أنا إللي حلمت ألخص
دنيتي في سطرين
لكن الحقيقة فيه ناس
حياتها بتضرب في اتنين
فيه ناس بيقفوا ويقدروا
وفيه إللي مش قادرين
ماماتوش صحيح واتكسروا
لكن بقيتهم فين ؟
فيه حاجات تموت وتشوف عينينا هوايل
وبنرضى غصبن عننا ببدايل
حاولت أعيش .. وماهمنيش
بس بعد سنين
بصيت لروحي أنا مين ؟
أنا ليه باجري فوق طاقتي
وليه في سبقين ؟
معقولة فيه إنسان طبيعي
يتقسم نصين ؟
للدرجة ديا الدنيا بتغير
وتفرق ناس ؟
نفس الملامح إنما
لا مش نفس العينين !
فيه حاجات تموت وتشوف عينينا هوايل
وبنرضى غصبن عننا ببدايل
حاولت أعيش .. وماهمنيش
بس بعد سنين
بصيت لروحي أنا مين ؟
ليست هناك تعليقات:
إرسال تعليق