قررت النهاردة أغير شيء بسيط في حياتي
تغيير بسيط لكن أكيد كان له تأثير جميل وبسيط عليا
النهاردة قررت إني أغير نمرة موبايلي
واشتريت خط جديد من اتصالات
لسه ماشغلتهوش
بإذن الله أول ما أشغله هابلغ كل من يهمه الأمر بنمرتي الجديدة :)
----------------------------
* تحديث :
لكل من يهمه الأمر ... نمرة بيتنا زادت (2) من على الشمال .
* تحديث (2) :
الموبايل بتاعي باظ :) ... مش عارفة ليه افتكرت سمير غانم في مسرحية المتزوجون : لميت البنطلون الجاكيتة ضربت !!!
هناك 18 تعليقًا:
الف مبروك
شيء منالتغيير بيكون له فعلا تأثير جميل
بس اوعي تنسي حد ممن يهمهم الامر ليزعلوا
أحمد الله عزوجل
أنني لست ممن يملكون محمولاً
:)
وفقكم الله
مبروك الخط الجديد يا طعومة.. انا برضه عايزة اعمل زيك كده و حجزت خط اولريدي بس ماعنديش الجرأة اني أغير فودافون و النمرة اللي معايا من سنة 99، خصوصا اني مش باشتكي من حاجة في الخط و لا الخدمة الحمد لله.
الله يبارك فيكي يا لحظة
صدقيني والله قعدت فرغت كل الأسماء إللي عندي على الخط القديم
تقريبا 80 اسم
وكل اسم على الأقل تحته نمرتين
الله المستعان
وفقنا الله وإياكم يا دكتور خالد
وعقبال ما يبقى عندك محمول :)
حبيبة قلبي علا
منورة مدونتي
أنا والله أخدت القرار بصعوبة لإن خط الفودافون معايا من سنة 2000 برضه
بس صدقيني
التغيير حلو بره :)
دا مش تغيير بسيط
ديزين المدونة يتغير ورقم الموبايل ورقم تليفون البيت .. دا تغيير كبير جداً .. لوحصل معايا ححس إن انا مش أنا
:)
ألف مبارك على شكل المدونة الجديد .. وإن كنت بحب القديم جداً واتعودت عليه جداً جدا .. بس برضه بكرة إن شاء الله اتعود ع التصميم الجديد
وإن شاء الله التغيير دا كله يكون فاتحة خير على حضرتك
ربنا يكرمك ويعزك يا ما علينا
على فكرة أنا من النوع إللي بارتبط بالأشياء جدا جدا جدا
وبيبقى من الصعب عليا أغير حاجة بقالها كتير معايا
بس الواحد محتاج يعمل تغيير في حياته من وقت للتاني
حتى لو كان بسيط وصغير
وحتى لو كان غصب عنه
التغيير مفيد فعلا
الف مبروك على الخط الجديد وعلى النيو لووك الجديد
لكن مش هبارك على زيارة الرقة ٢ على نمرة بيتكم لاني لحد ديلوقتي مش عارف لزمتها ايه انا شايفها خنقة وبس
معلش يا أحمد
هما عاوزين يوجدوا نمر جديدة علشان عدد التليفونات بيزيد
وماكنش فيه حل غير إنهم يزودوا رقم على النمر الحالية
يلا حصل خير إن شاء الله :)
مبروك على الموبيل الجديد ، انا فودافون حتى الموت
شكل المدونة الجديد رقيق جداً
بانر المدونات النظيفه اللى عندك افضل من اللى عندى ، ممكن الكود بتاعه
جزاك الله كل خير يا محمد
الله يبارك فيك
تقدر تقف على البانر وتاخد اللينك بتاعه من الـ properties
هو مش مربوط بأي لينك
مجرد بانر بس
وأنا ضيفته عند خمسة فضفضة كمان
مبروك يا طعمة الرقم الجديد
بعد الفتره دى من استخدامك للاتصالات
حاسه بفرق؟
اصلى بفكر اجيب برضو
وحشانى جدا
متتأخري علينا بقى
السفاحه:D
ههههههههههههه
سفاحة حارة زعتر بذات نفسها في مدونتي
منورة يا أمنية
ربنا معاكي في الامتحانات
والله ليكم وحشة يا بنات
خلصوا بقى على خير علشان نتقابل إن شاء الله تعالى
بالنسبة لاتصالات
الفرق بينه وبين خطي السابق (فودافون)
إن الكارت باشتريه بقيمته بدون أي زيادات
الـ 100 بـ 100
والـ 10 بـ 10
الحاجة الثانية
إن خدمة النت مفتوحة بدون أي اشتراكات زي فوادفون لايف أو موبينيل لايف
الحاجة الثالثة
فيه عرض دلوقتي إن كل ما تتكلمي دقيقة كل شهر الشركة بتنزلك 5 دقايق مجانا من عندها
الحاجة الرابعة
إن لو حد اتصل بيكي وموبايلك مقفول الشركة بتبعتلك رسالة تبلغك بالرقم إللي اتصل بيكي
بالنسبة للشبكة عامة
ممتازة في اتصالاتها ومافيهاش مشاكل لحد دلوقتي والحمد لله
هغيره بس لماافضاله بقى ان شاء الله
هبيع الموبيل واشترى الخط :d
حرام عليكي يا شيخة
هتبيعي الموبايل علشان تشتري خط بـ 18 جنيه ؟!!!!
استلفيهم مني يا ستي وابقي أسطيهم براحتك :P
ايه ده ؟
18 جنيه
احم
هبيع سى دى الفوتوشوب واجيب الخط
:d
طب ابقى اطلبي مني حاجة تاني
:)
إرسال تعليق