أحد الأفلام عن الحرب العالمية الثانية كانت مهمة الجنود فيه هدم سد مائي في ألمانيا
الجنود وصلوا ودخل الأشخاص المحدد دخولهم لجسم السد متخفيين لوضع المتفجرات
وظل خبير المتفجرات وشخص تاني برة لمراقبة الوضع
وانفجرت الشحنة بصوت عالي والشخص إللي مع خبير المتفجرات قعد يتنطط من الفرحة لكنه سكت وتنح لما لقى جسم السد ثابت زي ماهو !
وبدأ يتخانق مع خبير المتفجرات .. لكنه سكت لما الخبير قاله : دع الطبيعة تأخذ مجراها !
وبالفعل بعد حوالي دقيقتين بدأ جسم السد بالتشقق والانهيار متأثرا بموجة الانفجارات الداخلية جواه
وفي نفس الوقت الجنود إللي زرعوا المتفجرات داخل جسم السد كان قدامهم وقت كافي علشان يهربوا
نصيحة لكل إللي مستعجلين وأنا أولهم : دعوا الطبيعة تأخذ مجراها .
هناك تعليق واحد:
تمام
كل حاجة هتاخد وقتها بالتدريج لحد ما الأمور كلها تستقيم
دي طبيعة الأشياء
إرسال تعليق