الأحد، ديسمبر 18، 2005

أخاصمك آآآه



حد شاف إعلان tom & jerry الجديد على قناة mbc3 ؟
إعلان لذيذ جدا
جايب لقطات من صراع توم وجيري ولحظات تصالحهم كمان
واللقطات متماشية مع مقاطع أغنية نانسي عجرم : أخاصمك آه ... أسيبك لاه
بصراحة باضحك من قلبي فعلا وأنا باتفرج على الإعلان ده
بس أكتر حاجة بتضحكني هي سلمى بنت أختي (5 سنوات) وهي بتحاول ترقص زي جيري في بعض اللقطات
والإعلان ده فكرني كمان بأغنية (مش عارف ليه) لهشام نور
كانت اتصورت برضه على لقطات لتوم جيري
وكانت لذيذة جدا برضه
وما أحلى الطفولة :)

هناك 21 تعليقًا:

shady يقول...

فكرتينا بالذى مضى فين ايام توم وجيرى وجريندايزر واليس فى بلاد العجائب
ياليت البتاع يعود يوماً لأخبره بما فعل الهبابو

إيمان الحسيني يقول...

إييييييييييييه دنيااااااااااا
منور يا شادي :D

غير معرف يقول...

صباحو روقان يا باشا:)

إيمان الحسيني يقول...

يسعد صباحك يا عياش
:D
اتفضل معانا :)

Ahmed Shokeir يقول...

فعلا أغنية هشام نور .. مش عارف ليه كانت لذيذة جدا .. إنتي إفتكرتيها إزاي .. دى من أيام جوازى وكانت لما بتيجي كنا بنقعد نتفرج عليها كان كل أغانى الفيديو كليب أياميها خمستاشر أغنية فى السنة

إيمان الحسيني يقول...

إحم إحم
أحمد باشا
أيام جوازك أنا كنت لسه في ثانوي :D
ومافيش أغنية إلا وكان لازم أحفظها طبعا
والحمد لله ربنا تاب علينا وبقينا بنحفظ المصحف دلوقتي

ربنا يسعدك أنت وزوجتك يا رب :)

إيمان الحسيني يقول...

تسلم يا تامر
ومنور المدونة :)

غير معرف يقول...

هههههههههههه
هم سمعوك في عشرينات ولا حاجه؟

allfollowsome يقول...

بينى وبينكم انا لما اروح عند حد من قرايبى ولاقى عنده عيال لازم انصحه يخلى ولاده يتفرجوا على توم اند جيرى سلاحف النينجا كابتن ماجد( حد متابع الجزء التالت .. الشبح) كرتون عموما
طبعا علشان اتفرج معاهم
المهم بالنسبة لوموضوع المستشارة نهى الزينى وعبد الكريم
انا اولا من الناس اللى محطيتلوش بانر وان كنت مش موافق على حبسه ان كان محبوس علشان الحرية و و مش حاجة تانية
ثانيا انا رديت عليه هنا
http://tahhoorr.blogspot.com/2005/11/blog-post.html
اما الناس اللى وقفو مع كيمو ونفضو للمستشارة نهى فالموضوع كبير شوية
من وجهة نظرى يا جماعه والله
واللى يدن على المدونات ياما يشوف

إيمان الحسيني يقول...

لا يا يحيى معلش
عشرينات منزلة الموضوع بتاريخ 19/ديسمبر
وأنا نزلته بتاريخ 18/ديسمبر
يبقى أنا ليا السبق :D

إيمان الحسيني يقول...

فعلا يا طاهر مافيش أحلى من أفلام الكارتون
بس مش الحالية
بتاعة زمان أحلى بكتير

بالنسبة لموضوع كريم فأنا برضه كنت ضد سجنه بشكل عشوائي وبدون توجيه تهم
بس ماحطتيش صورة ليه
والمستشارة نهى الزيني وكل إللي زيها ربنا يتولاهم برحمته

Mr-Biboooo يقول...

تالن تدوينة بتتكلم عن الطفولة فى اقل من يومين

واضح ان الحياة بقت صعبة

او احنا نفسنا نرجع تانى نضحك و نلعب براحتنا

ROMANTIC ROSE يقول...

أجمل كرتون أطفال بحبه ف الدنيا هو توم اند جيري "لما كنت صغيره كنت بفتكرهم توم و جيلي" ..

و لحد دلوقتي بتابعهم الفجر و العصر علي ام بس سي 3 و علي كوكب مرح ف سبيس تون .. بس خليها ف سرك و ما تقوليش لحد ..

غير معرف يقول...

ياستي وانا قلت حاجه:)
مانا باقول انهم سمعوا..
يارب تكون الهدية عجبتكم..أنا شخصيا الفيلم عاجبني جدا:)

إيمان الحسيني يقول...

هما الاتنين يا بيبو
الحياة بقيت صعبة
وعاوزين نرجع للطفولة :)

إيمان الحسيني يقول...

سرك في بير يا رومانتك :D
هو النت كله بس إللي عرف :)

إيمان الحسيني يقول...

صراحة أنا مشوفتش الفيلم لسه
بس هاشوفه إن شاء الله :)

bluerose يقول...

ياااااااااااااااااه يا طعمة
فكرتيني بايام جميلة

ii يقول...

وشلون يربطون افلام كرتون اللي للاطفال باغاني الكبار

إيمان الحسيني يقول...

منورة يا روز
وربنا يجعل أيامك كلها جميلة :)

إيمان الحسيني يقول...

عادي يا سعلوة
هما كانوا مشغلين أول ملتين بس من الأغنية
أخاصمك آه ... أسيبك لا
وبيعيدوا فيهم
مش الأغنية كلها يعني :)