السبت، يوليو 21، 2007

نداء إلى أصحاب العقول الرحيمة

السلام عليكم جميعا
أعتقد واضح إن مدونتي دي شغالة على النظام القديم
وهو بالنسبالي أريح علشان باقدر أتحكم في حاجات كتيرة قوي عن طريق تعديل لغة الـ html
وأنا من ساعة ما أنشأت المدونة وأنا شغالة في الغوامق
الاستايل القديم كان زيتي وده أسود
فكل التدوينات بتاعتي مكتوبة بالألوان الفاتحة
نفسي أغير شكلها بس يكون بلون خلفية فاتح مش غامق
بس هيبقى فيه مشكلة في قراءة الكلام طبعا لإنه مكتوب بلون فاتح
يا ترى فيه حل أقدر بيه أغير لون كتابة التدوينات كلها بسهولة ؟
وجزاكم الله خير الجزاء جميعا

هناك 20 تعليقًا:

عصفور المدينة يقول...

مش عارف بس صعبت عليا
:)

طـعـمـة يقول...

دعوة قليلة تمنع بلاوي كتيرة
وهنيالك يا فاعل الخير والثواب

:)

رفقه عمر يقول...

انا بجد نفسى اعملك لك حاجه طيب جربى كدة فيه موقع للتمبلات مكن تلاقىفيه تصيمم الوانه تناسب الكتابه
http://www.finalsense.com/services/blog_templates/index.htm

رفقه عمر يقول...

http://www.finalsense.com/services/blog_templates/index.htm

طـعـمـة يقول...

مانا محملة الاستايل الحالي من نفس الموقع
بس نفسي اشتغل بقى في الفواتح شوية
زهقت من الألوان الغامقة في الخلفية :(

رفقه عمر يقول...

مش عارفه اللينك مش عايز يظهر كله ليه
على العموم حاولى

طـعـمـة يقول...

جزاكِ الله خير الجزاء يا رفقة عُمر :)

رفقه عمر يقول...

عارفه بينو يمكن يفيدك لانه غير لون مدونته وغير الوان الكتابه كمان
يارب يدخل هنا ويفيدك

طـعـمـة يقول...

نروح نديله خبر بالموضوع :)

BinO يقول...

السلام عليكم وحمة الله وبركاته
أختي في الله طعمه
أنا الموضوع عندي كان مختلف
لأن حولت من الفاتح للغامق وكانت ألوان البوستات عندي بالأسود
معظمها
فكل اللي عملته أني غيرت لون الديفوالت بتاع المدونة للأبيض

بالنسبة لكي
ممكن تعملي التالي غيري الخلقية للون اللي أنت عايزاه
وبعد كده حتعدلي المواضيع واحد واحد
وتوحدي اللون الخط
يعني تعمليها كلها أزرق غامق مثلاٍ

عارف أنه حل مرهق وعايز وقت
ولكن أن شاء الله حتلاقي مواضيع كتير ألوانها متناسبة مع الخلفية
وممكن تعملي الموضوع علي كذا يوم وأبدأي من الأحدث

أعتذر عن عدم وجود حل مريح بس ربما حد تاني غيري يفيدك أن شاء الله

طـعـمـة يقول...

وعليكم السلام ورحمة الله وبركاته
جزاك الله خير الجزاء أخي الكريم بينو
أنا حسيت من الأول إن مافيش حل غير إني أغير ألوان الكتابة لكل بوست على حدى
بس قولت أحاول
والله المستعان

ma_3alina يقول...

ما هو أصـ أصـ ..
موش عارف ... عااااا

:(

انا حبطل وابيع ترمس

Ahmed AL-Hussany يقول...

راسلي الموقع واسأليهم ازاي تعملي كده او يعملهالك همه
ولو منفعشي اتكلي على الله واعمل مدونة جديدة
على النظام الجديد ارحم من تغيير الكلام بوست بوست
تحياتي

طـعـمـة يقول...

أخي ما علينا
كتر اللمون والكمون والشطة الله يكرمك :)

طـعـمـة يقول...

جزاك الله كل خير يا أحمد
والموضوع مش مستاهل
وطبعا هيبقى صعب عليا أعمل مدونة جديدة
وأسيب دي لمين يعني ؟
دي شقا عمري كله
سنتين يا عالم :(

M.Sameer يقول...

انتي حاطه

<font color="green">
مثلا ولا معدله فى الالوان CSS ?

هو فيه حل بس مش حلو اوي: خلى ال
template
فاتح و البوست نفسها خلى ال background
بتاعها اغمق سنه!!

eldoctor يقول...

ياترى حلت المشكلة ولا لا .. انا بافكر فى حل .. انك تعملى تصدير للتدوينات .. والتعليقات . و بعدين تغيرى الاستايل .. وترجعى تعملى import تانى .. الفكرة دى ممكنة فى وردبرس بس فى البلوجسبوت مش عارف؟؟؟

aliaa يقول...

السلام عليكم
بصى يا طعمة ابعتيلى ايميلك عالياهو
وانا اشرحلك ازاى تعملى التغيير اللى انتى عاوزاه
واى خدمة يا طعمة
اختك علياء
على فكرة مدونتك جميلة جدا بجد والله شدتنى لما دخلتها وعشان كده ضفتها عندى فى مدونتى

طـعـمـة يقول...

جزاكم الله خير الجزاء جميعا
أعتقد إني حاليا هاكتفي بالتصميم الحالي لإني مشغولة جدا ومش هيبقى عندي وقت أو تركيز علشان أغير الاستايل
والله المستعان

منة الله يقول...
أزال المؤلف هذا التعليق.