بمناسبة المرحلة الأولى من الانتخابات البرلمانية في مصر
سمعت من أكتر من مصدر موثوق فيه إن فيه عربيات بتحمل عدد من الناخبين لحد مقر اللجنة الانتخابية
وبعد التصويت للمرشح إللي جابهم يطلعوا على جمعية أو مقر معين لاستلام الثمن
شوية رز على سكر على زيت أو حتى فلوس
أنا ماليش أي انتماءات سياسية
بس لحد امتى هنفضل دافنين راسنا في التراب ونقول يا حيطة داريني ؟
لحد امتى هنبيع صوتنا لأي حد بغض النظر هو يصلح للمنصب ده ولا لأ ؟
لحد امتى هنفضل ماسكين في كلمة (وأنا مالي) ؟
باسمع من الناس الكبار كلام جميل عن أيام الاحتلال
مش الاحتلال طبعا إللي جميل
قصدي المقاومة إللي كانت شغالة وقتها بالرغم من بؤر الفساد الكبيرة إللي كانت موجودة برضه
والأغلبية العظمى من المقاومين للاحتلال كانوا شباب الجامعة والناس الغلابة إللي على قد حالهم
كان لسه فيه كرامة وقتها عند الناس
لكن دلوقتي بقى المبدأ العام :
عض كرامتي ولا تعض رغيفي
زي ما يكون البشر هما إللي في إيديهم الرزق وبيوزعوه على مزاجهم !!!
لحد امتى يا أمة ضحكت من جهلها الأمم ؟!!!
ليست هناك تعليقات:
إرسال تعليق