السبت، يناير 25، 2014

رسالة إلى "بعض" الثوار

انتوا بتقولوا علينا عبيد البيادة ومش هاترتاحوا إلا إذا بقينا عبيد ليكم
هي كده .. اقتنع برأيي ونفذه تبقى حبيبي وصاحبي وكفاءة
تعارضني تبقى شعب جاهل ومتخلف وبتصنع الفرعون وتعبده

بقالكم 3 سنين بتقولوا حق الشهيد
انزلوا على أرض الواقع بين الناس الغلبانة دي وحققوا حلم الشهيد بإنكم تخلوا البلد أفضل
الثورة انتهت وده وقت لعبة السياسة
يا تبقوا أذكية وتلعبوها صح .. يا إما تسكتوا وتبطلوا شتيمة في الشعب الغلبان إللي شاف المُر لمدة 3 سنين

انتوا ماتعلمتوش حاجة من الإخوان إللي ادوكم على قفاكم ؟
قعدوا 80 سنة يشتغلوا على أرض الواقع وعلى الناس الغلبانة إللي وصلتهم في النهاية لحكم مصر

الثورة وسيلة مش غاية .. اشتغلوا على أرض الواقع
الصوت العالي والهتاف مش هايأكل الغلابة ولا يعالجهم أو يكسيهم
استقيموا يرحمكم الله واندمجوا مع شعب البلد دي بدل ما يلفظكم زي ما لفظ الإخوان

ليست هناك تعليقات: