الاثنين، يناير 29، 2007

مع احترامي لكل من يستحق لقب رجل

واحد اشترى فرخة وعمل عليها شوربة
وواحد اشترى فرخة وعمل عليها راجل
دايما بافتكر النكتة دي لما باشوف قدامي ذكر بيتزوج علشان يثبت رجولته باسم الشرع والدين والقانون والأعراف

هناك 15 تعليقًا:

Mohamed A. Ghaffar يقول...

والله ولا حتى يستحق لفظ ذكر الا اذا كان مقصدك أنه ذكر بط

من تزوج لهذه الأهداف فليس فيه من الأنسانية شئ والحيوانات بؤاء منه

أُكتب بالرصاص يقول...

مافهمتش النكتة

ممكن تعديها
..!!
قصدي تشرحيها
:)
وبعدين لنا تعلق عليها
:)

كلام لوجيك يقول...

الرجولة ادب واخلاق
الراجل بيعامل ضميره ويسمو فوق كل ما قد يسئ اليه
اما اللى بيتبع الاساليب الاخرى فى المعاملة فده بيرجع لعقد النقص المترسبة بداخله
فبيعمد الى اذلال الطرف الضعيف حتى يرضى ذكورته وغروره
والمشكلة دي مش محدده بمستوي معين من التفكير او بطبقة من الطبقات المجتمعيه
لكن بترجع لمكنون الشخص وموروثاته الثقافية وتركيبة شخصيته
الكل يعلم ما قلته ولا داعى للإطالة اكثر من ذلك

تحياتى ودمتم بخير
اسامة سامى

aleskandrany يقول...

انتو بتجيبوا النكت دة منين?

Mohamed A. Ghaffar يقول...

على فكره انت اتدبستى فى موضوع كده ياريت تبقى تخشى عندى تعرفيه

te3mah يقول...

بداية المغزى من النكتة هو السخرية من الرجل إللي بيبقى غير واثق في نفسه وحاسس إنه مالهوش أي لازمة
فبيتزوج علشان يجيب واحدة يثبت بيها قدام الناس إنه بيقدر يمشي كلامه على حد وبيأمر وبينهي أهو زيه زي كل الرجالة !!!


إسكندراني
واضح إن غيبتك برة مصر نستك تراث بلدك :)

عبدالله يقول...

رغم قصر الكلمات اعتقد انها تحمل الكثير
ولكنه معروف في بر مصر للاسف فمعروف ان بعد ما الحكومه خليت الرجاله مالهومش لازمه مفيش طريقه تانيه يثبتوا انهم رجاله يعني غير بالطريقه دي
:))
علي العموم الموضوع ده فكرني بقصه صغيره قريتها في كتاب بيأرخ لفتره احتلال سيناء و تاثيره علي الحياة الاجتماعيه جايب كلمه لمصري من سينا بيقول كنت دايما اول ما اسمع قصف اسرائيلي كنت استخبي وادخل انام مع مراتي
طبعا الكتاب حلل الجزئيه دي ان احساسه بالرجوله انتهي مع الاحتلال فبيحاول يثبت انه لسه راجل
ده برضه الي احنا فيه دلوقتي المواطن الغلبان بيطلتش من كل حته الحته الوحيده الي ممكن مش يطلتش فيها لما يجوز ويمكن برضه يتطلش او يتقطع حسب ظروفه
:))))
علي العموم ده مرض نفسي مش تقلقي كل حاجه بتتعالج
:)
مدونتك جمليه فعلا
تحياتي

رفقه عمر يقول...

ليه حاسه انك حزينه قوى واضح انك انسانه حساسه قوى

koukawy يقول...

ليكي حق طبعا00
انا اغرب كلام سمعته من احد الرجال 00سألته انت اتجوزت ليه00قلي عشان الم واحده من المرميين و مخليهاش تعمل حاجه حرام00
lol
فاكره الاعلان اللي زمان كان بيقول00الراجل مش بس بكلمته الراجل رعايته لبيته و اسرته

أُكتب بالرصاص يقول...

عزيزتي
طعمة

مش شايف ار رابط بين مغزى النكتة ومضمونها
:)

في ميساندرستاندينج

رجاء التوضيح

te3mah يقول...

والله يا أكتب بالرصاص أنا قولت إللي فهمته من النكتة
حضرتك شايف معاني تانية فيها
تقدر تعملها تدوينة خاصة في مدونتك

وشكرا

Taher يقول...

ايمان اعتقد ان كلامك مش منطقى

لا يستطيع الزواج الان الا رجل ومن يتزوج كما تقولين فبتبقى امه هى السبب

!!

te3mah يقول...

عفوا يا طاهر اسمحلي أصححلك المعلومة :

لا يستطيع الزواج الآن إلا من يمتلك المقومات المادية
وليس كل من يستطيع الباءة برجل

arabprof يقول...

الصراحة

نحن بزمان اشباه الرجال

بهذا الزمان لا يوجد رجال للأسف

لانه لو كان هنالك رجال لم تغتصب فلسطين والعراق امام اعيننا
ولما احتلت تركيا أراض سورية
ولا احتلت اسرائيل اراضي لبنانية وسورية
ولما احتلت اسبانيا سبتة ومليلة
وايران جزر إماراتية

وغيرها وغيرها مما لايمكن حصره هنا

BinO يقول...

يقول المولي عز و جل
{مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً }الأحزاب23

فليس كل من ولد ذكراً رجلا

{وَأَطِيعُواْ اللّهَ وَالرَّسُولَ لَعَلَّكُمْ تُرْحَمُونَ }آل عمران132

فالأقتداء بهدي الرسول الكريم صلي الله عليه و سلم و التأسي بأخلاقه و هو طريق الرجولة