الأربعاء، نوفمبر 13، 2013

قريبا.. صحيفة سوابقي

في مجتمعنا المصري .. البنت إللي مالهاش ضهر ولا من عيلة كبيرة بتبقى رخيصة قوي في نظر الناس
ولما تتظلم وتشتكي الكل بيسكتها بكلمة واحدة : معلش كله في ميزان حسناتك !
لكن لو ليها ضهر واسم عيلتها كبير غالبا مش هاتتظلم
وإذا اتظلمت فيه مليون واحد هايتطوعوا بإنهم يجيبولها حقها وهي قاعدة في بيتها !
أنا قريت سيرة الرسول أكتر من مرة.. عمره ما قال لحد اصبر واحتسب ! دايما كان بيشتغل مع صاحب المشكلة علشان يوجدله حل عملي
حتى المرأة السوداء إللي كانت بتصرع وتتكشف لما راحت للرسول علشان يدعيلها ربنا إنه يشفيها
الرسول خيرها .. يا إما يدعيلها يا إما تصبر وليها الجنة !
خيرها .. ماقالهاش اصبري على ابتلاء ربنا وكله في ميزان حسناتك !

أحب اقول للمجتمع بتاعنا إن ميزان حسناتي قريبا هايبقى صحيفة سوابق .. بسببكم

هناك 4 تعليقات:

يا مراكبي يقول...

يا ساتر يا رب :-)

ليه كه بس؟

ربنا يصلح لك الأحوال كلها ان شاء الله

إيمان الحسيني يقول...

مجتمعنا بيحترف سياسة لوم الضحية لإنه مش قادر يواجه الظالم :)

جيلان حمزة يقول...

صدقتي والله ... هذا ليس حالك وحدك ... أحاول أن أخرس أشياء كثيرة بداخلي بكلمة الصبر و الاحتساب ولكن كثرة الصبر فاقت الاحتمال في مجتمع ذكوري بالدرجة الاولى

تحياتي الحارة

إيمان الحسيني يقول...

دلوقتي لما حد بيقولي : اصبري واحتسبي
بأقوله : حدثوا الناس على قدر عقولهم .. أتحبون أن يُكذب الله ورسوله ؟
أنا ماشوفتش حد اتظلم وصبر وحقه رجعله
لإن ده مش المنهج إللي ربنا حطه لينا !
ربنا أمركنا بإعادة الحقوق لأصحابها