الاثنين، نوفمبر 28، 2005

لكم الله يا قُضاة مصر الشرفاء

تصاعدت المشكلة ما بين الحكومة المصرية والقُضاة بعدما قام بعض القضاة الشرفاء بالتحدث إلى وسائل الإعلام عما حدث في الدوائر الانتخابية التي يُشرفون عليها من عمليات تزوير للنتائج لصالح الحزب الحاكم

هناك 14 تعليقًا:

Shoks يقول...

هو ده عصر الديموقراطيه اللي كل يوم بيطلع لينا واحد من قناة البرطمان يزيد ويعيد ولما الواحد يقارن اللي بيتقال في القناة ديه باللي بيشوفه علي القنوات الاخباريه التانيه يلاقيه غير الحقيقه خالص ...الواحد خايف يقول اللي جواه يقولوا عليه انهزامي مش هاقدر اقول غير " لكم الله يا شعب مصر "

te3mah يقول...

نحن نعيش الديمقراطية في أزهى عصورها

تخيل أنت بقى أسوأ عصورها عامل إزاي !!!

حسبنا الله ونعم الوكيل

Shoks يقول...

قال مصطفي السباعي في تعريف الديكتاتورية


إلغاء ملايين العقول والاكتفاء بعقل واحد , والازدراء بملايين الآراء وتمجيد رأي واحد , وإهمال جميع الفعاليات واستعمال فعالية واحدة , والديكتاتورية أعجب عماية تقمص في تأريخ العقائد
تتقمص الملايين في شخص واحد , فتسافر إن سافر , وتقيم إن أقام , وتبكي إن بكى , وتسخف إن سخف , وتهوي إن هوى

Taher يقول...

اى قضاة اللى ساكتين
اقصى ما فى الموضوع تعويض وكلام فاضى والموضوع يموت زيه زى اى موضوع تانى
وما تقلقوش كده او كده المجلس ده شكله حيتحل

te3mah يقول...

مش باحب روح اليأس دي يا طاهر
عندي أمل كبير في ربنا

منور يا فندم :)

te3mah يقول...

معلش يا شادي
أنا حذفت الرد بتاعك لإني مش باقبل بالشتيمة في المدونة بتاعتي

:)

Romantic Rose يقول...

نهي الزيني احسن مثال علي وقفة الست اللي ب 100 راجل .. و مصطفي الفقي رمز للراجل اللي اصبح اثرا بعد عين ..

اللي عايزه اقولهولكم .. ان مصطفي لفي طلع كارنيه المجلس الموقر .. و البلاغ امام النائب العام .. ايه اللي هيحصل بقي .. الله اعلم ؟

te3mah يقول...

لو القضاة ما أخدوش موقف جاد من الموضوع ده
يبقى عليه العوض ومنه العوض يا رومانتيك

أكبر سُلطة في البلد خايفة !!!!

انا الذي يمشي في الظلال يقول...

هو زي ماوليد قال


خربانه يا جدعان

Shoks يقول...

الانتحار السياسي ده اللي كتبته الجرائد تاني يوم بعد اللي حصل في دائرة دمنهور عن مصطفي الفقي ..طيب وبعدين ايه الموقف الشعب كله متابع من بعبد لبعيد نص الشعب بيقول مفيش فايده اللي عايزاه الحكومه هيمشي والنص التاني بيقول لا اكيد الظروف اتغيرت وومكن يكون في امل ولو حتي صغير .. نهي الزيني مش امراءة لكن ب 100 راجل وعملت اللي ممكن ميكونش قدر يعمله الرجاله ووقفت وشهدت الحق ربنا يباركلها حتي لو اتظلمت في الدنيا ان شاء الله ربنا يجازيها خير عن شهادة الحق اللي شهدتها ..وكمان المستشار محمود الخضيري نائب رئيس محكمة النقض ورئيس نادي القضاة في الاسكندرية اللي قدم صور (زنكوغرافيه ) لنتائج فرز 137 لجنة من مجموع 160 لجنه واللي فيها فاز مصطفي الفقي ب 8000 صوت وجمال حشمت ب 24000 صوت كل ده وبيقولوا مصطفي طلع الكارنية " لك الله يا شعب مصر "

ارحم دماغك! يقول...

التليفون والبريد الإلكترونى للمستشارة نهى الزينى

سارع بالاتصال أو بإرسال رسالة تضامن ، فالله وحده أعلم بمدى الضغوط التى تمارس عليها

التليفون

012263380

الإيميل

nohaz@idsc.net.eg

te3mah يقول...

أنا الذي يمشي في الظلال
هي خربت خلاص فعلا
بس لازم نحاول نصلحها
المثل بيقول :
يوم ليك ويوم عليك
مش معقولة هنغيره لـ :
يوم عليك على طول !!!

te3mah يقول...

ربنا يستر يا شوكس
وأرجو إن الأخبار دي تكون خاطئة

te3mah يقول...

جزاك الله كل خير يا يحيى
بس نمرة الموبايل ناقصة رقم !!!