السبت، ديسمبر 03، 2005

خمسـات من تأليفـي

خمس حاجات تضحكني :
1- مسرحية مدرسة المشاغبين .
2- مسرحية العيال كبرت .
3- شخص منظرجي يتكشف قدامي .
4- التعليق الساخر الصح في الوقت الصح .
5- واحدة لسه عاملة شعرها عند الكوافير والدنيا تمطر عليها .

خمس حاجات تبكيني :
1- طفل بيتضرب .
2- طفل مريض .
3- إني أتظلم بشدة .
4- شخص كبير في السن فقد القدرة على التمييز .
5- قصة وفاة الرسول (صلى الله عليه وسلم) .

خمس حاجات تنرفزني :
1- لما أكتشف إن إللي قدامي بيحاول يستغفلني .
2- لما أكتشف إن إللي قدامي بيتعامل معايا على أساس إنه أحسن مني .
3- لما إللي قدامي يكدب عليه في وشي بالرغم من المواجهة .
4- إن تتفرض عليه حاجة مش عاوزاها وإللي فرضها عليه عارف إني مش عاوزاها (نظرية الأمر الواقع) .
5- إني أحب شخص مايستاهلش .

خمس حاجات تهديني :
1- قراءة سورة يوسف .
2- دوش سخن .
3- كوباية يانسون مغلي .
4- أمي تضمني لحضنها .
5- قرص مهديء .

خمس طِباع سيئة في شخصيتي :
1- باتنرفز بسرعة .
2- بآخد قرارات سريعة .
3- بابقى قاسية جدا في مسألة الخِصام مع المُقربين .
4- بادعي كتير على إللي ظلمني .
5- باتخانق مع أمي كتير .

خمس أشخاص يلعبوا اللعبة دي :
1- يحيى عياش .
2- وليد .
3- رشـا .
4- أبو حماس (من يمشي وحده) .
5- أحمد شقير .

هناك 18 تعليقًا:

حــلم يقول...

خمسة وخميسة
:)

كلهم بيقولوا عنك أحلى كلام

سلاااااام

te3mah يقول...

تسلمي يا حلم:)
ويا رب أكون مستحقة للكلام ده فعلا

ارحم دماغك! يقول...

طعمة مش هاقدر..
:) بجد مش هاقدر!

أنا لسه معالجتش إصابات السبعات..لسه منسيوهاش!

وبعدين انتي بتسألي أسئلة ماتسئلهاش..
أنا ياستي لا بابكي ولا باتنرفز ولا بتحصل معايا الحاجات دي أساسا عشان تسأليني إيه اللي بيبكيك وإيه اللي بينرفزك وإيه اللي بيهديك!

إلتمس يا ليث غيري!

والله لو كان ينفع ما كنت اتأخر بس معلش مش هاقدر!

حائر في دنيا الله يقول...

طعمة بتتنرفز بسرعة
يعني أي حد يخلي باله وهوا بيتناقش ويايها
وياخدله ساتر

te3mah يقول...

يا يحيى الإجابة إجبارية :P
يا إما هتتشال نمر أعمال السنة :D

بعدين إزاي يعني لا بتعيط ولا بتهدي ولا ...
هو أنت مش بشر زيك زينا ؟
!!!!

te3mah يقول...

صدقني يا حائر يمكن نرفزتي مش بتبان على النت قوي
لكن رينا يكون في عون إللي بيشوفني على الطبيعة

وبدل ما أنت فاضي كده أقعد اكتبلك كام خمسة :D

~ se3loah ~ يقول...

:|
مسويه خماسيات من وراي

ألف مبروك على التأليف
:))

اشتقت للبلوق حقك
من زمااان والله

te3mah يقول...

طب شرفينا بقى وحلي معانا الخمسات دي سعلوة
:P

منورة وبلاش الغيبة الطويلة دي :)

shady يقول...

اللهم لاحسد

amani يقول...

طعمه وحلوه الخمسات ياطعمه
:)
اللي تألف كتاب تقدر تألف
اي شيء ثاني
انا جيت اسلم لاني اشتقت لك
فحبيت اقولك كيف حالك..مع
السلامه

te3mah يقول...

ليه كده بس يا شادي
طب خودهم حلهم عندك بقى
:P

te3mah يقول...

فينك يا أماني ؟
كل ما أدخل المدونة بتاعتك ألاقي موضوع القهوة وبيكاسو
ومافيش مواضيع جديدة !!!
ماتغيبيش تاني بقى
وروحي حلي الخمسات دي عندك يلا :D

Taher يقول...

دا اختبار شخصية خمساوى ولا ايه

te3mah يقول...

حاجة زي كده يا طاهر :)
تحب تشارك ؟

Ahmed Shokeir يقول...

خمساتك معبرة جدا ياطعمة

عجبتني أوى خماسيات النرفزة

te3mah يقول...

اتعملك تاج يا أحمد :P
حمد الله على السلامة :)

tamer يقول...

تسلمى طعمة على الصراحة والعرض الجميل


وفقنا الله لما فية الخير

مع خالص تحياتى

te3mah يقول...

ماهي الصراحة راحة يا تامر :)
اتفضل خمسات معانا :)