2009م وحتى فبراير/2012م .. السنة إللي توفاه الله فيها وهو بيقول بكل حزن وأسى : المصريين بيموتوا بعض !

كانت آخر كلمة قالها !

الإهداءات إللي كتبها أبناؤه وزوجته في بداية الكتاب مؤلمة جدا .. بكيت وأنا بأقرأها

وقرأت تقريبا 30 صفحة من الكتاب .. وهو كتاب ضخم بالمناسبة !

بس الصفحات إللي قريتها كانت كافية علشان أكتب تدوينة بسيطة عنه .. ماقدرتش أستنى لآخر الكتاب !

الراجل ده كان مصري صِرف .. مخلوق من طين مصر ومعجون بمية النيل

نصيحة للي ماقراش الكتاب إنه يقراه

لو جواك إحساس ومش قادر تعبر عنه .. اقراه .. هاتلاقي عمنا جلال بيقول كل إللي جواك

هاتبتسم وتضحك .. وتبكي

عمنا جلال ساب فكرة .. والفكرة عمرها ما تموت

الله يرحمك يا عم جلال عامر ويتغمدك برحمته