الجمعة، أغسطس 10، 2007

مش عاوزين غير الستر والصحة

إمبارح في جريدة الأهرام كان فيه إعلان في آخر صفحة عن منتجع سياحي في الساحل الشمالي
المنتجع ده ولأول مرة في مصر - على حد كلام الإعلان - فيه شاطيء مُغطى وأمواج صناعية ومكيف يعمل صيف شتاء !!!
وهيتم التسليم في سنة 2009 وممكن التقسيط على 5 سنوات
يا ترى على سنة 2009 هيكون فيه كام واحد من الشعب المصري عند المَقدرة إنه يشتري وحدة (فيلا أو شاليه) في المنتجع الوهمي ده ؟!!!
ماهو الناس دي حاجة من الاتنين :
يا إما مش عارفين إن فيه ناس وبشر زيهم بيناموا تحت الكباري بالليل
يا إما عارفين بس سايقين الهَبل عالشيطنة
الملايين إللي بتتصرف دي مين الأولى بيها يا أولياء أمورنا ؟!!!

هناك 10 تعليقات:

الطائر الحزين يقول...

هذا المنطق لا يأتى على بالهم اصلا ما يقتنعون به هو الفكر القارونى
انما أوتيتة على علم

بشطارته وفكرة وفهلوتة فيعمل فيه اللى هو عاوزة ونسى حق الله فيه
الحمد لله على نعمة الستر

تحياتى بارك الله فيك

عصفور المدينة يقول...

وحسن الخاتمة
وهداية المترفين أوهلاكهم

طـعـمـة يقول...

نسأل الله أن يسترنا فوق الأرض وتحت الأرض ويوم العرض عليه
اللهم آمين

جزاكم الله خير الجزاء

! Eslam ! يقول...

طيب حنعمل ايه يا عنى يا طعمه

اكيد سايقين الهَبل عالشيطنة

بس حنقول ايه

مفيش غير مصر هى أمى نيلها هو دمى

طـعـمـة يقول...

عارف يا إسلام لما قريت الإعلان ده امبارح
افتكرت الموضوع بتاع أمنية :
لو لم أكن مصريا ... لشكرتُ الله كثيرا

الصارم الحاسم يقول...

لأ فيه في مصر القادرين على شراءه وكتير

مصر فيها فلوس كتير جدا...ولكن سوء توزيع الثروة هو المشكلة


وده ادعى لنزول غضب الله وربنا يستر

hollow يقول...

No Comment

Mohamed A. Ghaffar يقول...

انا عاوز الستر بس ، اما الصحه ففى ميزان حسناتى

ام البنات يقول...

طعمه
حبيبتى الناس
دى مش سايقه الهبل على الشيطنه
يا طعمه الناس دى متعرفش ان فى حد فقير
لما بروح هناك بيجى لى إكتئاب
اشهر مصيف فيك يا ساحل يا شمالى
الناس بتتريق على علشان مش بحبه
يا طعمه كمية البذخ والترف هناك تشعرى بشعور غريب...هو فى إيه..؟
ربى ابنى لى عندك بيتا" فى الجنه

رصاصة طـائشة يقول...

لا طبعا موش بيفكروا خالص.......
وبعدين هي اجت على دي ..اومال يللي عم يبعتوا يجيبو العشا من باريس بالطيارة كل ليلة...ميعرفوش ان في ناس فعلا بتموت ملجوع
يااااااا ه ياطعمة
العالم مليااااان..لكن مفيش حدا عم يفكر بغيرو ولا بيشوف الا حالو
شو قولك بس ...الله يستر