نعم يا سادة .. كل إللي بنمر بيه حاليا من إنعدام للأمن وتهديد بالاغتيالات والتفجيرات هو حصاد لسنوات الفساد .. سنوات حكم مبارك وشلته
في خلال سنتين ونص من بعد قيام ثورة يناير اكتشفنا توغل وتغول جماعة الإخوان الإرهابية في كل مفاصل الدولة من أكبر موظفيها لأصغرهم
والمصيبة الكبرى إن التوغل ده شمل المؤسسات السيادية والأمنية !
سؤال : مبارك كان بيعمل إيه خلال 30 سنة في الحكم بعد ما الإخوان قتلوا السادات ؟
اللواء عمر سليمان وإللي بيقال عنه أسد المخابرات المصرية .. كان فين من تحركات الإخوان على مر السنين إللي فاتت دي ؟
إللي إحنا فيه ده نتاج تنظيم وترتيب بقاله سنين وماظهرش فجأة كده .. النظام الأمني لدولة مبارك كان فين وبيعمل إيه خلال السنين دي كلها ؟!!!!
إذا كان على علم باللي بيحصل وبيعقد صفقات مع الإخوان فهو نظام خائن للدولة ولا يستحق الحكم
وإذا كان ماعندهوش علم باللي بيعمله الإخوان من تجنيد للعاملين بالدولة فالمصيبة أكبر !!!!
وبرضه يبقى نظام فاشل ولا يستحق أن يحكم مصر
الإخوان بشكلهم الحالي المتوحش والقميء هم الوليد الغير شرعي لنظام مبارك الفاسد
"أنا أو الفوضى"
ناس كتير هاتختلف معايا في الرأي وغالبا هاتشتم من أبناء مبارك وأحباء عمر سليمان
بس ماتحاولوش تقنعوني إن تشعب سرطان الإخوان في مؤسسات الدولة المصرية تم بعيدا عن أعين النظام الحاكم في زمن مبارك وبعيدا عن أعين أمن الدولة وجهاز المخابرات إللي كان بيرأسه عمر سليمان
الإخوان بيعملوا للحظة دي بقالهم سنيييييييييييييين .. إللي بيحصل ده مش وليد سنة ولا اتنين ولا حتى عشرة
وربنا ينتقم من كل إنسان شاف الخيانة وعرف بيها وغض الطرف عنها .. اللهم آمين
ليست هناك تعليقات:
إرسال تعليق